رد: كل ما يخص السيارة مازدا 323 من مشاكل واعطال وقطع غيار
والله موضوع ممتاز الواحد كان نفسه فى حاحة زى كده من زمان :)
بالنسبالى ياجماعة أنا معجب جداً بالعربية أولاً السحب ممتاز وثابته على السرعات العالية ودركسيون خفيف نسبياً وعفشة مريحة ومابتسخنش ... بصراحة أنا مش بحس أنى سايق عربية موديل تمانينات خالص :36_1_1[1]: ممكن لما تعطل بحس الإحساس ده هههههههههههههههههه بس أنا كان ليا كذا إستفسار بخصوص العربية وأتمنى ألاقى الإجابة وأنا عشمان فيكم طبعاً أولاً أنا العربية من فترة بقيت أشم ريحة بنزين نص محروق جوه العربية برا لأ .. وأكل البنزين بقى جامد جداً يعنى التانك وهو مفول مابيمشنين أكتر من 200 كيلو أو ممكن 250 وكمان دخان أسود فظيع لما بزود للعربية أنا شكيت فى الكربيراتير وظبطه من حوالى 4 شهور وكان تمام مفهوش مشاكل لكن بعد فترة من ركنة العربية يمكن اسبوعين رجعت لقيتها كده ومعايا أستفسار تانى وهو بخصوص الشمبر أنا عاوز أعرف التكلفة الكاملة لطقم الشنبر من جوانات والطقم نفسه وكل حاجة بحيث أنى أظبط مزانيتى وكده ومعلش معايا مشكلى تانى وهى أن العداد بتاع السرعة بيرقص مش قاعد على حيله فهل ليها حل ولا لازم أغير طقم العددات ولا أيه ؟؟ مع العلم أنى مغير الواير لواحد جديد وبارضو نفس المشكلة على فكرة أنا عربيتى 1500 وإسبراتير ألكترونى وطقم بوجيهات دانسون (مغيره من فترة مش قليلة ) وسلك بوش أصلى جديد ... وبالنسبة لحالة الموتور محتاج شمبر ومبتاكلش زيت لكن بدأت تدخن من الفتحة اللى فوق الوش اللى جنب العمة دى منتظر آرائكم وشكراً مقدماً |
رد: كل ما يخص السيارة مازدا 323 من مشاكل واعطال وقطع غيار
اول حاجة ممكن تعملها انك تفحص رداخ(طلمبة) البنزين تشوف بتسرب ولا لا
خلي اي حد يزود بنزين جامد جدا وانظر الي الرداخ ممكن يكون فيه تسريب ويكون هو ده السبب انا كان عندي نفس المشكله بالضبط (اكل بنزين عالي _رائحة بنزين نصف محروق احيانا) سعر الرداخ انا جبته ب 100 جنيه (للاسف الرداخ مش بيتصلح) تاني حاجة: خلي الميكانيكي يشوف البيكات والافضل تكون البيكات مقاس 110 هتكون اقتصاديه |
رد: كل ما يخص السيارة مازدا 323 من مشاكل واعطال وقطع غيار
معلومات هامة لاصحاب مازدا 323
افضل زيت للمحرك هو بترومين 3000 الافضل ان يتم تغيره من 2000 الي 2500 كيلو متر للحفاظ علي المحرك الكميه : 3 ليتر (فقط) في حاله عدم تغيير فلتر الزيت 3.5 ليتر في حالة تغيير فلتر الزيت ملحوظة :زيادة كمية الزيت في المحرك عن منسوبه الطبيعي (فوق العلامة F ) يؤدي الي تلف الجوانات في المحرك ويؤدي الي تسريب الزيوت وانبعاث روائح اثناء القياده |
رد: كل ما يخص السيارة مازدا 323 من مشاكل واعطال وقطع غيار
السلام عليكم :يا اهل المازدا فى منتدانا
سلمت يدكم بارك الله لكم جميعاً وحفظ سيارتكم من كل سوء ومن شر السلب او النهب :01FDAB~189: |
رد: كل ما يخص السيارة مازدا 323 من مشاكل واعطال وقطع غيار
مواصفات مازدا 323 موديل1982 (منقول)
المحرك و ناقل الحركة: موقع المحرك: امامى مستعرض سعة المحرك :1300 سى سى اقصى قوة: 68 حصان اقصى عزم الدوران: 95 نيوتن نظام الوقود: كربراتير المواصفات الداخليه و الخارجية: المساحة الداخليه: 3850 لتر عجلة القيادة و الفرامل : الفرامل الامامية: اقراص الفرامل الخلفية: طنابير الابعاد و الوزن: الوزن: 850 كج الطول الكلي: 3960 مم العرض الكلى: 1640 مم الارتفاع الكلى: 1380 مم قاعدة العجلات: 2370 مم |
رد: كل ما يخص السيارة مازدا 323 من مشاكل واعطال وقطع غيار
كل سنه وانتم طيبين وعيد سعيد باذن الله نصائح لمن يشتري المازا اول حاجة لازم تعملها طبعا انك تغير زيت العربية لان صاحبها اكيد مغيرش الزيت من فتره لانه كان ناوي يبيع 2 تفحص الاربع عجلات كويس جدا ودي اهم حاجة وتشوف هل فييه كاوتش ضعيف او او لان دا حصل معايا وربنا يسامحه بقه اللي باعلي العربيه ادهالي والاربع كاوتشلت ضاربين لما روحت وجيت تاني يوم اسوق العربيه لقتها نايمه رحت لبتاع الكاوتش قاللي العربيه دي محتاجه اربع كاوتشات 3 تشتري كوندرسر ياباني(10 جنيهات) علشان يظبط كهرباء السيارة وممكن حضرتك تركبه بسهوله جدا وان شاء الله هصور طريقة التركيب وانشرها في الموضوع 4 تفحص البوجيهات كويس وممكن ايضا تغيرهم حضرتك بكل سهوله الموضوع بسيط جدا بدل ما تروح للميكانيكي وتستني بالساعة علشان حاجه مش مستهاله 5 تفحص الردياتير وتشوف هل فيه تسريب مياه ولا لاْ يتبع ان شاء الله |
رد: كل ما يخص السيارة مازدا 323 من مشاكل واعطال وقطع غيار
برجاء تثبيت الموضوع
|
الساعة الآن 05:13 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017