مصر موتورز مجتمع السيارات - وصل المارد الجديد اوبل استرا انجوى 2013 الجديده وهنا تجد كل مايخصها

مصر موتورز مجتمع السيارات (https://www.masrmotors.com/vb/index.php)

- اوبل Opel (https://www.masrmotors.com/vb/forumdisplay.php?f=21)

رد: وصل المارد الجديد اوبل استرا انجوى 2013 الجديده وهنا تجد كل مايخصها

اقتباس:

المشاركة الأصلية كتبت بواسطة وائل احمد السيد (المشاركة 792445)

ما يهم السوق المصرى او المشترى المصرى هو السعر اولا واخيرا ومش مهم الجودة او مستويات الامان فى السيارة علشان كدة فى مصر العربيات الصينى والكورى زى الارز وصعب اوى لما تلاقى عربية بالمواصفات دى ماشية فى الشوارع المصرية المعفنة
نفسى فى مصر يمنع بيع اى سيارة صينى او العربيات اللى مفيهاش انظمة الامان المتعارف عليها فى اوروبا مش زى العربيات الصينى فيها abs بس مالوش لازمة لانة صناعة صينى صناعة السيارات الالمانية من اعظم الصناعات فى العالم وأى شخص يتنمى شراء عربية المانى حتى ولو قديمة هتكون برقبة الصينى والكورى

انت قولت الى انا فعلا عايز اقوله :010104~171::010104~171:: 010104~171:

رد: وصل المارد الجديد اوبل استرا انجوى 2013 الجديده وهنا تجد كل مايخصها

اقتباس:

المشاركة الأصلية كتبت بواسطة smsm_hamada (المشاركة 793074)

انت قولت الى انا فعلا عايز اقوله :010104~171::010104~171:: 010104~171:

للاسف هيا دى المشكله لكن نعذر الناس ياجماعه فى ناس مابتصدق تجمع حق عربيه ترحمه هو اهل بيته من بهدله الموصلات والمرمطه فيها فعلا حاجه لا توصف
ربنا يكرم الجميع ويرفع البلاء عنا جميعا

رد: وصل المارد الجديد اوبل استرا انجوى 2013 الجديده وهنا تجد كل مايخصها

أنا إتفرجت على العربية دى عند شركة البلال موتورز فى الداون تاون ، بجد عربية تحفة وسعرها فعلاً منافس ، يعنى الفئة الأولى 154 ألف والفئة المتوسطة 167 ألف وتاخد مقابل الفرق ده إضافات تانية كتير ، أنا فعلاً بأفكر أجيبها إن شاء الله

رد: وصل المارد الجديد اوبل استرا انجوى 2013 الجديده وهنا تجد كل مايخصها

انا ركبت العربيه على الحقيقه و جميلة ما شاء الله

هو بس صوت موتورها عالى سنه صغيره كعادة الالمانى
بس صوته حلو

رد: وصل المارد الجديد اوبل استرا انجوى 2013 الجديده وهنا تجد كل مايخصها

تقرير جميل جدا وشكلها عربيه حلوه بس بنفس السعر ده عربيات تانى هيا الى تكسب مثل الريو سيراتو او كروز او تويوتا كورولا ميجان او مازدا 3 وافضل مازدا 3 افضل وتكنولوجيا تقريبا بنفس المستوى وارخص فى السعر او فورد فوكاس برقبتها :funny25:

رد: وصل المارد الجديد اوبل استرا انجوى 2013 الجديده وهنا تجد كل مايخصها

اقتباس:

المشاركة الأصلية كتبت بواسطة yahiaashraf (المشاركة 798828)

انا ركبت العربيه على الحقيقه و جميلة ما شاء الله

هو بس صوت موتورها عالى سنه صغيره كعادة الالمانى
بس صوته حلو

حضرتك بتقول صوت الماتور صوته عالى كعاده الالمان .؟ يبقى معلشى بقى يا يحيي باشا انت مركبتش عربيات المانى نهائ . للعلم فقط المانيا الدوله الوحيده الى كل منتجاتها واخده 5 نجوم فى عزل الصوت ومواتيرها اقل مواتير فى العالم للضوضاء والكلام ده من اول مافكرو يصنعوا اول عربيه . طيب تعرف ايه عن نظام الطرق السريعه فى المانيا من ناحيه الضوضاء ؟ يمكن هيا الدوله الاولى فى اوروبا الى صنعوا عوازل للصوت فى الطرق السريعه وعزل الطريق السريع عن المناطق السكنيه القريبه من الطريق بتلك اللوحات العازله للصوت .حتى عوازل الاضاءه للطرق السريعه الناس ديه ماسبتش حاجه .

رد: وصل المارد الجديد اوبل استرا انجوى 2013 الجديده وهنا تجد كل مايخصها

اقتباس:

المشاركة الأصلية كتبت بواسطة mainz (المشاركة 798846)

رغم انى طالب ثانوى بس ليا خبرة كبيره فى عالم السيارات الالمانيه و ركبت سيارات المانى كتير
حتى السيارة اللى مع والدى فولكس فاجن و كان قبليها اوبل فيكترا
انا لما بقول صوت موتور عالى مش قصدى زى اللادا

هو صوت هادى و حلو و بيبقى ليه رنه مميزه بس مقارنه باليابانى بيبقى اعلى نسبيا