مصر موتورز مجتمع السيارات - لو سمحت عايز اعرف النقطة الحمرا والكاس

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - لو سمحت عايز اعرف النقطة الحمرا والكاس (https://www.masrmotors.com/vb/showthread.php?t=100007)

رد: لو سمحت عايز اعرف النقطة الحمرا والكاس

اقتباس:

المشاركة الأصلية كتبت بواسطة epnmasr (المشاركة 778006)

بصراحه وأنا كمان أول مره أسمع بكده وأكيد إنت مش موضح قصدك كويس
لكن إجتهاداً وعليك التوضيح والتأكد إذا كان المقصود إن دي علامات في تابلوه السياره يبقى ممكن تكون النقطه الحمراء (وإنت مش موضح هي لمبه حمراء أو منطقه حمراء زي ما قال الزميل ) ولو هي لمبه ممكن موشر لأي خطأ في السياره يعني ممكن الكهرباء أو الحراره مثلاً (ولو هي منطقه يبقى زي ما قال الزميل ), والكاس ده ممكن يكون الميه مثلاً بردوه وهذا للتقريب وللتوضيح لك أهمية التفسير , أنا مش متأكد من المعلومات دي ولا شاكك إنها تكون صح حتى لكن ما أردته هو التقريب لحضرتك لكي تبحث وتتأكد من معلوماتك عنهم وكمان عليك التوضيح هي الحاجات دي مكانها فين أصلاً ونوع السياره وهكذا عشان الأخوه الزملاء اللي عندهم نفس النوع يقدروا يفيدوك , وتقبل تحياتي

الف شكرا لحضرتك لمبة بتشتغل وتطفى زى الانذار بظبط لما بسكر العربية

وشكرا

رد: لو سمحت عايز اعرف النقطة الحمرا والكاس

يا با شا اللمبه الحمرا الي هي لمبة الأيموبليزر وده بتاع مانع السرقه للسياره بمعنى انها مبتدورش الا بالمفتاح الأصلي بتاعها لأنه بيكون متشفر ومبيطلعش عليه الا في التوكيل.

رد: لو سمحت عايز اعرف النقطة الحمرا والكاس

يا باشا شوف الكتالوج بتاع العربية أحسن من الكلام ده كله. و RPM معناها Revolution per minute. و تقبل تحياتي.

رد: لو سمحت عايز اعرف النقطة الحمرا والكاس

اقتباس:

المشاركة الأصلية كتبت بواسطة svneleven (المشاركة 778520)

يا باشا شوف الكتالوج بتاع العربية أحسن من الكلام ده كله. و RPM معناها Revolution per minute. و تقبل تحياتي.

هو ده الكلام المظبوط

...

رد: لو سمحت عايز اعرف النقطة الحمرا والكاس

اقتباس:

المشاركة الأصلية كتبت بواسطة amr2008mero (المشاركة 777094)

لو سمحت عايز اعرف النقطة الحمرا والكاس ومؤشر السرعة

والrbm مكتوب 1 يعنى الف وعايز شرح بتفضيل

http://www11.0zz0.com/2012/10/13/01/243302296.jpg

النقطه الحمرا دي هي نظام الايمبولايزر اللي هو نظام مانع السرقه بمجرد ماللمبه دي تعد تنور معناها ان العربيه لايمكن تدور الا بالمفتاح بتاعها حتي لو عملت نسخه من المفتاح مش حتدور بيه العربيه عشان المفتاح بتاعها متكود بالكمبيوتر
الكاس دي معنها ان في خلل في كبس زيت الموتور او الزيت ناقص ولازم اول متنور اللمبه دي لاقدر الله تبطل العربيه فورا وتسحبها عالتوكيل
مؤشر السرعه مش فاهم قصدك 20 40 كيلو في الساعه !!
الار بي ام مكتوب 1 و 2 و3 وهكذا ومكتوب في نص الار بي ام *1000 يعني 1000 و2000 و3000 لفه في الدقيقه
والعربيه بتدي اقصي عزم عند 5000 ار بي ام ده كلام التوكيل
ويستحسن السواقه تبقي بين 3 و4 ونص كافي اوي اعتقد

ومبارك عليك العربيه يا باشا

نصيحه شيل الاستيكر الابيض في اسرع وقت
لان من الشمس حتلاقي اللون حيفرق معاك المتغطي والعريان
ووديها البنزينه غسله بالجاز كده فوق الوش
وروح اديها وش البولش التمام وبعدها وش شمع وشوف العربيه حتبقي زي الحرير من بره
انا لسه عامل الكلام ده من اسبوع :fun_36_3_11[1]:

رد: لو سمحت عايز اعرف النقطة الحمرا والكاس

اللمبة الحمراء تضئ عند وضع المفتاح فى الكونتاك وتستمر مضاءة لثوان قصيرة ثم تطفأ وحدها وهى لعمل تأكيد على شفرة المفتاح الاصلى للسيارة ولو حاولت تستعمل مفتاح سيارة أخرى أو مفتاح مصطنع غبر الاصلى فلن تطفأ اللمبة وبالتالى لن يدور الموتور وبالنسبة للكأس فهو خاص بدورة الزيت وغير مسموح بالسير عند إضاءة تلك العلامة وبالنسبة لعداد الأر بى إم فهو مثله مثل باقى السيارات يوضح عدد لفات الموتور فى الدقيقة 1 تمثل 1000 لفة و2 تمثل 2000 وهكذا.

رد: لو سمحت عايز اعرف النقطة الحمرا والكاس

الف شكر لاخى
screamseko

واخى kdola

وشكرا لحضراتكم