مصر موتورز مجتمع السيارات - نقص الزيت وضعف السحب مازدا 929 خليجي

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - نقص الزيت وضعف السحب مازدا 929 خليجي (https://www.masrmotors.com/vb/showthread.php?t=93379)

رد: نقص الزيت وضعف السحب مازدا 929 خليجي

اقتباس:

المشاركة الأصلية كتبت بواسطة محمد السيد 78 (المشاركة 726535)

مبدئيا فى بلف فى غطاء التاكيهات غيره الاول لان البلف ده المفروض يتغير على 75000 كم وده اللى بيخلى فلتر الهواء عندك بيبقى عليه زيت

طيب البلف ده لازم بتاع المازدا 929 1989 والا اي موديل ؟؟

وشكرا لحضرتك

اقتباس:

المشاركة الأصلية كتبت بواسطة احمد على 1999 (المشاركة 726657)

لو على قد ميه و نقط سودة من الشاكمان يبقى تمام
بس هل حضرتك مناكد ان مع الكبس الشاكمان مبيطلعش دخان ؟ و لو بيطلع طيب لونه ايه ؟
فى رايى تعالج كل التسريبات الخارجية زيى الكارتيرة و غطا التاكيهات يمكن ده اللى بينقص الزين جامد

و بالمرة يتكشف عن ايه سبب نقص المياه

نقص المياة عرفت سببه .. في ماسورة طالعة من الردياتير واخدة دوران حولين الماتور لقيت فيها خرم بينقط ..
والشكمان مبيطلعش دخان ولا حاجة بس على قد المياة وطرطشة نقط سودة ..

شكرا ليك استاذ احمد

اقتباس:

المشاركة الأصلية كتبت بواسطة silverlite (المشاركة 726661)

فى ميكانيكى اتعاملت معاه قريب - بعد تكرار العيب مع الميكانيكى المعتاد ! - بسبب مشكله الحراره برضه فى المازدا 929 و اتحلت المشكله و الحمد لله اسمه عبده ابو الخير فى اخر شارع ترعه الجبل بعد دار المكفوفين على الشمال ...و ان شاء الله خير

الف شكر استاذي الفاضل

اقتباس:

المشاركة الأصلية كتبت بواسطة محمدصلاح القاضى (المشاركة 726788)

بص يا فندم
حضرتك لازم توضح اكتر من كدا

يعنى مثلا التسارع بتاع العربيه قل & زى ماهو & العربيه متكتفه ؟؟
ترشيح الزيت عيب جوانات ولا ايه بالظبط ؟؟؟
خرطوم البخر (فايظ الزيت ) بيطلع زيت ولا بينفخ ولا ايه ظروفه بالظبط ؟؟
الشكمان ظروفه ايه بمعنى اسود & عادى & بينقط مايه الصبح
ومع القرص هل بيطلع دخان من ورا وياترى الدخان لونه ايه ؟؟؟
سخونة الموتور وصوته العالى كان ع طول ولا لسه ظاهر مع المشكله ؟؟؟
عشان نقدر نفيد حضرتك ونحل المشكله

اه فعلا العربية متكتفة شوية والتسارع قل .. باحس ان في حاجة بتشد العربية لما اكون دايس عالبنزين لكن لما بتبقى العربية مور بتبقى طبيعية ..

ترشيح الزيت انا مش عارف من ايه بالظبط الميكانيكي قال ان الزيت بينقص بسبب مسامير الكارتيرة اللي كانت فاكة وخرطوم الفايز بس انا بالاحظ ان في زيت تحت غطا التكيهات وتحت الماتور كمان ..

الشكمان ما بيطلعش اي دخان بس مياة وطرطشة نقط سودة وبينقط لما امشي مشوار صغير ( مركزتش قوي مع الشكمان ) بس المهم ان مفيش دخان مع السحب خالص ..

اما السخونة .. فهيا حاجة بسيطة يعني مبتسخنش قوي ( بتسخن في المعقول ) بس مكانتش كدة
والصوت العالي والسخونية دي ظهرت بعد المشكلة .. كمان باسمع صوت كركرة كدة لما ابقى ماشي على 40 الى 80 .. مكانش الصوت ده موجود

انا متشكر ليكم كلكم على ذوقكم واهتمامكم
وكل سنة وانت طيبين

في انتظار افادتكم ..

رد: نقص الزيت وضعف السحب مازدا 929 خليجي

اقتباس:

اولا مشكلتك دلوقتى لازم نعمل شويه حاجات عشان نتأكد رسمى ان العيب من الموتور
نجيب طقم بوجيهات يابانى
اذا كانت الاسبراتير عاده نجيب ابلاتين وكونسدنر تانى بس حاجه نضيفه
سلوك البوجيهات تمام لو مش حلوه نغيرها
نجيب جوانات للموتور عشان نحكم الموتور كويس ومتخفش مش غاليه اوووى
نفك الكربراتير ويتنضف كويس جداا
نظبط تاكيهات
ونركب كل حاجه تانى كويس
ونظبط كهربا مع بنزين وهوا
ولو غيرت زيت يبقى تمام كمان
وتركب خرطوم الفايز مكانه عشان عزم الموتور ميضيعش
وتظبط العمل وبأذن الله هتلاقى العربيه بتجمع معاك على السرعات
ومش بتكركر ولا اى شىء تمام
لان شكل موتورك بيقول انه لسه بدرى على انه يعوز طقم شنبر
ومن ناحية صوت الموتور هينظبط والسخونه هتروح ولو ما رحتش نضف الريداتير بس وسلكه
وانت هتلاقى العربيه زى الفل
وتحت امر سيادتك فى اى طلب:CONGRA~238::CONGRA~23 8:

رد: نقص الزيت وضعف السحب مازدا 929 خليجي

اقتباس:

المشاركة الأصلية كتبت بواسطة محمدصلاح القاضى (المشاركة 727540)

انا متشكر جدا لحضرتك .. بجد استفدت كتير من ردك ..

ان شاء الله هاعمل الحاجات دي وادعيلك .. ^_^