|
رد: خاص لملاك اسبرانزا عموما و113هاتشباك بالتحديد* استفسار*
اقتباس:
العربية فعلا عجباني ومميزاتها دي فعلا كويسة ومسألة صغرها دي مش فارقة كتير وان شاء الله اقرر قريب وبالنسبة لعربيتك بس ازاي هي كسر الزيرو وعاوز تبيعها زي ماحضرتك اشتريتها والسنة دي اللي انت ركبتها فيها متتحسبش ؟؟؟ وميرسي ليك مرة تانية ع ذوقك وردك عليا وعرضك كمان |
رد: خاص لملاك اسبرانزا عموما و113هاتشباك بالتحديد* استفسار*
اقتباس:
بشمهندس مينا اشكرك ع سعة صدرك وردك ووجهة نظرك والصيني اكيد لة عيوب بس ع اد فلوسنا هنعمل اية ؟؟ بشمهندس ميرسي مرة تانية |
رد: خاص لملاك اسبرانزا عموما و113هاتشباك بالتحديد* استفسار*
حضرتك تعالى نحسبها واحدة واحدة عشان ميكونش فى لغبطة حضرتك قولتى انك هتجبيها قسط القسط الشهرى 1040 جنية لمدة 5 سنوات يعنى 1040 * 60 شهر = 62400 جنية +المقدمة 10580 جنية = 72980 جنية يعنى حوالى 73 الف جنية عربيتى بقى قسط شهرى 760 جنية لمدة 50 شهر يعنى 760 جنية * 50 شهر = 38000 الف جنية + المقدمة 23000 = 61000 الف جنية يعنى فى فرق 12000 جنية بين الزيرو وبين عربيتى طبعا لأنها مستعملة وعموما لو فى جدية فى الشراء انا تحت امر حضرتك وان شاء الله مش هنختلف |
رد: خاص لملاك اسبرانزا عموما و113هاتشباك بالتحديد* استفسار*
اقتباس:
اه متأسفة جدا جدا اللخبطة دي من عندي انا انا اللي محسبتش السنة القسط اللي انت شلتها يبقيي كدة الامور وضحت وان شاء الله خيير ويكون في جدية لو نويت اجيب مستعمل وفي حاجة هتستغربلها العربية عجبني شكلها جدا لدرجة اتي مختش بالي من منظر الفتيس ان كان مانيوال لو اوتوماتيك انا كل دة كنت فاكراها اوتوماتيك لحد ماكلمت الوكيل تاني!!!ptmnlo123per154 |
رد: خاص لملاك اسبرانزا عموما و113هاتشباك بالتحديد* استفسار*
أنا سمعت
ان في منها هاف اوتوماتيك ح تنزل في شهر 9 فممكن تسألي في التوكيل بالنسبه للعربيه انا معايا موديل 2009 .. وماشي بيها حوالي 4 آلاف كيلو والعربيه ممتعه جدا وفعلا زي ما احد الأخوه ذكر هنا .. شنطتها صغيره قوي ptmnlo123per1106 بس عادي .. مره طبقت الكرسي الخلفي .. وشلت فيها 3 شنط سفر وانا بجيب حد من المطار بس طبعا تحولت لعربيه 2 كرسي ptmnlo123per1127 بالنسبه لإعادة البيع العربيه مطلوبه .. ولها سعر .. وممكن تشوفي ده بنفسك على موقع كار 100 100 وبتنزل حوالي 4 آلاف بعد تعليق النمر وموديل 2008 بيتباع من 42 ل45 واعتقد ده شيء مش بطال ابدا (الأسعار دي من السوق لما كنت بنزله في شهر أبريل اللي فات) العربيه شيك قوي وخصوصاً اللون النبيتي للسيدات ولو استعمالك من النوع الخفيف زي حالاتي .. مش ح تواجهي مشاكل كبيره وربنا يوفقك بالمناسبه الأستاذ مينا فيه تار بايت بينه وبين الصيني .. وده باين في أكثر من موضوع له .. وكذا مره يتورط في كلام .. وميعرفش يثبته .. فمشاركته بالنسبه لي لم تضف جديداً تحياتي |
| الساعة الآن 05:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017