مصر موتورز مجتمع السيارات - ما هو تقييم لادا بين السيارات من وجهة نظرك......

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - ما هو تقييم لادا بين السيارات من وجهة نظرك...... (https://www.masrmotors.com/vb/showthread.php?t=95079)

رد: ما هو تقييم لادا بين السيارات من وجهة نظرك......

العربية لادا ليست سيئة للدرجة
وليست كويسة حاجة تفى بالغرض
زى الجاكت الصوف الرخيص يقى من البرد والمطر
لكن لايعرف اى حاجة عن اللمسة الجماليه ولا الرفاهيه واحيان كثير يكون خانق لك
ادم
:fun_10_1_124[1]:

رد: ما هو تقييم لادا بين السيارات من وجهة نظرك......

اوعى اوعى عربية زبالة

رد: ما هو تقييم لادا بين السيارات من وجهة نظرك......

اقتباس:

المشاركة الأصلية كتبت بواسطة AbOnOrA (المشاركة 739908)

مش معنى ان القسم مليان مشاكل ان كل المشاكل ديه هتحصل لشخص واحد ومرة واحدة
وطبيعى طبعاً ان اى عربيه بعد فترة بتحتاج لصيانات وقطع غيار
وده بيتوقف على طبيعة استخدامك وعلى عنايتك بالعربية
فممكن واحد يبقى معاه مرسيدس ومبهدلها ومش بيصينها صح فتفتح بقها وتعمل مشاكل ورا بعض لحد ما تسود عيشه صاحبها
وممكن عربيه لادا ينطبق عليها نفس الكلام وممكن العكس
فاستخدامك وصيانتك للعربيه هى العامل الاهم

غير كده فيه عربيات الاعتماديه فيها عالية طبعاً او مبتحتجش صيانات كتير واشهرهم الكرولا او اليابانى عموماً

+111111 :Wkiss5:

رد: ما هو تقييم لادا بين السيارات من وجهة نظرك......

اقتباس:

فممكن واحد يبقى معاه مرسيدس ومبهدلها ومش بيصينها صح فتفتح بقها وتعمل مشاكل ورا بعض لحد ما تسود عيشه صاحبها

طبعاً رأى حضرتك يحترم و خبرتك فى مجال السيارات مش حاجه قليله, بس أنا نسيبى ركب مازدا (يابانى) و رغم إنها شالته كتييير إلا إنها لم تعجبه, و بيجو 504 (فرنسى) برضه حمالّة أسيّه, و بعدين تحول للمرسيدس (المانى) و بقاله 30 سنه فى المرسيدس, بيعلّى الموديل كل ما ربنا يكرم بفلوس بس يمكن فى حياتى ما شفته بيفتح كبوت العربيه يشوف المياه أو الزيت حتى. مفيش غيرمرة واحده بس إضطر يفتح فيها الكبوت .... فى الفحص (ربنا يباركله فيها) - أنا قصدى إن فعلاً فيه عربيات تكفير للسيئات و عربيات تانيه صاحبها بينساها.

رد: ما هو تقييم لادا بين السيارات من وجهة نظرك......

انا معايا لادا 2107 مو 2004 بقالها عندي سنتين من 2010 و الحمد الله مافيش منها مشاكل اهم حاجة الصيانة الدورية و تغيير الزيت في مواعيدة الحقيقة هي عربية عملية و تستحمل المطبات المنتشرة في الشوارع وبتشيل . اما موضوع ثقل الطارة ده ممكن نستحملة مش عيب كبير ولا حاجة انا تعودت علية .