رد: سير الكاتينة جنزير ولا كاوتش
 

رد: سير الكاتينة جنزير ولا كاوتش
 

انا سالت التوكيل وعرفت ان سير الكاتينة جنزير ودى فعلاا من مميزات الصانع نيسان.
لكن ان شفت الفينيش داخل المحرك مثلاا للدائرة الكهربائية مثل الترامل مغطاة بشريط لحام مقطوع باليد شى بسيط لكن للاسف تقفيل مصرى لم يرتقى بعد ليجعلك تحس بالرضى والفخر عن العامل المصرى مع الاسف والالم.
nononono

رد: سير الكاتينة جنزير ولا كاوتش
 

رد: سير الكاتينة جنزير ولا كاوتش
 

يا جماعة انا معاكو اني معظم المستخدمين بيحبوا سير الكاتبنة الجنزير بس حد فيكوا عنده سبب مقنع لدا؟
اصلي انا شايف انه عيب اكتر منه ميزه ليه بقي؟
اولا الصوت العالي للمكنة.
ثانيا توكنولجيا مواتير نيسان مش زي التيوتا ولا الهوندا ياعني بتلاقي المكنة ١٦٠٠ وفارحانين قوي انها بتعمل ١١٨ حصان مع اني دا بقي اقل من الطبيعي اليومين دول.
كل المواتير النيسان ان جاز التعبير عند مقارنتها بنفس المواتير من حيث السعة مما يماثلها من المصانع اليابانية الاخري هتلاقيها اعلي في استهلاك البنزين.

ياعني الملخص ماتور صوته عالي استهلاكه عالي هورس باور مش قد كدة وفي الاخر الميزه انه سير جنزير.
اهلا وسهلا.

رد: سير الكاتينة جنزير ولا كاوتش
 

أنا بردو مش شايف ميزة في الجنزير ده. هو بس عمره أطول من الكاوتش.

رد: سير الكاتينة جنزير ولا كاوتش
 

حسب إجابات السادة الأعضاء المحترمين عرفت إن الجنزير - أمان وقوة وعزم أكبر - مع إرتفاع صوت الماكينة قليلآ لكن مسألة إنه بيستهلك بنزين أكتر - دى معلومة جديدة - مش عارف رأيكم أيه ؟؟
وكمان فيه حاجة مهمة جدآ قلقتنى بعض الشىء لأنى حاجز السيارة دى - سوبر صالون - ولكن لسه ما ستلمتش - هى إن حوض الموتور ضيق جدآ يعنى حتلاقى الموتور لازق فى الردياتير ووش العربية - يعنى أى خبطة من قدام حتأثر جامد فى العربية ده ناهيك عن صعوبة الصيانة والأصلاح لأى ميكانيكى عادى .
ياريت أعرف رأيكم
وشكرآ

رد: سير الكاتينة جنزير ولا كاوتش
 

أحب أوضح بس لحضرتك إني ماليش سابق خبرة بالعربية الصني الموديل الجديد إنما أنا من ملاك الإي إكس صالون موديل 2011 الشكل القبليه على طول وعندي خبرة بعض الشيء بالتيدا والأباثفيندر والباترول وكام مرة كدة على الماشي بالأرمادا وعلشان كدة أنا عممت رأي على مواتير النيسان عامتا.
لاكن أنا ما أفضلش أكون من مطلقي الإشاعات بإني أنا قولت إني النيسان صني الشكل الجديد بتاكل بنزين ولا غيره.
أنا متحفظ على حاجات في العربية دي ودا من واقع معاينتها بنفسي في معرض سيارات وكنت بفكر فيها ولاكن أ،ا ماحبتهاش لأسباب أخرى منها الشكل العام للسيارة خارجيا وداخليا ونوعية الخامات داخل صالون العربية وكفاية شكل التابلوه ومافاتيح التكييف.
تقبل تحياتي.
أحب أضيف إني العربية الي إتفرجت عليها كانت مواصفات خليجي وكمان كنت خارج مصر ياعني أصلا العربية كلها تقفيل بلادها (الهند) مش نيسان مصر.