مصر موتورز مجتمع السيارات - العربيه دي تحتاج مصنعية سمكره أد ايه

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - العربيه دي تحتاج مصنعية سمكره أد ايه (https://www.masrmotors.com/vb/showthread.php?t=94619)

رد: العربيه دي تحتاج مصنعية سمكره أد ايه

انا شايف فيه شغل خفيف كام فى الكبوت ..صح ؟؟

عموماً كل شغل الجنب من الشمال يتعمل صح الصح فى حدود 2000 جنية بس المهم الشغل اللى فى الرفرف الورانى والقائم بتاع الباب الورانى محتاج شغل جامد وزراجين علشان واضح انه مكبوس
ويفضل تتعمل من غير قص ولحام قدر الامكان وخد بالك فى ناس كتير ممكن تقنعك بكده علشان تفتح شغل

رد: العربيه دي تحتاج مصنعية سمكره أد ايه

قدر الله وماشاء فعل
حمدالله على السلامةترجع زى الاول
بص حضرتك اهم حاجة العربية تاخد بالزرجينه صح علشان تراجع ترجع زى الاول
الاضرار اللى فى العربية
1 تغيير باب خلفى يكون افضل
2 تغير اكسدام امامى لو فى حاجة من الخبطة
3المرايا باب امامى
4 رافراف مش محتاج تغير محتاج زراجين صح
تحياتى لك

رد: العربيه دي تحتاج مصنعية سمكره أد ايه

اقتباس:

المشاركة الأصلية كتبت بواسطة محمدصلاح القاضى (المشاركة 735714)

بص ياباشا
انا عاوز اطمنك ان العربيه مش متبهدله اوووى
يعنى يعنى الدنيا مش خربانه
يمكن الرينو قطع غيارها نار حبتين لكن انا شايف ان شغل السمكره دا
كله شغل على الايد ومحتاج واحد فنان مش اكتر
وكل اللى مطلوب منه
هيشد العربيه بالزرجينه مره واتنين وتلاته ولو حكم الامر يسبها يوم متزرجنه
وبعدين الصاج الخارجى دا كله
عاوز يتسمكر ويندق باللمبه وشاكوش التطريق

وبعدين تنظبط سمكره كويس جداااااا
وتروح تاخد بويا على حق ربنا
وهتركب العربيه مش هتفرق كتييير خالص عن الاول وبعدين اهلك امها لحد ما تنوى تبيع وتغير
لان للاسف العربيه خساره تتركن او تنباع

ولو عاوز ناس تشتغل فيها
انا من طنطا واعرف ناس بتسمكر كويس جدااا
ممكن تصور العربيه بالتفاصيل وتقابلنى فى طنطا يشوفوا الصور ونتفق وبعدين اللى يريحك

قدر اللة ما شاء فعل....حمد اللة على سلامتك اولا...مش عارف...انا ليا رأى مختلف...لو ناوى تحتفظ بالعربية دى ياريت تطلع على التوكيل صحيح المصاريف حتكون مضاعفة بس الشغل حيكون على الصح اما لو ناوى تبيعها خد برأى الزملاء و حاول تلمها و ربنا يعوض عليك......سؤال لمحمد بية ممكن تقولنا اسماء و عناوين سمكرية نضاف من طنطا؟؟؟ و لك الشكر.

رد: العربيه دي تحتاج مصنعية سمكره أد ايه

اقتباس:

المشاركة الأصلية كتبت بواسطة mira lada (المشاركة 735944)

تم الرد على الخاص

رد: العربيه دي تحتاج مصنعية سمكره أد ايه

رأيي الشخصي حضرتك شوفلك حد من المنصورة يدلك علي سمكري هناك

المنصورة والقري اللي جنبها صنااااااايعية بجد وارخص كتيييييييييييير بس لازم يكون ليك حد هناك يتابعلك

انا من بورسعيد وكنت بعمل شغل السمكرة هناك
والله ارخص بكتير كنت بدفع اقل من نص التمن

وعلي فكرة عربية حضرتك الحمد لله مش متبهدلة اوي وتتلم العملية والله وان شاء الله ترجع احسن من الاول

والحمد لله علي سلامتك