|
Re: تقسيط مباشر من شركة رينو
بص هو مفيش اى زياده غير الى متفق عليه و فى ميزه انك ممكن تدفع اى مبلغ متوفر معاك لو عايز تنجز طبعا و فى الحاله دى يا اما يشيل الفلوس الى دفعتها من الاقساط من الاخر او يعيد حساب الاقساط من تانى
هم احسن من البنك فى النقطه دى و بعدين انت مش حتمضى على شيكات بعدد الاقساط كل 6 اقساط ليهم شيك يعنى لو حتقسك على 5 سنوات يبقى 10 شيكات |
رد: تقسيط مباشر من شركة رينو
السلام عليكم..
فى اتصال تليفونى دار بينى وبين فرع رينو مصر الجديده قالى ان تقسيطهم بيكون مع شركة كونتكت فعلا السؤال هنا .. هل استمر فى حجز العربيه ولا اعمل ايه لانى فهمت عن تجربه من ناس قبلى ان فى حالة الحوادث لا قدر الله بدفع المبلغ كله من جيبى بعد كده بحاسب كونتكت وبيكون فى مماطله فى السعر وميعاد الدفع ده غير الروتين ؟!!! برجاء الافاده سريعا لو سمحتوا لان المفروض هيكون عندى ميعاد معاه يوم الاحد القادم وحابب يكون معايا المعلومه كامله قبل ما اقابله منعا انه يبعيلى اى كلام! |
رد: تقسيط مباشر من شركة رينو
السلام عليكم..
فى اتصال تليفونى دار بينى وبين فرع رينو مصر الجديده قالى ان تقسيطهم بيكون مع شركة كونتكت فعلا السؤال هنا .. هل استمر فى حجز العربيه ولا اعمل ايه لانى فهمت عن تجربه من ناس قبلى ان فى حالة الحوادث لا قدر الله بدفع المبلغ كله من جيبى بعد كده بحاسب كونتكت وبيكون فى مماطله فى السعر وميعاد الدفع ده غير الروتين ؟!!! برجاء الافاده سريعا لو سمحتوا لان المفروض هيكون عندى ميعاد معاه يوم الاحد القادم وحابب يكون معايا المعلومه كامله قبل ما اقابله منعا انه يبعيلى اى كلام! |
رد: تقسيط مباشر من شركة رينو
انا روحت رينو المهندسين و اتفرجت على العربية و لكن عرفت ان لو حجزت هاستلم على الاقل بعد شهرين و نصف ففكرت اروح لعبد اللطيف الجميل فى شارع السودان و روحت فعلا و اتكلمنا فى موضوع التقسيط المباشر
العربية سانديرو اتوماتيك ب 85500 فائدة 9.5 - تامين 3.5 تكافلى من بيت التمويل المصرى السعودى اقل مقدم 25% - حظر بيع - الرخصة باسمى - لا يوجد توكيل بيع للشركة - لا يوجد اخذ نسخة من المفتاح - مصاريف ادارية 960 جنيه بتمضى على شيكات بباقى تمن العربية و بخصوص الضامن هو قالى انهم غالبا مش هايحتاجو ضامن لانى حكومة و عندى تامين و لو هايحتاجوا ضامن يبقى هو كمان هايمضى على نفس عدد الشيكات المرتب يبقى 3 اضعاف القسط ده رقم استاذ ايمن دياب اللى اتكلمت معاه 01226001452 على فكرة انا اتكلمت مع رينو و مع عبد اللطيف الجميل و مع سمير ريان و مع استاذ سيف الدين و شفت عرض كونتاكت الاسلامى للوصول للافضل و حتى الان الصراحة شايف الافضل عبد اللطيف الجميل و ربنا يستر |
رد: تقسيط مباشر من شركة رينو
أنا رحت معرض نقابة المعلمين وسألت بالتفصيل عن كل حاجة تخص السيارات
1:المستفيد هو عضو نقابة المعلمين او الزراعيين او العلميين 2:بدون مقدم بدون ضامن بدون حظر بيع 3:بفائدة 6.9% على 60 شهر 4:بشرط ان صافى المرتب يكون ضعف قسط السيارة 5:لو حد مرتبه مش مكمل ممكن يجيب ضامن مكمل اول وضامن مكمل تانى لو محتاج بشرط ان مرتباتهم كلهم تكون ضعف قسط السيارة 6:او ممكن تدفع مقدم لو حبيت 7:فى حالة عم سداد قسطين ورا بعض فى سنة واحدة يتم رفع قضية ببيقية الشيكات يعنى مفيش زيادة ارباح 8:لو حبيت بعد كده تسدد جزء من تمن السيارة بتتخصم الفوائد وتتحسب على المبلغ المتبقى 9:التأمين اختيارى لصالح السيارة 10:الحد الادنى لصافى المرتب المقبول 700جنيه فى الشهر بالتوفيق للجميع حضرتك ممكن تشوف العرض ده ولو يناسبك وليك طريق ليه ممكن تسلكه أعتقد انه أحسن من اللى بتقول عليه ده كله وبالتوفيق ايه ياترىايه ياترىايه ياترى |
رد: تقسيط مباشر من شركة رينو
كونتت عندها تقسيط اسلامى بالاسم فقط و لا كنه مش اسلامى و ده رأى العلماء
|
رد: تقسيط مباشر من شركة رينو
انا سؤالى عن كونتكت فى حالة الحوادث والدفع
بالنسبه للشراء من معرض انا يادوب المقدمه اللى معايا مش هتنفع اشترى كاش وميزانيتى مش هتتحمل اى فلوس تانيه للشراء من المعارض( اقل معرض بيعمل 3000 جنيه اوفر برايس) وبالنسبه للنقابات انا قطاع خاص يعنى مش هينفع ضامن او نقابه او غيره. وبالنسبه لموضوع انه اسلامى او لا.. مفيش تقسيط اسلامى اساسا لو الحاجه بجنيه وتخلصها بجنيه ونص ده ربا.. مفيش اى تعريفات من اى نوع تانى علشان الصوره تكون واضحه.. احنا كلنا بنقسط لاننا مضطرون لا اكتر شاكر لكل اللى ردوا عليا واهتموا ربنا يكرمكم :) سؤالى .. حد اتعامل مع كونتكت دى ويقدر يفيدنا فى اسلوب تعاملهم فى حالة الاقساط او فى حالة الحوادث او الاجراءات الورقيه.. سلمنا الله جميعا |
| الساعة الآن 10:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017