مصر موتورز مجتمع السيارات - انا انشا الله ناوى أجيب فيرنا 2013 هاف اوبشن تقسيط

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - انا انشا الله ناوى أجيب فيرنا 2013 هاف اوبشن تقسيط (https://www.masrmotors.com/vb/showthread.php?t=103865)

رد: انا انشا الله ناوى أجيب فيرنا 2013 هاف اوبشن تقسيط

من اجمل واكثر السيارات مبيعا فى مصر ..... سياره اثبتت وجودها فى مصر

رد: انا انشا الله ناوى أجيب فيرنا 2013 هاف اوبشن تقسيط

صدقني عربيه كويسه جدا وتنفع في الزحمه وموفره ف البنزين وبياعه وليها سوق كبير جدا وقطع غيارها منتشره علي الرغم من وجود بعض العيوب البسيطه بس مش هتائر علي اداء العربيه والف مبروك مقدما بس نصيحه مني بلاش قسط وفوايد وربا لو تقدر حتي تجيبها كاش وتصرف في الفلوس من حد قريبك حتي يبقي افضل وراحه بال وهيبقي مفيش فوايد ولا غيره وهتخد العربيه بسعرها ف السوق ومش هتدفع اقساط وفوايد وشيكات ووجع دماغ وغير كده هتبعد عن الربا

رد: انا انشا الله ناوى أجيب فيرنا 2013 هاف اوبشن تقسيط

اقتباس:

المشاركة الأصلية كتبت بواسطة a7medozoo (المشاركة 808644)

العربيه كويسه جداا وعالجو مشكال كانت موجوده فى الموديلات القديمه زى ارتفاعها عن الارض الموديلات القديمة كانت علبه الشكمان كبيرة وبتحك فى المطبات لكن من اول 2010 بقت علبه الشكمان مضغوطه ومصفحة .
العيب اللى عندى ده بسيط وغالبا هيروح ولو مرحش كده كده هيتعمل فى صيانه الاف اتوكل على الله والف مبروك مقدما

وانا عمال اقول هي العربيه بتاعتي ليه مبتحكش ف المطبات ركبت فيها 4 اوزان تقيله ورحت حتت استغفر الله فمطباتها وبرده محكتش اتاريهم علوها ولاد الايه وانا مش غارف
عموما العربيه كويسه لا يعيبها غير الثبات علي السرعات بعد 150 لكن هي بتشم البنزين شم
ولو تعرف تجيبها فول اوبشن يبقي افضل مش هتفرق 3 او 4 الاف فرق عشان هتلاقي حاجات غلسه ناقصه زي الساعه والزجاج الكهرباء والمرايات هتلاقيها سوده مش مناسبه للون العربيه وتقريبا فتح التنك من الداخل والله اعلم

رد: انا انشا الله ناوى أجيب فيرنا 2013 هاف اوبشن تقسيط

هى النسخه الاتوماتيك عامله كام ؟

رد: انا انشا الله ناوى أجيب فيرنا 2013 هاف اوبشن تقسيط

اقتباس:

المشاركة الأصلية كتبت بواسطة خالداعزالناس (المشاركة 810918)

هى النسخه الاتوماتيك عامله كام ؟

السلام عليكم
اخر مره سألت علي الأوتو كانت 88000 تقريبا
والله المستعان

رد: انا انشا الله ناوى أجيب فيرنا 2013 هاف اوبشن تقسيط

اقتباس:

المشاركة الأصلية كتبت بواسطة ahmed el gendy (المشاركة 809885)

سوال صغير هيه بتاخدبنزين كام فى 100 كيلو فى المدينة وفى السفر

رد: انا انشا الله ناوى أجيب فيرنا 2013 هاف اوبشن تقسيط

اقتباس:

المشاركة الأصلية كتبت بواسطة hamaad (المشاركة 811022)

سوال صغير هيه بتاخدبنزين كام فى 100 كيلو فى المدينة وفى السفر

بص عربيتي لسه مجبتش ال 3000 كيلو يعني تعتبر ف فتره التليين برده لكن بحسبه صغيره لقيت ان ال 35 لتر بيمشوني 400 /450 كيلو يعني ممكن نقول الصفيحتين يمشوني 500 كيلو بس ده كله من غير تكييف معرفش بالتكييف ايه لاني لسه شاريها وانت عارف الجو برد