مصر موتورز مجتمع السيارات - طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

اقتباس:

المشاركة الأصلية كتبت بواسطة ميدو عمر ايمن (المشاركة 1003011)

موضوع رائع من عضو رائع
بارك الله فيك

ربنا يكرمك

اقتباس:

المشاركة الأصلية كتبت بواسطة نبيل عبدالرحمن (المشاركة 1003015)

موضوعك هام جداً ونظراً لأهميته لسائر الأعضاء فقد تم تثبيته شكراً لك

شكرا ليك يا استاذ نبيل

اقتباس:

المشاركة الأصلية كتبت بواسطة Marlborooo (المشاركة 1003016)

موضوع حلو والفكرة الاخيرة بتاعتك جامدة بس مشكلتها ان اي عيل غتت هيكسرلك المرايا وممكن تتكسر بسهولة جدا من اي خبطة
المشكلة التانية مفتقدة المظهر الجمالي بصراحة
اعتقد الفكرة ممكن تتطور شوية عشان المظهر الجمالي
:CONGRA~238:

بقالها سنة والحمد لله متكسرتش لانى مثبتها كويس باربع مسامير وجارى العمل على تحسين المظهر الجمالى

اقتباس:

المشاركة الأصلية كتبت بواسطة zing0 (المشاركة 1003022)

كلام زى الفل
لما أشتريت العربية كان المالك السابق مركب مراية بانوراما فوق المراية الأصلية , بس الإفتكاسه اللى أضفتها تمام التمام التمام أوى جداً خالص.

بس كنت عاوز أوضح حاجة برضو من واقع التعامل معاها و من واقع الصور
الأبعاد فى البانوراما أبعد من الواقع زيها زى المرايات الصغيرة اللى حضرتك ذكرتها فى أول الموضوع, علشان كده الإعتماد عليها فى كشف الطريق فقط و ليس فى تقدير الأبعاد. و المرايات الجانبية هيا الأساس فى تقدير المسافه بينك و بين اللى جنبك و اللى وراك, و لما تركن البانوراما مش هتساعدك فى ضبط المسافه بينك و بين اللى وراك.

بس الفكرة تستحق كل تقدير, و للأمام دائماً يا أستاذ مصطفى ,. نتمنى منك المزيد.

انت عندك حق فى الابعاد بتختلف فى البانوراما لكن بنسبة 10% فقط لكنها ارحم من المرايات الصغيرة اللى بتلزق على طرف المراية لان الابعاد فيها كارثة لكنها ممتازة فعلا فى كشف الطرق

اقتباس:

المشاركة الأصلية كتبت بواسطة khaled_k21 (المشاركة 1003028)

لك جزيل الشكر علي تعبك و الله

كفايه انك صورت و تعبت و شرحت - قليل من يشارك و انا منهم و الوم نفسي علي كده

بس بصراحه هو النقطتيين بتاع المظهر الجمالي و اي عيل غتت هايكسرها موضوع يستحق الاهتمام

بس اعتقد انه ممكن يكون فيه افكار نتجنب بيها النقطتيين

لك مني كل الشكر و جعله الله في ميزان حسناتك

جارى العمل على تحسين الشكل الجمالى والحمد لله راكبة بقالها سنة ومتثبتة كويس جدا

رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

اقتباس:

المشاركة الأصلية كتبت بواسطة Hisham.Elgazzar (المشاركة 1003096)

فكرة كويسة جدا وممتازة ومش مكلفة خالص
لأن من غيرها ممكن يحصل حادثة تكلف تصليحها 2000 جنيه
بس نصيحة بقى اعمل باغة استانليس كبيرة فى العربية من ورا عشان تضايق اللى يفتح نور عالى لأن مع كمية المرايات دى
أكيد الإضاءة بالليل هتبقى مزعجة وخصوصا ان مراية الجنب ما أظنش انها هتعكس النور فى وش السواق اللى فاتح النور وراك

يبقى حلينا مشكلة الرؤية لكن ضايقنا نفسنا بالنور

لكن فكرة ممتازة ف السواقة بالنهار

على فكرة المرايات البانوراما كلها بتبعثر الضوء لانها محدبة وهفكر فى موضوع الباغة الاستلنس لو لقيتها فعالة هعملها

رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

اقتباس:

المشاركة الأصلية كتبت بواسطة مصطفى-حسن (المشاركة 1003145)

يعنى الحمدلله مش بتضايق ونتا سايق بالليل ده اللى انا كنت عاوز أتأكد منه
اما موضوع الباغة دى فعالة جدا وكذلك نور الفوجات اللى بتكون ف الإكصدام ورا بتجنن الناس برضو
واحد صحبى حاطط كشافين فوج جنب النمرة اللى بيغلس عليه بالنور بيصدرله الفوج وكزا مكروباص شفته عامل فوج اصفر مع الفرامل

الشبورة دلوقتى بقت كارثة على الطرق ومفيش لها حل وللأسف معظم السواقين بيستهبلوا وبيجروا بالعربيات ف الشبورة مع انه مش شايف حتى كبوت العربية:pty:

رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

السلام عليكم
الله ينور عليك ويعطيك العافيه
فعلا المرايا دي بتتغلب على النقط الميته
وفكرة مراية الجنب رائعه
وممكن علشان نتغلب على الأضاءه نضع طبقه من الفاميه الخفيف
ومنتظرين منك المزيد من المواضيع الرائعه المفيده
شكر وتقدير
شكر وتقديرشكر وتقدير
شكر وتقدير
والله المستعان

رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

الدال على الخير كفاعله ربنا يسترها عليك ويجعل مجهودك فى ميزان حسناتك وفكره جميله بس انا مقدرش اعملها ï»»نى بتاجر ف العربيات وبغير كتير هههههههه

رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

جزاك الله خيراً اخى الكريم
فكرة رائعة وجارى محاولة تنفيذها إن شاء الله