|
رد: وأخيرا ... بريوس تكشف سبب التسارع المفاجئ لسيارات تويوتا
ههههههههههههه تخيل انتا كدا قاعد سايق ولاقيت مره واحد العربية بتمشي مع نفسها ولا اكنك ليك لازمه جواها عربيه معفرته
|
رد: وأخيرا ... بريوس تكشف سبب التسارع المفاجئ لسيارات تويوتا
شكرا على الموضوع الجميل يا سامح باشا و حمد للة على السلامة بموضيعك الجميلة و المتميزة انا ليا طلب بسيط انا الصراحة مكنتش متابع موضوع تويتا دا كنت فاكرة عادى انما طلع ان فية حوادث و تحقيقات و الناس بتتكلم و ياريت اى حد متابع يدينا نبذة مختصرة فى رد او يعمل موضوع شامل عن الى بيحصل فى تويوتا وشكرا |
رد: وأخيرا ... بريوس تكشف سبب التسارع المفاجئ لسيارات تويوتا
اقتباس:
هي عفروتا .. قصدي تويوتا ... فعلا العفريت ركبها ... وأزح اقتباس:
مساء الفل يا بو نورا ... و ربنا يسعدك و تضحك دايما وانا معاك فعلا بغض النظر عن مشاعرنا تجاه تويوتا ... لكن الافترا وحش ... و الناس ماشيه ورا الموجه و التلطيش على ودنه ... الغريبه ان الناس بتشتكي من عربيات بقالها سنين معاهم ... يعني هو العفريت طلع من التانك دلوقتي بس !! ولا هي تويوتا كلها مشاكل و رديئه بس صحابها كانو نايمين في العسل وبقدره قادر فاقو دلوقتي بس كلهم مع بعض !!!! مفيش منطق !!ptmnlo123per130 اكبر مستفيد من القصه دي هي فورد .. حتى جي ام مستفادش زي فورد ... هوندا طلع لها عفريت في الايرباج و نيسان في الفرامل اما مازدا وميتسوبيشي فواحده في عالم النسيان ..والتانيه مفقوده في بحر الظلمات ... و لو فكرت واحده فيهم تصحى حيحضرولها عفريت برضو ... خصوصا انهم ميستحملوش قلمين على بعض ptmnlo123per163 ولا عزاء للسوزوكي |
رد: وأخيرا ... بريوس تكشف سبب التسارع المفاجئ لسيارات تويوتا
اقتباس:
تخيل بقى هو ده اللي الناس بتقول انه بيحصل معاهم فعلا واحده بتقول ان العربيه مشيت بيها 10 ميل ( يعني 16 كم ) باقصى سرعه و هي مش عارفه تسيطر عليها يعني 16 كم لو بسرعه 200 حتى ... يعني العربيه فضلت تفسح فيها 5 دقايق بحالهم و هي تفكيرها اتشل لا قادره تفرمل و لا تمور و لا تبطل العربيه و لا حتى تشد هاند بريك .... ده الامريكان دول طلعو غلابه خالص ... يا اما العفريت بيركب العربيه و اللي سايقها .... يا ماما ptmnlo123per1106 اقتباس:
بص هو موضوع تويوتا ده بقى معقد و مكلكع ... وعاطل في باطل ... حاجه كده زي الازمات الديبلوماسيه ... او زي اليهود ما بيعملو في القدس .. مع الفارق الكبير طبعا يعني يعملو العامله ويقولو ده هما السبب لكن القصد ان في ادعاءات ان طرازات تويوتا معيبه والموضوع اتصعد للكونجرس و تحقيقات فيدراليه و تقليب في دفاتر ابتدى الموضوع ده منين ... مش عارف لكن اذ فجاءه قالك ان عربيات تويوتا بتجري لوحدها ومش الجديد موديل 2010 او 2009 ... لا موديلات قبل كده كمان يعني كان في حوادث بس مكنش حد فاهم شويه قالو في عيب في دواسه الارضيه انها لو دوست بنزين للاخر بتشبك دواسه البنزين في دواسه الارضيه وبالتالي تسارع العربيه يزيد و تسبب في حوادث وده نتيجه ان دواسه الارضيه مش متثبته كويس بالكلبس بتاعها !! وشويه قالك العيب في دواسه البنزين نفسها نتيجه البروده الشديده مع تشغيل التكييف سخن بيحصل تكثيف ويزيد معامل الاحتكاك و الدواسه تعلق وده للدواسات اللي بتتباع في امريكا و بتصنعها شركه كنديه لصالح تويوتا قامت تويتا عامله تصميم جديد و استدعت اكتر من 8 مليون عربيه علشان تغير دواساتها فقالو ان مش ده العيب و ان تويوتا بتستهبل وان عندها مشكله في النظام بتاعها و هي عارفه و مش عايزه تقول ... طب هو ايه ؟؟ قامو قايلين لا العيب اساسا في النظام الاليكتروني لأن دواسه تويوتا المعيبه بتشتغل بالكهربا مش Wire او سلك يعني و بيحصل خلل يخلي البنزين يزيد لوحده ودي عمالين فيها شد و جذب و بيحاولو يثبتوها و تويوتا تقولوهم متقدروش تثبتوها وبروفيسور امريكي فبرك مع قناه ABC فيلم عن الموضوع ده وخلى عربيه كامري تطلع تجري على اساس انه خلل في النظام و انكشف الملعوب وطلع انهم مصورين العربيه و هي واقفه في مكانها و الباب مفتوح و فرامل اليد مشدوده و الفتيس على البارك وداسو بنزين علشان يورو الناس الار بي ام و هو بيعلا ... وقال ايه علشان لو كانو صورو العربيه و هي بتجري كانت الصوره حتطلع مهزوزه ptmnlo123per113 ده غير انه علشان يسبب الخلل في النظام قطع سلوك معزوله ووصلها ببعض .. يعني ده لو كان عفريت اللي فعلا راكب العربيه مش حيعرف يقطع السلك ptmnlo123per156 خلال القصه دي كلها ناس كتير ابتدت تشتكي انها افتكرت انها لما عملت حادثه بالعربيه من 8 سنين كانت العربيه هي السبب و طلعت تجري منهم وابتدوا يحققوا في حوادث التويوتا السنين اللي فاتت !!! واللي يقولك العربيه بتحدف ... و اللي يقول يقول الاي فون بيخلي الدريكسيون يرعش في ايده ... او بيعرف ان الموبايل حيرن لما الطاره تلف منه وحاجه عفاريتي خالص ptmnlo123per177 ومش بعيد اللي يتمسك رادار يقول مش انا .... دي العربيه :HAPPY_~211: مش بقولك موضوع معقد و مكلكع :08A742~169: تحس كده انه مؤامره او مخطط صهيوني لاحتلال الضفه التويوتيه ptmnlo123per1147 لكن في جميع الاحوال تويوتا سمعتها بقت في الحضيض و مبيعاتها تحت الحضيض وعمالين يطلعو فيها القطط الفاطسه و هي تحسس و تعتذر ptmnlo123per1127 على اساس ان كل العربيات الدنيا مفيهاش الهوا .. ptmnlo123per142 و تويوتا دي طلعت من بره رخام ومن جوه سخام ptmnlo123per130 فهمت حاجه .... لو فهمت ابقى فهمني ... |
رد: وأخيرا ... بريوس تكشف سبب التسارع المفاجئ لسيارات تويوتا
شكرا يا بشهمندس
تسلم ايدك احنا ممكن نشوف واحد يفهمنا احنا لاتنين |
رد: وأخيرا ... بريوس تكشف سبب التسارع المفاجئ لسيارات تويوتا
ايه يا باشا ،، الإبداع ده !!! بس في الآخر أمريكا بحالها و الحادثة واضحة كده و مسجله مش عارفه أيه السبب ؟؟؟ يا جماعة سامح بياكل من الهندسة جاتوه مبياكلشي عيش مش نق و لا حاجة فصعب يسيبها ،، هههههه موضوع جامد يا باشا أرشحه لجائزة أفضل موضوع لو كانت شغالة و أهلا بيك و بجميع سكان محافظة 6 أكتوبر في بيتكم الثاني مصر موتورز |
رد: وأخيرا ... بريوس تكشف سبب التسارع المفاجئ لسيارات تويوتا
موضوع جميل وطريقة عرض طريفه معلومة وذكاء وسخرية مهذبة اى حد يقرا لك لازم يشعر بهذه السعادة مرة قلت لابونورا انا باشعر بوجودك معى وانا باقرا لك واقول لسيادتك انا باشعر ان ريحة بارفان جميلة تشع فى عقلى وقوس قزح بالوانه الجميلة تملانى عندما اقرا لك شكرا عزيزى عرفت الان ان للملائكة صدى على الارض باسمع صوتها مع كتاباتك وصوتك فى التليفون
|
| الساعة الآن 02:36 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017