|
رد: عايز أشترى عربيه ومحتار ياريت حد ينصحنى
لو معاك 30 هات برايد
واسعه وممتازه جدا وهترتاح انشاء الله فيها لو معاك 40 هات نوبيرا او سيفيا او شوما السيفيا والشوما اوسع بكتير من النوبيرا بس قطع غيارهم اغلى بكتير |
رد: عايز أشترى عربيه ومحتار ياريت حد ينصحنى
جزاكم الله خيرا
شكرا لكل الى رد عليا بارك الله لكم انا جربت اللادا وسوقتها يعنى الطول كويس بس يمكن برجع الكرسى السواق شويه علشان رجلى تكون مرتاحه و مش تكون مضغوطه كل شويه بحتار يمكن دخل دماغى الدايوا لانوس 1 بس مش عارف السعر وكمان موضوع العربيه واطيه والمطبات انا فى قريه وطرق غير ممهده وبسوق على طريق زفتا الزراعى ده مفروض طريق بيربط 3 محافظات قليوبيه ومنوفيه وغربيه بس للاسف طريق واحد رايح جاى ومطبات عجيبه و دورانات غربيه مش عارف حد يعرفه ولا ايه يعنى مطبات فل مش عارف ايه رأيكم ممكن المبلغ يوصل لــ 35 الف بس انا مش عايز اكره السواقه واتعقد من العربيه فعايز عربيه تكون كويسه مش محتاجه مصاريف و تزهقنى يعنى الدايوا لانوس افضل من الإكسيل بالمبلغ ده وممكن اصرف كمان الف بس ارتاح علشان المواصلات بهدلتنى الترتيب ايه دايوا لانوس 1 - اكسيل -اكسنت - نوبيرا ولا ايه ولا شاهين ثم لادا ولا اعمل ايه الإختيارات كتير وكل شويه الواحد يتردد ويحتار |
رد: عايز أشترى عربيه ومحتار ياريت حد ينصحنى
اللانوس والاكسيل والاكسنت والنوبيرا كلهم كويسين بس مش عاليين عن الارض كفاية وبما ان حضرتك اتكلمت على طريق مش حلو ومليان مطبات يبقى واحدة من اتنين يا الشاهين يا اللادا , الاتنين عضمهم جامد المهم تكون باور يعنى دركسيونها خفيف عشان مش تتعبك وانت سايق ويا حبذا لو فيها تكييف وبالتالى عليك انك تشوف ايهما افضل لك من حيث الركوب واللى ترتاح لها منهم دور على واحدة منها تكون حالتها نظيفة بالنسبة للادا ماتخرجش عن الموديلات الروسى , وابعد تماما عن اللى تقفيلها مصرى موديلات الروسى فى التسعينات بس ماعرفش لحد سنة كام تحديدا بالنسبة للشاهين ماتنزلش عن موديل 2000 وكل ما طلعت لفوق كان افضل , واعتقد ممكن تلاقى من 2000 لحد 2005 فى حدود 30000 الى 34000 تقريبا , على حسب الحالة انا شخصيا ارشحلك الشاهين , موديلاتها احدث واعتقد مشاكلها هاتكون اقل من اللادا ... والله اعلم وربنا يوفقك لما فيه الخير لك اللهم آمين |
رد: عايز أشترى عربيه ومحتار ياريت حد ينصحنى
النوبيرا واطيه عن الارض جدا هي ولانوس 1فانا بنصحك لو انت تجيب حاجه تقسيط هيبقي احسن واحسن احاجه في الجديد هو اللوجان ومبروك مقدما
|
رد: عايز أشترى عربيه ومحتار ياريت حد ينصحنى
شيرى لونج a11 اوسع صالون شوفتة فى حياتى وعالية عن الارض اوى وبـ 32 الف مثلا موديل 06
|
رد: عايز أشترى عربيه ومحتار ياريت حد ينصحنى
اقتباس:
رجعتنى تانى لللادا و الشاهين ويمكن موضوع المطبات والطرق الغير ممهده و ان العربيات الجديده واطيه هيخلنى افكر جديا تانى فى الشاهين ولا ايه رأيكم اصرف نظر عن الدايوا مع ان كان نفسى اركب دايوا بس شايف الاسعار من 38 الف لحد 45 الف وده زياده عن امكانياتى يمكن الإكسل عجبتنى و واسعه بس مش عارف اتوكل على الله وأستقر على الشاهين بس انا مش ربكتها قبل كده ونزلت الكتالوج يتاعها بس ربكت اللادا ممكن تكوت سقفها اقل من اللادا لا أعتقد يعنى مش هطون مرتاح فيها ولا ايه و 34 الف تكون عربيه شاهين فيها مميزات ايه تكييف سنتر لوك باور ستيرنج 4 باب يعنى أيه ؟؟ زجاج كهربائية وتكون حاتها ايه وموضوع المتور فى موديلات الشاهين اسمع فى موديلات موديل قديم فى الماتور وفيه موديلات ماتور افضل وكاربراتير علشان البنزين معلش بس انا بحب المناقشه علشان الواحد يستقر على العربيه ومش يتسرع ويندم |
رد: عايز أشترى عربيه ومحتار ياريت حد ينصحنى
بصراحه انا مش بحب موضوع القسط و انى اجيب عربيه قسط
غير مستحب لإعتبارات كتير المهم انا عايز اجيب عربيه كويسه بالمبلغ ده 35 الف مستعمله بس كويسه وكمان انا مش عايز عربيه صينى كنت اقصد باور ستيرنج يعنى ايه مش 4 باب :BUTTER~183: |
| الساعة الآن 06:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017