رد: من سيقدم على شراء الفئة C الجديده .... لحظه من فضلك لتتعرف على السياره جيدا
 

هما سباقين بالتطوير الهندسى و المكانيكى مافيش شك , انما المودلات التجارية متاخرة شوية فى الناحية الجمالية والتصميم , هما عندهم مودلات ثورية جدا بس كلها تجريبية ولا تصل للانتاج التاجرى , لانهم خيفين يفقدو هاوية سيارتهم فى المودلات التجارية .

عشان تفهم قصدى اكتر اتفرج على شغل اوبل او فورد الجديد و انت حتفهم انا اقصد اية بالتطوير التصميمى , عشان اطور تصميم لازم اتنازل شوية عن خطوط تقليدية متوارثة من سنين , مش معنى كدة ان مرسيدس مثلا مش بتطور قى التصميم , فى تطوير طبعا فى التصميمات , بس اقصد ان فى تحفظ كبير فى التطوير و دة على حساب الحداثة و موكبة العصر فى التصميم .

انا بتكلم بشكل عام لانى متابع التوجهات التصميمية فى حاجات كتير , وانا حعمل موضوع منفصل عن التوجهات التصميمية الحديثة دى.

رد: من سيقدم على شراء الفئة C الجديده .... لحظه من فضلك لتتعرف على السياره جيدا
 

و الله انتا حبيبتنى فى العربية يابشمهندس و بفكر جديا انا ابيع عربيتى الرينو 9 gtlو اشحت 50 سنة أمام الجوامع و ان شاء الله اجيبها ptmnlo123per1124

رد: من سيقدم على شراء الفئة C الجديده .... لحظه من فضلك لتتعرف على السياره جيدا
 

أنا مهندس معماري فيمكن تلاقيني مهتم بخطوط التصميم
وفي رأيي شيء مهم وكل من هو معماري سيدرك ما أقوله
كلنا عندما نريد تصميم شيء جديد ويظهر للنور بمجرد النظر للتصميم أعرف من المصمم وبدون أن يكون التصميم له علاقه بتصميم سابق لنفس المهندس ويرجع ذلك لعدة أسباب أهمها الروح والعقل الذي يفكر فالتصميم الذي ينتج عن ذلك ماهو إلا نتاج تلافيف دماغه التي تفكر بطريقه محدده يختص هو بها وليس أحد آخر
هذا ليس ضعفا بالمهندس ولكنه مثل الفنان الذي يرسم لوح مختلفه ولكن هناك شيء يميزه
فمثلا لوح فان جوخ حيثما تراها مهما كنت تعرف اللوحه من قبل أو لا فستعرف بكل تأكيد أنه فان جوخ
لو سيلفادور دالي ستعرف أنه هو وإن لم تشاهد هذه اللوحه له من قبل
هكذا الحياه
فلكل إنسان على وجه الأرض بصمات خاصه به ولا يملك أحدا نفس البصمات

هذا هو النجاح
فبمجرد أن تنظر للسياره تدرك أنها من شركه كذا أو كذا
والألمان مدركين لهذه النقطه الهامه بحيث أنهم مهما إختلف المصمم وتعاقبت الأجيال فلا بد من وضع ثوابت للمصممين يلتفوا حولها لكي يحافظوا على البصمه الخاصه بهم
عكس اليابانيين (وان كانوا بدأوا يفعلون مثلما يفعل الألمان الآن) فكل تصميم ليست له علاقه بالسابق لدرجة أنك لاتعرف هوية السياره
والكوريين حدث ولا حرج
والصينيون ليست لهم هويه من أصله فهم مازالوا في مرحلة التقليد وأمامهم مراحل طويله لكي يثبتوا وجودهم فاليارات الصينيه أشباه سيارات (مسخ)


أما أوبل وفورد فهم أمريكان وهذا مايعيبهم للأسف فالأمريكاني بطبعه متقلب ويستعين بمصممين من كافة مناطق العالم مما يفسد هويته من وقت لآخر
أرجوا أن تكون وجهة نظري وضحت


ربنا حيديك من وسع ماتقلقش وحتجيب اللي أحسن منها ومن غير وقفه على جوامع ولا غيره

رد: من سيقدم على شراء الفئة C الجديده .... لحظه من فضلك لتتعرف على السياره جيدا
 

و انا يا احمد مصمم كمبيوتر جرافيكس و انيميشن ,و على علاقة بالعمارة كمان بشكل ما وتخصصى الاصلى تصميم الديكور .

انا فاهم طبعا وجهة نظرك فى موضوع البصمة دة , و انا مش مختلف معاك انة لازم يحافظ على الترند المعين للعلامة التجارية بتاعتة , بس الموضوع نسبى , و الاتجهات الحديثة فى التصميم تحرتت كتير من القيود دى , لكن مرسيدس لم تغير مقدمة شبكتها مثلا منذو عدة سنوات , دة فى رايى مش بصمة ولا حاجة ...دة قصور فى التصميم و محاولة فاشلة للمحافظة على تريند قديم عفى عنة الزمن , و لتاكد كلامى , اتفرج على تصميمات مرسيدس التجريبية و تصميمات بى ام التجريبية , تلاقى افكار ثورية جدا و تصميمات متقدمة جدا و مواكبة لعصر و بتعبر فعلا عن اتجهات التصميم الحدثية .

بس دور بقى على التصميمات دى فى المودلات التجارية تلاقى تصميمات متحفظة جدا و تقليدية جدا , التطوير فى الخامات و التكونولوجيا بس فى المودلات التجارية , يبقى المشكلة مش مشكلة تصميمية عند الشركات دى لانة فى تصميمات جاريئة جدا من مصممين الشركة , لكن المشكلة فى القرار الادارى و التجارى اللى بيصر على الالتزام بخطوط تقليدية لاعتبارت كتير عندهم , منها انهم يحفظو على عملائهم و يحفظو على زبائن المودلات القديمة من ان تصميمها ينهار بسرعة و بالتالى اعادة بعها تكون محتفظة بجزء كبير من قيمتها .

و كل دى اعتبرات انا ممكن اقدرها لكن انا كمصمم كنت اتمنى ان شركات كبيرة زى مرسيدس يكون عندها جرائة اكبر فى اقتحام اشكال جديدة و افكار جديدة , و دة بيحصل على فكرة بشكل محدود للاسف على مستوى المودلات الاقل فى السعر او المودلات الشعبية شوية لكن برضو مش بالشكل الكافى و المتوقع من شركات عملاقة زى مرسيدس و بى ام .

على الجانب الاخر اتفرج على مودلات شركة زى اوبل او فورد , فى كل موديل بيكون فى قفزة تصميمية كبيرة عن المودلات السابقة , و على فكرة مش شرط انى احافظ على خطوط قديمة عشان اسيب بصمة او غيرة , البصمة الحقيقية فى انى اعمل تصميمات ثورية تعمل نقلة فى عالم التصميم , بغض النظر عن الاعتبرات الادارية العقيمة من مجموعة من الادارين .

وهو دة اللى بتعملة شركة زى اوبل و زى فورد مثلا .

و فى مقارنة بسيطة بين التصميم الداخلى للمرسيدس مع اوبل استرا وانسينا الجديدة , الاوبل تفوز بجدارة بالنسبة لى . اية راى باقى الاعضاء

http://m7ml.com/uploads6/0d73de4265.jpg

رد: من سيقدم على شراء الفئة C الجديده .... لحظه من فضلك لتتعرف على السياره جيدا
 

طيب قولي رأيك

http://photo.netcarshow.com/BMW-530i_2004_photo_0b.jpg

http://photo.netcarshow.com/BMW-5_Se...1_photo_0f.jpg

http://photo.netcarshow.com/BMW-5-Se...8_photo_19.jpg

http://photo.netcarshow.com/BMW-5_Se...1_photo_1a.jpg


هناك فرق ولكن محسوب ومدروس

لقد كانت الفئه الخامسه عندما نزلت السوق ورأيتها على الطبيعه لم أستطيع أن أتفهمها لقد كانت كما وكأنها كا~ن فضائي غريب المعالم والخطوط والنسب

لقد كانت طفره بجد

رد: من سيقدم على شراء الفئة C الجديده .... لحظه من فضلك لتتعرف على السياره جيدا
 

بجد عربيه جامده جدا بس راييى ان سعرها عالي شويه
وشكرا على المجهود ارائع ياباشا

رد: من سيقدم على شراء الفئة C الجديده .... لحظه من فضلك لتتعرف على السياره جيدا
 

تسلم ايدك يا ابو كامل على التقرير الموسوعى

و انا موافقك على كل كلمة قلتها عن اصالة التصاميم الخاصة بالوحوش الالمانية و لازم فعلا الشركات دى تحافظ على هويتها مهما عدلت و طورت فاهى بتعدل و تطور فى عربية (مرسيدس) او (بى ام ) و دى سمة اى ماركة معروفة و محترمة مش بس فى العربيات ... فى الكاسيتات حتى تلاقى السونى و البناسونيك معروفين و باينين حتى بعد كل تعديل و تطوير مش زى الكاسيتات اللى ملهاش ماركة تلاقيها اخضر و احمر و سلفر و اشكال غريبة و منبعجة

و بعدين يا استاذى العزيز wawoo ... انت مش عاجبك الاشكال الجديدة للوحوش الالمانية و عاجبك مثلا الكرولا و الصنى و الالتيما و ... الوحيدة اللى شكلها اتظبط شوية هى الهوندا اكورد و ده لأنها مشفوفة بقلم رصاص من البى ام .....

و تحياتى للجميع