مصر موتورز مجتمع السيارات - الخائفون من شراء اللوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - الخائفون من شراء اللوجان (https://www.masrmotors.com/vb/showthread.php?t=96966)

رد: الخائفون من شراء اللوجان

أنا كنت شوفت ع اليوتيوب انها مقسومه نصين وملحومه MAD

رد: الخائفون من شراء اللوجان

اقتباس:

المشاركة الأصلية كتبت بواسطة Ahmed Sami mohamed (المشاركة 754135)

أنا كنت شوفت ع اليوتيوب انها مقسومه نصين وملحومه MAD

اللحام في العتب بس
لو لاحظت مفيش لحام موجود في السقف ولا لحام موجود في الارضية

رد: الخائفون من شراء اللوجان

السلام عليكم

1- كفايه اسعار قطع الغيار
2- كل الموضوعات للترغيب فى الشراء حتى تحقق الانتشار وكل ده عشان ترخص اسعار الغيار
3-واخدة 3 من 5 فى اختبار التصادم ... عربيات اخرى واخدة نفس الرقم وفى الفئه السعرية لها
4- فقيرة لحد ما فى وسائل الامان
5 - مش من السهل صيانتها خارج التوكيل

فى النهاية اغلبية الشعب المصرى من راكبى السيارات فى الفئة السعريه هذه عاوز عربية اركب وامشى من غير وجع دماغ من اسعار قطع الغيار او اللف على ميكانيكى يكون بيفهم فى الرينو اللوجان .......( مجرد راى ..بدون زعل )

رد: الخائفون من شراء اللوجان

اقتباس:

المشاركة الأصلية كتبت بواسطة الاستاذ/ علاء (المشاركة 754150)

السلام عليكم

1- كفايه اسعار قطع الغيار
بص انا اعترف ان قطع غيارها غالية جوه التوكيل فعلا
2- كل الموضوعات للترغيب فى الشراء حتى تحقق الانتشار وكل ده عشان ترخص اسعار الغيار
على فكرة قطع غيارها منتشرة بره التوكيل في بعض الاماكن وباسعار رخيصة
3-واخدة 3 من 5 فى اختبار التصادم ... عربيات اخرى واخدة نفس الرقم وفى الفئه السعرية لها
ايه هيا العربيات اللي واخدة الرقم دا ؟؟ وعلى فكرة دا مش عيب الصني الجديدة واخدة 3 من 5 برضه
4- فقيرة لحد ما فى وسائل الامان
يا راجل دا فيها ايرباج ومعظم عربيات الفئة دي مفيهاش الايرباج
5 - مش من السهل صيانتها خارج التوكيل
والله انا اعرف ميكانيكية هنا في سوهاج بيشتغلوا فيها من غير مشاكل خالص
فى النهاية اغلبية الشعب المصرى من راكبى السيارات فى الفئة السعريه هذه عاوز عربية اركب وامشى من غير وجع دماغ من اسعار قطع الغيار او اللف على ميكانيكى يكون بيفهم فى الرينو اللوجان .......( مجرد راى ..بدون زعل )

رايك على عيني وراسي ويحترم مني وتقبل تحياتي :THUMBS~220:

رد: الخائفون من شراء اللوجان

اقتباس:

المشاركة الأصلية كتبت بواسطة خالد محمود (المشاركة 754116)

اولا اللوجان داخلة مصر بدون جمارك من خلال اتفاقية اغادير وتم وضع تسعير لها مغالى فيه جدا .
ثانيا هى سيارة اوروبية بتكنولوجيا فقيرة و للاسف مختلفة عما تسوقه شركة داتشيا فى اوروبا .
ثالثا ليس بها وسائد هوائية او فرامل مانعة للانغلاق او نظام التوزيع الالكترونى لقوة الفرملة .
رابعا ليس هناك من يحترم عقلية الزبون من التجار او صحتهم و الحفاظ على البيئة .
و انا اتحدى ان يعاد تصدير تلك السيارة الى اوروبا لمخالفتها شروط الامان و السلامة و البيئة .

اكيد انت معاكش لوجان وفي الغالب حتي مشفتش العربية

العربية داخلة مصر بجمارك 15% مصاريف ادارية وناولون ولو دخلت مصر بجمارك كاملة كانت حتبقي اغلي مش اقل من 20000ج

تكنولوجيا اللوجان متفرقش عن اي تكنولوجيا موجوده في نفس الفئة السعرية زي الفيرنا واللانوس

العربية فيها وسائد هوائية للسائق في كل فئاتها - واقصد ها اللوجان والسانديرو والاستيبواي ال FO دا غير ان في بعض فئات الاستيبواي نازلة ب 2 ايرباج وبعض الفئات نازلة ب ABS من التلات انواع

العربية بتتصدر من المغرب لمعظم الدول الاوربية والخليج بنفس المواصفات اللي بتنزل مصر ونفس الشكل ونفس الامكانيات يزيد عليها الفئات اللي منت بتكلم عنها بال ABS ودا بيبان قوي لما بكانوش بيقدروا يسدوا احتياجات السوق المصري فبيبعتولنا العربيات اللي المفروض كانت رايحة اوروبا

اخيرا العربية واخده 3 من 5 في اختبارات الامان الاوروبيه اللي لغاية دلوقت شركات السيارات الصينية مش قادرة تدخلة حتي

رد: الخائفون من شراء اللوجان

شكرا على الموضوع ده .. لانه جه في وقته
انا اوي اشتري اوتوماتيك وزيرو في حدود 85 الف وكنت ميال جدا للوجان من المنتدي هنا بس قريت موضوع عن اللوجان الاوتو رعبني منها ورجعت تاني محتار بينها وبين البروتون والفيرنا لان ده حدود امكانياتي مع اني عملت موضوع بينهم واللي نصحني قاللي ابعد عن الفيرنا تماما فدلوقت محتار بينها وبين البروتون وفي ناس دخلت شكرت جدا في البي واي دي

فعايز اللي معاه اوتو يقوللي اخبارها ايه وهل فعلا حرام فيها الفلوس زي ماقريت هنا ؟؟؟؟؟؟؟؟؟؟؟؟؟؟؟

رد: الخائفون من شراء اللوجان

ههههه ...انا حاسس ان الموضوع ده عشانى بالظبط ..بس معلش انا مش على جهاز بكيبورد فمش عارف اكتب كتيــــــــــــــــــــــ ــر دلوقتى !!...فى المساء و السهرة ان شاء الله ..!!.

الــــف شــكـــر يا استاذ شريف عابدين ...وكل الاساتذه المشاركين فى الموضوع
على اهتمامك و محاولتك الطمأنه فى هذا الموضوع و غيره

انا مش عارف ايه الداعى لان اللى بيقول رأيه او مشكلته بيقول " من غير ما حد يزعل ؟!"" ...ليه ؟ هوه فيه حد رومانى او مغربى او حتى فرنساوى هنا ؟!! ...طب حد هنا شغال فى داتشيا او رينو ؟ ...طب الخواجه لوجان شخصيا بيبص على الصفحه ديه و ممكن يزعل ...غيـــــر دول محدش هايزعل ..لاننا كلنا مستهلكين بنشترى و تطلع البطيخه حمرا قرعه كل واحد و نصيبه !

بس ليا ملحوظه ...يا ريت يا جماعه لما نبدأ نكتب مشاكل بجد ..و اسعار ...و حاجات ليها ثمن او تكلفه او خساره "ماديه" فى الوقت و الجهد او الفلووووس كمان ..ميبقاش التفسير بتاعها حاجه " معنويه ".....زى "هاتعرف يعنى ركوب الاوروبى ____ رائحه الفرنساوى ___ركوب سياره بعلامه رينو __ رينو مش هاتدى اسمها بالساهل على عربيه ___ توكيل غالى اووى اه بس محترم !!! ...او حاجات لم تحدث بعد ...زى " لـــــــــــمـــــا تبقى تنتشر هاتبقى رخيصه و بتتصلح فى اى حته ____اعادة البيع هاتعلى ____مش هاتفتح بقها فى 3 او اربع سنين طب و بعدينهم ؟؟!!"

انا هاقعد بالليل .. ان شاء الله ...و هاكتب كل اللى فى دماغى و اللى خلانى تقريبا اقرر ان مجيبش الرينووووووو لوجااااااااااان ....مع انى مش لاقى بديل لسه !!!!!!!!!!!

مـــــــــــــــــــــتاب ع

علشان ميبقاش الموضوع الجميل ده زى غيره من عشرات المواضيع اللى مقدرتش بال بالعكس تزيح القلق من قلوبنا تجاه العربيه ديه !