مصر موتورز مجتمع السيارات - هاغير زيت المحرك من شل الاصفر5000 الي شل الرمادي10000(السؤال لازم فلاش)

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: هاغير زيت المحرك من شل الاصفر5000 الي شل الرمادي10000(السؤال لازم فلاش)

اقتباس:

المشاركة الأصلية كتبت بواسطة احمد على 1999 (المشاركة 785153)

مش شرط تعمل FLUSH الا لو الزيت كان عدى 5000 كم بكتير
لو حتجيب FLUSH يبقى منتج امريكى و تتبع التعليمات على العبوة
منظف رشاشات يفضل اى حاجة صناعة امريكى FUEL INJECTOR CLEANER
و منظف البوابة بيستخدم CARB CLEANER برضه يفضل امريكى

شكرا للرد استاذ أحمد

رد: هاغير زيت المحرك من شل الاصفر5000 الي شل الرمادي10000(السؤال لازم فلاش)

اقتباس:

المشاركة الأصلية كتبت بواسطة محمود زيزوو (المشاركة 785275)

فعلا مش لازم فلاش زى ما احمد باشا قال بس هتعمل اية هتغير الزيت وهتنزلة بدرى شوية يعنى زى تنضيف كدة للموتور من الزيت المعدنى ولما تيجى تغير الزيت تخالى الراجل يسيب العربية تصفى خالص براحتها خالص لحد اخر نقطة وياريت لو بعديها يديها شوية بالشفاط علشان لو فى رواسب خفيفة كدة يشفوطها انا عملت كدة كنت استخدمت معدنى شوية بس مش كتير وغيرت لتخليقى ومية مية دلوقتى بس متنساش تغير الزيت بدرى يعنى هو 10 الف تغيرو على 5 الف كيلو بس انا بصراحة غيرتة على 3 الف لانة كان اسود خالص علشان طبعا الرواسب الللى بتبقى فى الموتور وربنا معاك واختيار موفق لشيل اللترا

شكرا للرد اخي الكريم
حضرتك تقصد اغير الشل الالترا بعد 5000 كيلو بدل ال10000 كيلو اول مره و لا علي طول

رد: هاغير زيت المحرك من شل الاصفر5000 الي شل الرمادي10000(السؤال لازم فلاش)

عذرا
الالترا على الاقل على الاقل بالميت يقعد 10000 (و دا اقل القليل) يعنى ال 10000 كدا كمان يعتبروا بدرى
انا فاهم قصد استاذ محمود ان اول مرة فقط غيره بدرى

بس عربية حضرتك ماتورها جديد و كنت مداوم على تغيير الزيت كل 5000 فطبعا مش محتاج و لا flush و لا تغير الالترا بدرى و هو اصلا تغيير الالترا على 10000 بدرى

رد: هاغير زيت المحرك من شل الاصفر5000 الي شل الرمادي10000(السؤال لازم فلاش)

استاذ احمد يعني اتوكل علي الله و اغير للـ 10000 حتي او استخدامي ممكن يوصل الي سنه و الزيت ممكن يفضل في العربيه سنه عادي و لا ايه رائيك

رد: هاغير زيت المحرك من شل الاصفر5000 الي شل الرمادي10000(السؤال لازم فلاش)

توكل على الله و غير ل الترا و قعده اكتر من سنة براحتك لانه تخليقى بالكامل و لا يحدث له تفكك للترابط الكميائى فى وقت قصير زيى الزيوت المعدنية اللى متقدرش تقعد اكتر من 6 شهور

رد: هاغير زيت المحرك من شل الاصفر5000 الي شل الرمادي10000(السؤال لازم فلاش)

اقتباس:

المشاركة الأصلية كتبت بواسطة amnpop (المشاركة 785303)

شكرا للرد اخي الكريم
حضرتك تقصد اغير الشل الالترا بعد 5000 كيلو بدل ال10000 كيلو اول مره و لا علي طول

اقصد اول مرة بس كتنظيف فقط وبعد كدة كل 10 الف كيلو تغيرة مع تغير فلتر الزيت كل مرة تغير فيها الزيت استاذ احمد خبرة بكتير قوى عنى بس انا بقول تجربة انا عملتها بنفسى بس طبعا هو اكيد صح وربنا معاك