|
رد: ازاى احافظ على سيارة ضد السرقات
بص يا ريس الوسائل التقليدية جهاز انذار * قفل دركسيون
الحرامي لما بيشوف لمبة جهاز الانذار وقفل الدركسيون بيتراجع بنسبة كبيرة وفي دراسات معمولة عن الموضوع ده ان الحجات ديه بتقلل السرقة بنسبة كبييييرة جدا الحرامي عايز العربية السهلة مش يكسر ازاز ويقفل جهاز الانذار اللي هيضرب ويفسخ قفل دركسيون وجع قلب بالنسبة ليه الحجات اللي بقلك عليها تكلفتها بسيطة بس فعالة بنسبة اكتر من 80% |
رد: ازاى احافظ على سيارة ضد السرقات
طيب منان جهاز الانذار وتمنه كام
|
رد: ازاى احافظ على سيارة ضد السرقات
انا مش من القاهرة ، بس اعتقد انه في شارع دمشق واسأل الاعضاء عن نوع كويس وسعره ونوع قفل الدركسيون الافضل اللي بمفتاح ولا اللي برقم سري
ثاني اعتقد لو ركبت جهاز انذار ممكن يخرجك من الضمان كان فيه موضوع مش عارف مكانه فيه صورة لفقل متركب في دواسة البنزييييييييييين والفرامل لو حد عارف مكانه ممكن يحطلك الرابط بتاعه كانت فكررررررررررة صاااااااااايعة |
رد: ازاى احافظ على سيارة ضد السرقات
الزملاء الأفاضل تكرموا وقالوا معظم الأفكار بالنسبة لسرقة السيارة نفسها بس في بعض تصرفات مننا بتشجع الحرامي إنه يسرق العربية أو يسرق حاجات منها بالنسبة لسرقة العربية... لو اضطريت تقف لمدة قصيرة قدام محل مثلا.... أوعى تسيب المفتاح في العربية قــفّــل عربيتك كويس حتى لو كنت بتشتري من واحد في الشارع وانت واقف جنب العربية. أما بالنسبة لسرقة أشياء من السيارة... فمن أفضل الحاجات اللي تعملها إنك ما تسيبش متعلقات ظاهرة للماشي برة العربية... مثلا: الأظرف... شنطة لاب توب... ملابس.. موبايل... أو أي شيئ خف وزنه وغلا ثمنه ... |
رد: ازاى احافظ على سيارة ضد السرقات
الف مبروك على العربية
وانا عايز حضرتك متبقاش قلقان اوي لان مفتاح اللوجان مشفر يعني العربية مستحيل تدور الا بالنسخة الاصلية من المفتاح لكن برضه الحذر واجب قفل دركسيون وغطا عربية واالحكاية تبقا مية مية وتقبل تخياتي |
| الساعة الآن 09:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017