|
رد: ما هو رأيكم في السبرانزا A516
السلام عليكم جميعا ....أولا أنا بأشكر كل من تكرم بالرد علي موضوعي وطبعا أنا استفدت كتير جدا من الردود الجميلة دي وخاصة إن أنا معنديش خبر ة بالسيارات ....وطبعا يا أستاذ أحمد إجابتك مش بعيدة عن النوضوع ولا حاجة دي في صميم الموضوع لأني أنا بدور علي سيارة ودي اقتراحات من عشرات الاقترحات إلي بتأبلني فحبيت إني أستفسر عنها أما بالنسبة للسيارة إلي حضرتك زكرتها في ردك أنا أول مرة أسمع عنها وإن شاء الله هاشوفها ... أنا من طنطا أقرب مكان ألأيها فيه فين؟...جزاكم الله خيرا
|
رد: ما هو رأيكم في السبرانزا A516
اقتباس:
أنا على فكرة من طنطا برضه ولسه شاري العربية من شهر تقريبا لكن الصراحة كان حظي سئ جدا في العربية واجهتني مشكلة في المرور بسبب تأخر اعتماد أرقام الشاسيهات الجديدة وواجهتني مشكلة تانية في تأخر وصول شهادة الضمان ومشكلة تالتة في ان البطارية طلعت بايظة وما بتقبلش شحن وأنا حاليا في مداولات مع التوكيل بسبب الموضوع ده ولغاية وقتنا هذا العربية ماتحركتش من أمام البيت بس طبعا كل ده أعتقد أنه سؤ حظ ليس الا .....لأنه ماحصلش مع غيري وممكن يحصل مع أي عربية تانية أنا تقييمي للعربية المبدئي انها عربية كويسة وعلى قد فلوسها وبرضه اسأل وشوف البدائل وخصوصا الفيرنا واللانوس بالنسبة للمعارض اللي ممكن تلاقيها فيها في طنطا عيسى للسيارات......وده بالمناسبة مركز الخدمة المعتمد في طنطا ومكانه (كوبري قحافة على السريع) وغالبا حتلاقي هناك عربية للعرض....وده أفضل مكان تجيب منه العربية اذا تساوت العروض المادية أبو شادي موتورز....آخر حسن رضوان الكموني.........شارع حسن حسيب المصرية للسيارات.......الاستاد وأي استفسار انا تحت أمرك |
رد: ما هو رأيكم في السبرانزا A516
دكتور درش متزعلش نفسك وديه حاجات بسيطة وهتتحل قريب ان شاء الله
بس طمنا على العربية عملت فيها ايه وليه التوكيل مش عايز يغيرلك البطارية على طول !!؟ |
رد: ما هو رأيكم في السبرانزا A516
مساء الخير عليكم احب اضيف لحضراتكم شويه حاجات عن التلات عربيات دول اميزهم و انسبهم للطرق المصريه هى اللانوس بلا منازع و السبب مش اسعار قطع الغيار و بس ولا ان التوكيل هو من اقوى توكيلات السيارات فى مصر و بس و لكن عشان حاجتين مهمين جدا اولهم ان الشاسيه الخاص بالعربيات اللانوس مجلفن و ثانيهم ان الجيل الجديد من الشيفروليه لانوس ارتفاعه عن الارض اصبح مناسب للطرق الجميله بتاعتنا و ليه الفيرنا لا لان الفيرنا عفشتها مش كويسه ده بجانب كثرة عيوب الصناعه اللى بتظهر فى العربيه و رداءه مستوى خدمه ما بعد البيع و ليه الاسبيرانزا لا عشان عمر خامات العربيه بالكماليات المعلن عنها يعنى عمر افتراضى قصير ( جودتها ضعيفه بسعر رخيص ) و الكلام ده على قد علمى و الله اعلم يا جماعه و اتمنى ان اكون فيدتكم بحاجه ptmnlo123per1106
حد يأمر بحاجه ptmnlo123per122 |
رد: ما هو رأيكم في السبرانزا A516
السلام عليكم أولا:
أنا العربية معايا موديل 2006 أول دفعة وعاملة معايا دلوقتى 65000 كم وعجبانى جدا ... وأنا فى رأئيي الشخصى هى أحسن من ثلاث عربيات على التوالى وجربتهم كلهم فى السفر أولا الفيرنا واللانوس والأفيو.... الأسبيرانزا أحسن منهم بمراحل كبيرة لكن هى فى مشكلة عند إعادة البيع لاحظت سعرها بينزل كتير مش عارف ليه؟ |
رد: ما هو رأيكم في السبرانزا A516
اقتباس:
وهذا رابط يتحدث عن التوكيل: http://www.masrmotors.com/vb/showthread.php?t=8450 |
رد: ما هو رأيكم في السبرانزا A516
اقتباس:
كل الفكرة ان الحوارات دي لما طولت قوي كده ضيعت من الواحد فرحة العربية الجديدة بس الحمد لله يمكن الموضوع ده يكون أخد العين شوية عن العربية (ربنا يبعد عننا عيون الناس) على فكرة أنا استلمت الحمد لله البطارية الجديدة النهارده كان التأخير على ما يوصل الرد من الشركة علشان يسمح للتوكيل بتبديل البطارية والنهارده من حظي (الحلو) بعد ما وصل الضمان اكتشفوا ان مفيش عندهم في المخزن بطاريات قعدت لهم بقى وقولت أنا مش ماشي من غير ما أركب البطارية راحوا خالعين لي بطارية من عربية زيرو وركبوها لي بس كده الحمد لله ....... وعلقت النمر وطلعت بالعربية أول مشوار ليا النهاردهptmnlo123per122 |
| الساعة الآن 01:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017