المشاركة الأصلية كتبت بواسطة Rema1 (المشاركة 729183)

السلام عليكم ورحمة الله
يا جماعة انا عندى عربية اسبرانزا A113
موديل 2012 اشتريتها جديدة في شهر مارس.
المشكلة بقى انى لما جيت اغير الزيت بعد 1500 كيلو الراجل لقى الزيت ناقص لتر وسألنى اذا كانت بتنقط ؟ بس انا اتأكدت ومفيش تنقيط
وغيرت الزيت لكن المشكلة ان فجأة لما العربية عملت 2250 كيلو لقيت لمبة الزيت نورت والعربية ملقيتش فيها نقطة زيت.. المؤشر نضيف :(
وحطيت فيها 3.5 لتر .. العربية مكنش فيها زيت خاااااالص.
انا مش عارفة ايه المشكلة!! هو كدا عادى يعنى ؟ ولا فى حاجة غلط
العربية يا جماعة على الزيرو ومش بسافر بيها ولا بتسخن ولا حتى الماية بتقل. ومفيش اى تنقيط للزيت وعمرها ما اتخبطت.
اعمل ايه ؟؟ يا رب حد يطمنى. انا هزعل اوى لو كان دا عيب او فيها حاجة باظت :(

المشاركة الأصلية كتبت بواسطة Rema1 (المشاركة 761959)

انا متشكرة ليكم يا جماعة :)
انا كنت خايفة جدآ لأن العربية جديدة ومشاويرى قليلة اصلآ.
انا روحت زى ما قولتولى وفحصو العربية وطلعت المشكلة بسيطة الحمد لله. عيب تقفيل. فيه زى صماويل تحت العربية على اليمين والشمال كانت مفكوكة وربطوها والحمد لله عملت بعدها 1500 كيلو والزيت منقص.
اللى مدايقنى ان العربية كان ممكن موتورها يجراله حاجة بسبب عيب تقفيل :( وخصوصآ انها كانت بتسرب زيت وهى ماشية بس ,, علشان كدا مكنتش بلاحظ تنقيط تحت العربية وهى راكنة.
الحمد لله ربنا ستر :)))