مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- A 113 (https://www.masrmotors.com/vb/forumdisplay.php?f=188)

- - العفريت (https://www.masrmotors.com/vb/showthread.php?t=102255)

رد: العفريت

اقتباس:

المشاركة الأصلية كتبت بواسطة اشرف صلاح الدين (المشاركة 794696)

السلام عليكم والله حاجة غريبة جدا من أسبوع بصيت علي ماء التبريد الخاص بالسيارة بتاعتي وهي a113 فلقيت ان المياة ناقصة في القربة فرحت لغاية البنزينة واشتريت مياة زرقاء من موبيل وان .. المهم حطيت المياة في القربة وبصيت علي الريداتير لقيتة مليان قفلت العربية .. وبعد يوم بصيت علي المياة لقيتها ناقصة تاني .. قمت كملتها بالمياة اللي عندي .. وبدأت شاكك ان هناك في حاجة .. رحت لميكانيكي في كفر العلو .. علي فكرة انا من ساكني حلوان .. المهم كشف علي الخروم لقاة سليم ولكن لقا في وصلة تشبة حرف ال T متهالكة فقالي احنا عايزين الوصلة دي .. قلتله حاجيبهالك انا عارف مركز بكين في شارع دمشق بمصر الجديدة بيبيع قطع غيار الأسبيرانزا المهم اشترتها ب 20 جنية ورحت رجعت للمياكنيكي وقام شايل القديمة ومركب الجديدة .. كدا يبقي الموضوع انتهي . بعد يوم واحد فتحت العربية لقيت المياة نقصت تاني .. مش عارف من أية .. كان في باقي شوية مية في الزجاجة رحت مكمل القربة ورميتها .. ورحت مشورا وقبل ماأقفل العربية .. قلت ابص علي الميا اشوف ايه الأخبار .. لقيت حاجة غريبة القربة أمتألت علي الآخر لدجة ان المياة بتطلع من برة القربة .. اسيبها طول النهار أفتح بالليل ابص علي المياة ألاقي القربة مستوي المياة بها أنخفض ألي علامة MIN ولكن بعدما اوصل اي مشوار حتي مشوار قليل ألاقي ان مستوي المياة اعلي من MAX بكتير لدرجة بيخرج من القربة .. تفتكروا أيه دا عشان انا مش عارف .. شكرا لكم علي قرأتكم :thnkr:

حضرتك تملى القربه بالليل تماما وتكون العربيه بارده خالص وتشوف الصبح مستوى الميه وتتاكد من عدم وجود تسريب
اما لاتفاع الميه فى القربه اثناء سخونه العربيه ده بيرجه لوجود هواء فى دوره التبريد وده بيحتاج صنايعى رديادتير بيفك مسار الهواء ويملى ميه ويثبت المسمار تانى

رد: العفريت

تقريبا كده عند حضرتك مشكلة فى غطاء القربة اوغطاء الريداتير و ذيادة النياه ديه ناتجة عن زيادة الضغط فبتبقى زيادة وهمية يعنى.ولما العربية بتبرد بيرجع لمستواه الطبيعى شوف العربية بتنقط مياه من تحت ولا لا اركنها و الصبح بص عليها

رد: العفريت

استاذ
screamseko لا العربية مش بيتسخن وبعدين المية تمام ايه الحل

رد: العفريت

اقتباس:

المشاركة الأصلية كتبت بواسطة osa92003 (المشاركة 796347)

لاحول ولا قوه الا بالله ياعم الراجل بيقول عايز نصيحه يعمل ايه عربيه عامله 40000 لسه بيشتكى من دوره تبريد تقوم تقول يغور الصينى !!!!!!!!!!!!!!!!!! امال عربيه ايه حضرتك اللى انت شايف انه مايحصلش فيها حاجه بعد 40000

العضو المحترم اوسا معلش اذا كان كلامى ضايقك لكن فعلا امبارح 5 عضاء بيشتكوا من الصينى وفيهم عضو قاعد بيدعى من امبارح على ابو الفتوح والاسبيرانزا العضو اسمه ماد ممكن تشوف حكايته هيصعب عليك بصراحة .
اما عن سؤالك عربيتى ايه انا معايا حاليا ماتريكس لسه جايبها من سنة ومشيت بيها 6000 كيلو اما عن رايى فيها طبعا مش عجبانى قوى يعنى وهى هيونداى فما بالك بالصينى اما عن حتة انها عاملة 40000كيلو ف اقول لحضرتك ان عربيت السابقة لانوس 2006 بعتها من سنة ماشية 60000 كيلو هتصدقنى لو قلتلك انى معرفش المية بتتزود منين وانى مفتحتش القربة من يوم ماجبتها وانى معملتش فيها اى حاجة اكتر من انى جبتلها موبينة . بص حضرتك انا كنت باستورد شوية حاجات كده من الصين فكنا نبعت ايميل نسأل عن سعر الحاجة دى فيجى الرد فيه حوالى 15 سعر فلما استفسرنا من الشركة الصينية عن السعر انهى واحد فيهم قالوا ان السلعة متوفرة ب 15 درجة جودة وانت وراحتك يعنى باختصار عاوزها ب 5 قروش موجود عاوزها ب 30 قرش موجود برضه اذا المشكلة فينا احنا لاننا طبعا بنطلب الرخيص احنا رخصنا نفسنا من الاخر ابعد عن الصينىىىىىىىىىىىى
نصيحة اعمل سيرش على مصر موتورز عن ابو الفتوح وتوكيل اسبرانزا واقراء

رد: العفريت

اشكر حضرتكم جدا علي الردود القيمة ولكن لي سؤال طالما في غش فما هو الحل وكيف نستورد قطع غيار غالية شوية بس اصلية وتباع في السوق

رد: العفريت

والله لا يسعني إلا ان أقول جزاكم الله عنا خير السؤال والله دا كتير قوي الكل علي قلب راجل واحد فعلا المصري مصري مهما أتغير الحال وأختلفت الأسباب يارب خلينا لبعضنا دايما المصريين أيد واحدة دائما
أشكركم وأشكر جميع أصدقاء مصر موتورز