مصر موتورز مجتمع السيارات - سمكري ولا توكيل...؟؟؟

اقتباس:

المشاركة الأصلية كتبت بواسطة akerima (المشاركة 709924)

يا عمنا سمكرة ايه اللي ب 160ج دا انا كان الرفف الشمال واحد ابن حلال عملهولي استريت واترد علي البارد ب 30ج هو متعب شوية عشان الصاج ناشف حبتين فعبال مابيرجعة زي مكان باخد معاه شوية وقت بس مش لدرجة 160ج كده كتير

بالنسبة للفانوس الصغير دا باذن الله مش حتلاقيه غالي بس قولنا انت منين عشان نقدر نقولك علي واحد بتاع قطع غيار رينو قريب منك

ال160 ديه يا باشا كانت بالرش :)
وأنا رديته بس انما خايف أرشه... وبالنسبة للفانوس أنا هجيب الديبو التايواني وربنا يستر ويبقى شبه الأصلي عشان مبحبش أحس ان العربية فيها حاجة مختلفة...

اقتباس:

المشاركة الأصلية كتبت بواسطة sherifabden (المشاركة 709799)

مش هيعيب العربية خالص لكن لازم يكون اللون مطابق للون العربية الاصلي بالمللي وتقبل تحياتي

ماهو أنا خايف من الحتة ديه... خصوصاً ان السمكري كان عاوز يعملهولي تلقيط مش رش كامل.. عشان يداري اللون الفضي بتاع الصاج... فأنا حاسس انه ده هيبقى باين برضه...

اقتباس:

المشاركة الأصلية كتبت بواسطة AbOnOrA (المشاركة 709847)

هو يعنى اللى شغال فى التوكيل مش سمكرى برضو ولا لواء اركان حرب

يا باشا فى مراكز تجديد سيارات بتطلع شغل احسن مليون مرة من التوكيل فعموماً السمكرة والحاجات لا ينصح بعملها فى التوكيل اصلاً

كمان قطع الغيار اكيد هتلاقيها بتتباع بره وممكن تجيب رفر اسيتراد وترشه فيه حلول كتير متقلقش

الحمد لله محتاجتش رفرف استيراد وفعلاً ما شاء الله الرفرف على البارد رجع بنسبة من 95 ل 100 في ال100 من الشكل الأصلي.. مشكلته بس وجود بعض التكحيتات مكان اكصدام الاالترامكو... وديه الي أنا خايف أرشها لتعيب شكل العربية...