مصر موتورز مجتمع السيارات - مشكلة في فتيس الأرجنتا الاتوماتيك برجاء المساعدة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: مشكلة في فتيس الأرجنتا الاتوماتيك برجاء المساعدة

اقتباس:

المشاركة الأصلية كتبت بواسطة mr_astra (المشاركة 709150)

طيب لو تكلفة الاصلاح كدة ما نسال على فتيس استيراد بكام
لان المبلغ فعلا خرافى

أنا فعلا شايف إنه كتير لكن أنا ليس لدي خبرة وما اعرفش السعر المناسب كام
كمان أنا ما أظنش إني هالاقي فتيس استيراد للعربية لأن الأرجنتا حجاتها نادرة وما اعرفش إذا كان ينفع أركب أي فتيس عليها ولا لأ خصوصا إن العربية الحمد لله كل حاجة فيها فابريكا بتاعة بلدها وشغالة ممتاز ما شاء الله فمش عاوز أحط فيها حاجة تغير من كدة خصوصا إني ناوي أبيع

رد: مشكلة في فتيس الأرجنتا الاتوماتيك برجاء المساعدة

اصل انا بقارن بنها وبين فتيس التويوتا كيرسيدا كنا جبناة بـ 650 جنية
فى واحد فى شبرا اسمة تيسير صليب اخصائى فتيس ممكن تسال عندة الشغل يتكلف كام

رد: مشكلة في فتيس الأرجنتا الاتوماتيك برجاء المساعدة

اقتباس:

المشاركة الأصلية كتبت بواسطة maged80 (المشاركة 709151)

أنا الحقيقة معرفش يعني ايه اسكانيا
وفعلا هو قالي هيفك الفتيس بالكامل لكن لا أظن إنه هيحتاج عمرة الميكانيكي قالي كدة كمان لأن الفتيس شغال تمام ولا يوجد فيه أي مشكلة وبمجرد إني أزود الزيت العربية سحبها بيبقى زي الفل

مافيش ميكانيكى يقدر يحدد حالة الفيتيس بدون فك
على الأقل، ايه سبب تلف الأويل سيل؟ احتمال تحتاج تغيير قطع مسببه فى ذلك، والوحيد اللى يحدد ده هو اللى حيفك الفيتيس، وبعد الفك طبعا، فياريت تكون جاهز لأى مبلغ يطلب منك، حتى لاتفاجئ بمبلغ أكبر.
أما موضوع الاسكانيا، فكان العضو ذكرها على سبيل الدعابة (الأسكانيا سيارة نقل تقيل)

رد: مشكلة في فتيس الأرجنتا الاتوماتيك برجاء المساعدة

اه كلنا نقصد ان 1250 جنيه على فك فتيس وتغيير اويل سيل كتير اوى
بس بتاع الفتيس اللى ف أحمد سعيد ده فاكر نفسه باشا ومفيش زيه فى العالم
حاول تشوف واحد تانى كويس ده الموتور كامل بالفتيس فى بورسعيد ب 1800 جنيه
والأوتوماتيك ب 2800 صباح الفل اه الإستغلال ده

رد: مشكلة في فتيس الأرجنتا الاتوماتيك برجاء المساعدة

جزاكم الله خيرا جميع على الرد
إن شاء الله أنا بسأل واعرف وأقولكم على الأخبار
بارك الله فيكم