|
رد: سايس السيارات مشكله لازم ليها حل ضرورى
المشكله يا جماعه ان الموضوع زاد عن حد مش معقول كل واحد عنده 4 مشاوير فى اليوم يخرج وعامل حسابه على 20 جنيه اكراميات دا غير بتوع البنزين اما بتمون وكمان حرقه اعصابك مع سواقين جهله و اصوات كلكسات حتى لو شايف قدامه طريق مسدود وكان الطريق اتعمل لواحد بس يمشى فيه ومش مسموح لحد يوقفه لحظه الموضوع بيكبر يا جماعه بدل ما كنت بتشوف ناس عاديه و تديهم جنيه و تخلص بقى عندك شله كل واحد ماسك حته فى الشارع .............دا انت لو رحت شارع الهرم لوحده تفلس اخر اليوم من الاكراميات بجد انا مش فاهم مين نشتكيله بعد ما بقى الموضوع تابع لبتوع الحى اللى مشغلين نص البلطجيه دول و النص التانى تابع لبتوع الشرطه والمرور و بيقسموا مع بعض مقابل انك تركن فى مكان هوا اصلا ممنوع تقف فيه قطعيا!!!!!!!!!!!!! انا لسا شارى العربيه من شهر 8 بس بجد كرهت امها و كرهت الشعب الواطى ده لدرجه انهم وصلونى لان بقيت ادايق من الناس الغلابه اللى فى الشارع لانى بقيت حاسس انهم ممكن يتحولوا فجاه لسايس و بدل ما كنت بتديلهم بمزاجك هياخدوا منك بالعافيه او بطريقه مقننه زى شغله السايس التابع للحى او بقى يخرب بيت عربيتك اللى ممكن تكون انت راكبها و بتصرف عليه بالعافيه بجد حسبى الله و نعم الوكيل وانا هحاول اتصل بمنظمة حقوق الانسان او اروح اعمل محضر للناس دى فى اقرب قسم ليهم وان ما اخدتش حقى هبيع العربيه و ارجه لذل الميكروباصات تانى اهو احسن ما واحد يدينى سكينه فى جنبى ولا حاجه و طظ فى مصر بلد المهانه حسبى الله ونعم الوكيل |
رد: سايس السيارات مشكله لازم ليها حل ضرورى
حصلت معايا مواقف كتير ولقيت نفسى بدفع فلوس بغباء فقلت حرام بقى انا اولى بالفلوس دى فجاتلى فكرة متخلكش تدفع ولا مليم .. لما تجى تركن وتلاقى البيه السايس فى قفاك بيساعدك تركن على اساس ان احنا مش بنعرف نركن , ما علينا تقوله شوية وجاى مثلا 5 دقائق وجاى تانى طبعا هو حيكون مستنيك عشان ياخد فلوس , بعد ما تخلص المشوار بتاعك روح على عربيتك زى الباشا حتلاقى جايلك زى الصاروخ و يقول كل سنة وانت طيب يا باشا طبعا الكلام اللى ميدخلش الدماغ ده تيجى تقوله معاك فكة 200 فى حالتين حيرد عليك لو قال لأ يبقى تقوله المرة الجاية وتمشى وتسيبه ولو قال اه معايا فكة قله وانا مش حفك 200 عشان خطرك ولو شد معاك عادى انت راكب عربيتك ومش حيقدر يعمل حاجة... لو انت شديت معاه فى الاول وسيبت عربيتك متعرفش هو ممكن يعمل فيها ايه, بجد بقالى سنه مدفعتش ولا مليم بعد كده ....
|
رد: سايس السيارات مشكله لازم ليها حل ضرورى
حصلت معايا مـره واحده بس كنت مع واحد صحبي
وصحبي دا ماشاء الله عليه طول وعـرض وصوته خشن جدا وكان حالق اقرع كمان بعد ماركنا الراجل كتب علي البربريز الساعه الي ركنا فيهاا واحنا ولا قولنالو بتعمل ايه ولا بتكتب ايه مشينا قضينا مشوارنا وجينـا السايس بيقول لصاحبي خمسه جنييه صاحبي برئلو بعينه بس كدا وقالو انت عبيط ياض ولا ايه هههههههههههههه والله خد الكلمـه وسحب نفسه علطـول |
رد: سايس السيارات مشكله لازم ليها حل ضرورى
لسه امبارح نزلت اجيب سندوتشين من جاد الجيزه خدت بالضبط 5 دقائق
حصلى موقفين واحد بيبيع جرايد شكله تعبان او عامل نفسه كده (ربنا يعافينا) بيرمى الجرنان فى العربيه رميته بره واللى نرفزنى اكتر وربنا يسامحنى انى شايف السايس جاى عشان ياخد الفرده وبيقولى ارجع ارجع ارجع هوووووب وبعدين جالى قولتله شكرا قالى انت فاكرنى شحات سبته وطلعت بالعربيه قالى مش مسامح !! فعلا قله ادب |
رد: سايس السيارات مشكله لازم ليها حل ضرورى
اقتباس:
|
رد: سايس السيارات مشكله لازم ليها حل ضرورى
الحل ان محدش يدفعلهم حاجه
و المفروض الشرطه و البلاديه هي التلم الناس ديه |
رد: سايس السيارات مشكله لازم ليها حل ضرورى
بقول عليهم عيال غلابة بديلهم الى فيه النصيب وخلاص , ناس تانية بقى بقولهم لأ شكراً سيب العربية
ابرز موقف ليا كنت طالع بعربيتى من المغسلة ورحت وقفت عند محل عشان نازل اشترى حاجة وقبل مانزل لقيته بيحط فوطة على العربية قولت له لا سيبها هتمسح فيها ايه دى لسا طالعة من الغسلة ديرت وشى عشان اقفل الباب لقيته بيقول دى منظر عربية طالعة من المغسلة , قولت له انت مال اهلك انت هتشاركنى , ملكش دعوة ياعم انا عاوزها وسخة , قالى طيب بالراحة علينا ياعم وبعدين ابقى اقف انت خلى بالك من عربيتك بقى انا مليش دعوة قولت له والمصحف لو اتلمست لأسجنك واسجن الى خلفوك كمان انت مفكرنا هفية يالا ولا ايه , العربية ادامك اهى وانا كنت ناوى مطولش فى المحل , انا هقعد جوا براحتى وابقى اطلع الاقى العربية ملموسة بس :10F925~165: |
| الساعة الآن 09:56 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017