مصر موتورز مجتمع السيارات - موضوعي المتكامل عن تجربتي مع الA516 من 2007

اقتباس:

المشاركة الأصلية كتبت بواسطة tameromarw (المشاركة 796339)

كنت بفكر اشتري عربيه صيني
ممكن رايك بكل حياديه في العربية ؟

516 قطع غيارها متوفره ؟ وغاليه ولا رخيصه ؟

اقتباس:

المشاركة الأصلية كتبت بواسطة hal71 (المشاركة 796429)

إيه أخبار الموتور ؟؟؟ في ناس كتير بيقولوا بيفوت بسرعة أرجو نقل خبرتك الشخصية و شكراً

انا هقول لحضراتكم و انتوا تحكموا ..
العربية مع والدي من 2007 بقالها اكتر من 5 سنين ماشية 78 الف كيلو بنسوقها احنا الاتنين و يمكن انا بسوقها اكتر .. و سواقتي سواقة عنيفة .. يعني حرق على النقلات و سرعات عالية و فرامل جامدة (استهلاك شبابي) و ما شاء الله العربية مفيهاش حاجة ..
طول ما حضرتك محافظ على حالة الموتور و بتغير الزيت في معاده و بتغير السيور في معادها مفيش قلق .. المشكلة ان الميكانيكي بيوريني عربيات السير بيبقى طالع عينه و يمشي عليه كتير اوي لحد ما يتقطع ...

العربية نقدر نقول عليها حمالة قسية .. العفشة بتستحمل كتير بس هي ناشفة (زيها زي الكوري و الياباني مع فرق ان الياباني بيبقى الصوت مكتوم شوية .. بس ده فرق السعر "الضِعف")
تكييفها يعتبر قوي (متقارنوهاش بالفيرنا و اللانوس عشان العربيات دي مش بينزل فيها فلتر هوا فالتكييف بيبقى سالك اكتر و الله اعلم صح ولا غلط)
سحبها بعد ال100 حلو جدااااا (المشكلة ان وزنها 1290 كيلو) اتقل من معظم العربيات ال1600 في البلد عشان كده سحبها بيبقى بطيء لحد 50-60
ثباتها في الملفات افضل من السيراتو (بشهادة شاب قريبي كان معاه سيراتو 2010 و بيجري جري رهيب)
و طبعا لا يقارن بالفيرنا و اللانوس مع احترامي الشديد
اقصى سرعة جبتها كانت 190 على طريق السويس .. و الدائري اقصى حاجة 170 و الله اخدت مطب هواء اللي قبل المنيب اتجاه الجيزة و العربية نطت و نزلت في مكانها الحمد لله

مشاكلي الحالية مع العربية .. علبة البيئة (علبة الشمكان اللي في اوله) بتتشرخ مع تدوير الموتور و عرفت ان حلها ان بيتركب سوستة ف نص الشكمان بتخليه يتحرك من غير ما يشرخ زور علبة البيئة..
نشوفية العفشة (بس بتبقى ميزة في السرعات العالية)
بطئ السحب في الاول
عيوب التقفيل (بعد 3 او اربع سنين تبدأ تسمع صوت زجاج الابواب و هو طالع و نازل و ممكن تلاقي صوت الابواب بيرزع و هي بتتقفل بس العيوب دي كلها ف معظم العربيات اللي بتتجمع في مصر).

قطع الغيار فيها مش معمرة اوي زي الياباني مثلا بس برضه على حسب استهلاكك و طريقة سواقتك و معظم قطع الغيار مش غالية
يعني مثلا لسه بعد 5 سنين استهلاك مغير جلب مقصات ب 160 جنيه الاتنين من المتحدة
و كوبلن ب 150 جنيه تايواني و هغير التاني قريب ان شاء الله
و لسه جايب طرمبة بنزين من التوفيقية ب330 جنيه مع ان الميكانيكي قاللي هاتها من الحرفيين ب700 جنيه وركبتها و شغالة الحمد لله زي الفل
و شبكة امامية عشان الشبكة كبيرة و مش قوية

انا مش عايز اطول اكتر من كده عليكوا :) لو حد عنده اي اسئلة تانية انا موجود :CHUBBY~36: