مصر موتورز مجتمع السيارات - اريد معلومات عن 307xt mod. 2005 و اسعار قطع غيارها و صيانتها

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

رد: اريد معلومات عن 307xt mod. 2005 و اسعار قطع غيارها و صيانتها

الاستاذ احمد فتحي العربيه دي لو الحاله الخرجيه جيده يبقي سعرها 65000 كويس
وبالنسبه للحاجات دي حتكلفك شويه

رد: اريد معلومات عن 307xt mod. 2005 و اسعار قطع غيارها و صيانتها

اقتباس:

المشاركة الأصلية كتبت بواسطة Ahmed fathy (المشاركة 57029)

العضو العزيز نور ....

شكرا جدا جدا على ردك و معلوماتك القيمة الى افادتنى بيها و فعلا انت الخبرة بتاعة المنتدى ده ، بص يا سيدى انا كشفت على العربية فى وهدان الى فى العجوزة و نتيجة الكشف بينت شوية مشاكل كدة وهى :
- بلف الفتيس فيه مشكلة و بيأثر على سحب العربية و عايز يتغير.
- فيه وحدة اسمها com 2000 دى مخليا لمبة الاير باج على طول منورة و ممكن بعد كدة تاثر على الاشارات و كل المنطقة بتاعت الطارة و محتاجة تتغير.
-الشاشة بتاعت المعلومات فيها خطوط ومش موضحة اى حاجة محروقة يعنى و محتاجة تتغير.
- تيل الفرامل امامى و خلفى محتاج تغيير.
-كارتيرات امامية .
-الكبالن فيها بوش خفيف مع الوقت هتحتاج تغيير .
- باقى العربية سليم.
انا وصلت مع صاحب العربية لي 66000 جنيه نهائى فهل المشاكل دى بسيطة وتتلم وبكام تقريبا ولا اصرف نظر احسن و اشوف حاجة مظبوطة عن كدة ؟.

وشكرا يا باشا على اهتمامك ومساعدتك الكبيرة. . .

استاذ أحمد
انا رأى تصرف نظر عن السياره دى نهائيا لأن المسأله مش هتنحصر فى تكاليف ماديه فقط
بل السياره للأسف لن ترجع كما كانت ابدا لعدة اسباب
اولا : الشاشه لو غيرتها لازم تغيرها برقم الشاسيه والموتور يعنى عليك وعلى الوكيل وهتلاقى سعرها يتراوح بين 5000 و7000 جنيه
ثانيا: الفالف بادى الخاص بالفتيس وهو كما يسمى بعلبة البلوف وهو يعتبر عقل الفتيس لن يقل ايضا عن 3000 جنيه استيراد وتركيب.
ثالثا:لمبة الايرباج مضاءه معنى ذلك ان فى مشكله فى psi الخاص بالسياره وممكن يحتاج تغيير مع حساس الايرباج وتمنه لن يقل عن 3000 جنيه وبيحتاج تكويد المفتاح واعادة تشفيره
ودى ايضا تكلفه لوحدها.
يبقى هتحتاج تصرف حوالى من 12000 الى 15000 جنيه غير المصنعيات ووجع القلب مع الصنايعيه وعطلة السياره
بالأضافه الى سعرها وهو 66000 يبقى الاجمالى 81000 فضلا عن وجع القلب والمخاطره وممكن تلاقى حاجه كمان فى السكه وخاصة فيما يخص الفتيس لأن الفالف بادى مادام بايظ هيسحب معاه الاجزاء الداخليه فى الفتيس يعنى تكاليف اخرى.
اما باقى الاعطال مقدور عليها
فالأفضل صرف النظر عن هذه السياره والبحث عن سياره حالتها كويسه
وده رقم ميكانيكى بيجو وستروين ممكن ترفع السياره عنده وتسأله
أمجد الميكانيكى وانا بصلح عنده وهو محترم وفاهم جدا
0122822870

ويارب اكون افادتك

رد: اريد معلومات عن 307xt mod. 2005 و اسعار قطع غيارها و صيانتها

اقتباس:

المشاركة الأصلية كتبت بواسطة Ahmed fathy (المشاركة 57029)

فعلا معا راي ايمن باشا اصرف نظر افضل لانك هتلاقي حجات سليمة و حالات افضل بكتير و حضرتك بتشتري عربيه مش عشان تغيرها الشهر الجي انت بتشتري عربيه عشان الزمن

و الحجات الفي العربيه ي اقل حاجة خالص تكاليف 10000 جنية يبقي كده حضرتك اكنك اشتريت عربيه سليمه ب 76 الف و كمان معاها شحططه و حرقة دم

يبقي اشتري دماغك من دي خالص و شوف حاجه تانيه

و بالنسبه لل 308

انا جربت العربيه دي و فعلا عربيه حكاية و متخفش من اي حاجة فيها خالص خالص

لان موتور العربيه و الفتيس متصنعين بالتعاون معا بي ام دبليو

و العربيه امكانيتها عاليه جدا و ثباتها عالي و سحبه كويس اووووي و العربيه دي الهتعيد امجاد بيجو مره اخري

و متخفش من الفتيس خالص

و ربنا يكرم ان شاء الله

رد: اريد معلومات عن 307xt mod. 2005 و اسعار قطع غيارها و صيانتها

السلام عليك العضو العزيز ايمن ممكن اعرف مكان امجد الميكانيكي فين

رد: اريد معلومات عن 307xt mod. 2005 و اسعار قطع غيارها و صيانتها

اقتباس:

المشاركة الأصلية كتبت بواسطة mahmoudnada80 (المشاركة 58286)

السلام عليك العضو العزيز ايمن ممكن اعرف مكان امجد الميكانيكي فين

استاذ محمود هو فى الحرفيين جنب موقف السوبر جيت ورقمه 0122822870

اوصل لأقرب مكان هناك وكلمه هيجيلك ياخدك

او لوعارف احمد ندا او رفقى بتوع قطع الغيار هو جنب رفقى على طول