المشاركة الأصلية كتبت بواسطة Hisham.Elgazzar (المشاركة 821196)

المشاركة الأصلية كتبت بواسطة ashraf2 (المشاركة 821205)

شكراً مستر هشام
بس واضح اني انضحك علية والحمد لله على كل شئ

المشاركة الأصلية كتبت بواسطة Hisham.Elgazzar (المشاركة 821210)

كل اللى بيشترى مستعمل بيحصل معاه اللقطة دى
ومعلش حتى التجار نفسهم بيغلطوا اه المشكلة؟
المهم حاول تصلحها وتخليها معاك شوية كده هتعجبك جدا لأنها عربية ممتازة
انا لو بعت عربيتى دلوقتى هخسر فيها 10 الاف وبرضو جايبها مستعملة ونضحك عليا فيها

المشاركة الأصلية كتبت بواسطة ADEL AL SHAAIRY (المشاركة 821282)

اخى الحبيب اشرف الحقيقة انا تعبت نفسيا زيك بالضبط وارجو تعمل بنصيحتى لانى اخ اكبر وبأنصحك لله - ارجوك صلحها وبيعها لان اكيد وراء المشاكل دى مشكلة اكبر والا كان صاحبها صلحها واحتفظ بيها - ربنا يوفقك ويعوض عليك باحسن منها :CHUBBY~36:

المشاركة الأصلية كتبت بواسطة ashraf2 (المشاركة 821254)

معلهش ادي احنا بنتعلم
بس المشكلة اني في شرم حالياً ومش عارف استعملها على وضعها دة حتى اعود من شرم بعد شهر ونصف ولا لأ
ولك مني جزيل الشكر على سرعة ردودك

المشاركة الأصلية كتبت بواسطة ashraf2 (المشاركة 821057)

السلام عليكم جميعاً
هذة اول مشاركة لي في المنتدى بعد ان اشتريت ميجان 2005 واحسست ان هناك فارق كبير بين سيارتي الاوبترا والميجان لصالح الاوبترا بالطبع
لقد اقتنعت بالميجان بعد قراأتي عنها في منتداكم هذا ولكن بعد ان اشتريتها احسست بعدم الراحة النفسية لاني لم اكشف عليها واعتمدت على احد الاشخاص المفروض فيهم الخبرة في تلك الامور وندمت لعدم الكشف عليها للاسباب التالية
1- جميع الابواب تصدر اصوات كما لو كانت غير مغلقة جيداً
2- يوجد صوت طقة يُسمع من الخلف في الناحية الشمال
3- لون السيارة باهت الى حد كبير
4- الكارت الثاني لا يعمل
5- تسارع السيارة بطئ
6- ال سي دي بة احد السيديهات محشور بها ولا يريد ان يخرج
ولكن ما جعلني اقلق بالفعل هو انني عند سفري الى شرم الشيخ لاحظت ان السيارة لا تستجيب معي ووقفت على سرعة 110كم فقط ولا تريد ان تزيد السرعة مهما ضغط على دواسة البنزين ولكن عندما ضغط مرة واحدة لاحظت ان عداد ال ار بي ام سعلوا جدا ثم تبدأ السيارة في زيادة السرعه حتى تصل الى سرعة 130 كم س فقط وعندما تعود السرعة الى اقل من 110 ك س تعود الى وضعها السابق في عدم زيادة السرعة عن 110
فرجاء الى اهل الخبرة افيدوني عن السبب وكيفية العلاج حيث اصبط باحباط شديد
ولكل اعضاء المنتدى وافر التحية والشكر