مصر موتورز مجتمع السيارات - رحلتي مع العفشة و الكاوتش و الفرامل في نهار رمضان

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

رد: رحلتي مع العفشة و الكاوتش و الفرامل في نهار رمضان

اقتباس:

المشاركة الأصلية كتبت بواسطة sherifabden (المشاركة 733331)

الراجل دا نصب عليك رسمي والله
مترحلوش تاني
وكنت عايز اعرف حاجة هوا انتا كنت بتشتكي من حاجة في العربية ؟؟؟

ما كنتش باشتكى من حاجة و الله كل ما في الأمر .. ان المساعدين في المطبات و التكسير في الشوارع كنت بسمع صوت خفيف .. قلت اغير المساعدين و خلاص فتحت عليا الفتحة دي كلها ..
أما عن الكاوتش بالفعل كان محتاج يتغير لأنه في الفترة الاخيرة العجلة الامامية و الخلفية نامت أكثر من مرة بسبب المسامير .. و ليس اكثر .. و نصحني احدهم طالما هتغير مساعدين و تعمل شغل في العفشة أني أغير الكاوتش بالمرة .. واراجع على الفرامل كمان عشان الدنيا تتضبط .. لأن احيانا كنت اسمع صوت صادر من العجلة الخلفية .. و سمعت الكلام .. و بتاع الفرامل قالي ان الطنابير الخلفية عايزة تتغير و كمان بلية محتاجة تغيير .. عموما الحمد لله قدر الله و ما شاء فعل ..
تحياتي للجميع ..

رد: رحلتي مع العفشة و الكاوتش و الفرامل في نهار رمضان

اى حد ممكن يتعمل علية شغل لكن كولة كوم وموضوع فك وتركيب الكاوتش 60 جنية .........انا مستغربلة جامد اوى
لان لو انى بشترى طقم كاوتش جديد من محل بيدينى الفك والتركيب والبلوف والنيتروجين والترصيص مجانا

رد: رحلتي مع العفشة و الكاوتش و الفرامل في نهار رمضان

اقتباس:

المشاركة الأصلية كتبت بواسطة يسري أبو الخير (المشاركة 733211)

من كام يوم قلت أغير طقم المساعدين الأمامي للانوس .. و بالفعل جبتهم ورحت للعفشجي عشان التركيب ..

اقتباس:

المشاركة الأصلية كتبت بواسطة يسري أبو الخير (المشاركة 733211)

فتح عليا فتحة ملهاش نهاية و قالي ان العفشة كلها عايزة تتضبط و كمان لقى اويل سيل من عند الباور بيجيب زيت ..
المهم كتبلي ليستة قطع الغيار المطلوبة و رحت اشترتها كانت اسعارها كالأتي :-
عدد 2 مساعدين امامي 365 جنيه
طقم بيض مقص 90 جنيه
طقم بارات 95 جنيه
بليه عجل كوري 70 جنيه
2 جلبه دراع لانوس 20 جنيه
بطاحة مساعد 105 جنيه
2 كباية مساعد كوري 60 جنيه
صره عجل كوري 90 جنيه
كاوتشة راس كوبلن 15 جنيه
و شوية حاجات اشتراها بمعرفتة عشان علبة الدركسيون 100 جنيه
و مصنعية 100 جنيه .. الحكاية دي اخدت 1100 الى 1200 جنيه تقريبا
رحت بعد كدا اعمل عمرة للفرامل الخلفية ..
عدد 2 طنبورة خلفية بدون صرة 250 جنيه كوري
تيل فرامل خلفي 90 جنيه
بلية عجل خلفية 50 جنيه
زيت باكم و علبة شحم 40 جنيه
خرطوم زيت باكم عجلة امامية 50 جنيه
مصنعية 120 جنيه
و الموضوع دا اخد حوالي 600 جنية بالمصنعية

و طلعت على بتاع الكاوتش اشتريت 4 فرد كاوتش بريدجستون جديد الفرده الواحدة 350 جنيه
و كمان 60 جنيه فك و تركيب و ملو الأطارات بالنتروجين مع ترصيص للعجل ..

و في النهاية طلعت على بتاع ضبط الزوايا و الاتزان خد 20 جنيه

و غيرت زيت الموتور شل هايلكس 5000 كيلو بــــ 115 جنيه

و دي كانت رحلتي مع اللانوس في شهر رمضان .. و الجري نهارا و ليلا عند الصنيعية

بعد ما اندبحت في مبلغ و قدره .. شوفتو بقا المساعدين الأمامي للانوس عملوا معايا أيه ؟؟
ضبطوني قبل العيد و الحمد لله :crazyW14: لكن بعد انتهيت منها بقت :THUMBS~220:

أيه رأيكم في الأسعار و المصنعيات قولولي ..
تحياتي للجميع .. و رمضان كريم

مبروك الصيانة الجميلة دى ربنا يبارك فيها
الحجات دى علشان تتعمل فى التوكيل هتكلفك على الأقل 5 الاف جنيه
وكل العربيات متعبة والصنيعية مش مريحين

الأسعار معقوله اوى خصوصا المساعدين
بس واضح ان العربية مكانش بيتعمل فيها شغل خالص من زمن

رد: رحلتي مع العفشة و الكاوتش و الفرامل في نهار رمضان

اقتباس:

المشاركة الأصلية كتبت بواسطة mr_astra (المشاركة 733537)

اه فعلا يا كومندا
اول مرة أسمع على محل يحاسب الناس على البلوف والنتروجين والترصيص

انا اشتريت لواحد صاحبى فردة كاوتش واحدة بس علشان كانت اتقطعت

خدنا الفردة بسعر ممتاز 320 اندونيسى لأ وكمان
ملأ الاربع عجلات نتروجين + ترصيص عجلتين امامى + كارت متابعة نتروجين +كارت متابعة بطارية

محل الصقر فى ميدان السواح

واحد تانى اسمه اولاد نصار فى الحى السادس جنب أشرفكوا

اشتريت فردتين كاوتش

ركب الكاوتش والبلوف ونتروجين وترصيص الأربع عجلات وكارت متابعة نتروجين وكارت متابعة بطارية
والفردة كانت ب 295 تايلاندى

رد: رحلتي مع العفشة و الكاوتش و الفرامل في نهار رمضان

اقتباس:

المشاركة الأصلية كتبت بواسطة mr_astra (المشاركة 733537)

أنا اشتريت الكاوتش بريدجستون 1400 جنيه للأربعة فرد من محل لبيع الكاوتش و البطاريات فقط .. لكن التركيب و ملو النتروجين و ترصيص العجل و الحاجات دي .. كانت في ورشة اصلاح كاوتش بجسر السويس .. مع العلم أن ملو النتروجين كان للعجل و الاستبن كمان و المعروف ان النتروجين سعر ملو الفرده 5 جنيه في كل مكان بخلاف الترصيص و سعر البلوف و البقشيش .. و دفعت 60 جنيه وأنا زي الباشا و بدون مبالغة ..
تحياتي للجميع