مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- 127 Fiat Ritmo (https://www.masrmotors.com/vb/forumdisplay.php?f=232)

- - اول سفريه بال 127 (https://www.masrmotors.com/vb/showthread.php?t=92300)

رد: اول سفريه بال 127

مبارك عليك العر بيه وان شاء الله تكون فاتحة خير عليك
بالنسبه لتبطيل العربيه بعد الجري محتاج تنضف بك السلانسيه وتعلي العربيه شعره بسيطه جدا
وربنا يهنيك بيها :fun_36_3_11[1]:
انا كان معايا 128 موديل 77 كنت بلف بيها مصر كلها بس اهم حاجه تفضل متابع دورة المياه بتاعتها يعني كل حاجه سليمه
خراطيم طرمبة مياه رادياتير :w6w2005041122053268:w6w2 005041122053268:w6w200504 1122053268

رد: اول سفريه بال 127

الف الف شكر لكل الردود العظيمه و المشجعه و حقيقى و عن تجربه العربيات القديمه طالما معتنى بيها و مش متهانه فهى برقبه الجديد طول ما انت مستغنى عن التكييف و مالكش فى الجرى (ده رأى شخصى)

رد: اول سفريه بال 127

اقتباس:

المشاركة الأصلية كتبت بواسطة genena (المشاركة 718539)

اخوتى الاعزاء
انا حبيت اشاركم فى اول تجربه للسفر بال127 للساحل الشمالى
بدايه احب اوضح انى معايا جوليت و عاده بأسافر بيها علشان التكييف و مراتى وولادى(3) بيكونوا معايا
لكن الخميس الى فات كانوا هما بيصيفوا من اسبوع و انا كان عندى شغل و لما فضيت الخميس قررت ان دى احسن فرصه اجرب اسافر بال127 بتاعتى الى لسه جايبها من حوالى شهرين
العربيه مو 1976 ايطالى 2 باب 1050 سى سى و مضبط فيها كل حاجه اول ما اشترتها من سيور لزيوت لكبالن و عفشه
الحقيقه انا جبتها علشان بحب العربيات القديمه و كان معايا قبلها فيات 124 سبور مو 1973 و كنت بروح بيها كل حته
المهم علشان مطولش عليكم انا اتحركت من مدينه نصر فى اتجاه المحورالساعه 6 و نصف مساءا و من الزحمه كنت عند محطه الرسوم الساعه 8 م (ساعه و نصف الموتور ما طفاش)
ابتديت السواقه على سرعه 80كم علشان لسه بدرس العربيه و مش طالبه اى مفاجات
بعد حوالى 30كم من البوابات كنت ابتديت ازهق قمت زودت السرعه ل90كم و بعد شويه وصلت ل 100كم و استقريت على السرعه دى باقى الطريق
الحقيقه لما كنت عايز اطلع من نقل جبت 110 كم و ارجع ل 100 كم
طبعا اخوانا الى معاهم عربيات جديده يضحكوا على السرعات دى لكن نسبه و تناسب بين حجم الموتور و عمر العربيه انا شايف انه انجاز
المهم انى وصلت للساحل ولله الحمد بدون اى مشاكل و رجعت تانى يوم للقاهره سالما غانما
الملحوظات الى حسيتها
1 - الفتيس ال4 غيار ده مموت العربيه و سرعه 100كم = 4000 لفه(انا مركب rpm) و اعتقد لو فيه غيار خامس عادى قوى 120كم بنفس ال rpm
2 - الحراره كانت كويسه طول الطريق و ما فيش سخونه(الردياتير جديد تماما)
3 - لما كنت بمور العربيه و انا نازل منزل جامد بسرعه عاليه كانت ساعات تطفى و لما ادورها تدور على طول و الموضوع ده ما يحصلش لما امور بعد العربيه ما تهدى جامد(يا ريت حد يشرح لى سبب ده)
4 - الثبات كان ممتاز علما ان الجنوط سبور و كاوتش عريض مقاسه حاجه فيها 165/13/55 تقريبا و الله اعلم
اخيرا ارجو اكون افدتكم بتجربتى الاولى بالسفر بال127
سؤال اخير هل يمكن تركيب فتيس 5 سرعات على موتور عربيتى ال1050 و اى الانواع لا تحتاج تعديل فى الحوض
و شكرا

السلام عليكم اخ جنينة مش عارف اقولك ايه مشاركتك اذهلتنى لما قرأتها لانى بصراحة ذهلت ليه بقى ؟ اقولك انا من فترة طويلة متعود اجيب سيارة زيرو اركبه كام سنة وبعدين قبل ماتفتح بقها ابعها واجيب واحدة تانية وحاليا معايا ماتريكس زيرو لسه جايبها لكن بعد ماجبتها وخوفى عليها للتخربش او تتخبط فكرت اجيب عربية صغيرة للمشاوير جوه البلد والهرس وفكرت فى ال 127 وقعدت ادور لحد مالاقيت سيارة 127 مو 85 بصراحة حالتها كانت شاذة فابريكة بره وجوه بكرر فابريكة بره وجوه كانت مع واحدة ست المهم الميكانيكى بتاعى قالى متسبهاش خدها باى تمن طبعا خدتها بكتير قوى لدرجة مبقولش لحد على سعرها ليضحك عليا المهم لماركبت العربية طبعا رجعتنى 20 سنة وافتكرت ايام زمان وبقيت فرحان بيها قوى لكن المهم انى بخاف اسافر بيها حاكم انا خواف قوى عشان كده اعجبت بيك وبشجاعتك قوى وخلتنى احب العربية زيادة وشكرا ليك وللمنتدى

رد: اول سفريه بال 127

يباشا ال 127 دي مش هينه والله

انا رايح جاي بيها مطروح مرتين كل صيف ومبتشتكيش طالما انت مراعيها وقطع غيار تمام واي حاجه تطلبها تدهالها دي الناس بتستغرب لما يلاقوني داخل علي بنزين 90 بيها

جرب انت بس تحطلها 90 وشوف تجميع العربيه دي حيبقي عامل ازاي وحتحس بفرق كبير

سافر ياباشا وربنا يباركلك فيها بقالها 3 سنين اهو رايح جاي مطروح

رد: اول سفريه بال 127

اقتباس:

المشاركة الأصلية كتبت بواسطة screamseko (المشاركة 758862)

أنا بحط 92 من فترة :) وأول ما جبت العربية كنت فرحان بحالتها وكنت بوصل 130 بس مكنتش بكمل عليها كتير
أحيانا مش باخد بالى لو الطريق مفتوح وألاقى السرعة 120 وRPM بيكون 2.5... بس حالة ميكانيكا العربية الحمد لله كويسة جداً ... طريقى غالباً على الدائرى بس بصراحة بطلت أطلع فوق 100 علشان بقيت أقلق من ثبات العربية خصوصا فى الطرق بتاعتنا

اللى خايف أعمله لحد دلوقتى إنى أسافر مشوار طويل.. أبعد مشوار كان الفيوم :)