مصر موتورز مجتمع السيارات - ادعولي وباركولي

اقتباس:

المشاركة الأصلية كتبت بواسطة adham_cs (المشاركة 705005)

السلام عليكم ورحمة الله وبركاته
أنا روحت النهاردة لمعرض سلطان عندنا في الاسماعيلية
وبعد ما قريت كل الموضوعات بتاعت اللوجان اللي تفضلتم بيها
قررت اني اختار اللوجان على بركة الله
أنا كان معايا بيجو 206 موديل 2004
وبعد ما ركبت اللوجان في المعرض فعلا حسيت إني راكب عربية اوروبي نفس القاعدة المريحة الملوكي، نفس الإحساس، ده حتى المالتي فانكشن وازرار الزجاج زي البيجو بالضبط
العدادات جميلة ومريحة للنظر
الشنطة واسعة بجد مش واسعة بس
الكنبة الخلفية وااااااسعة، واسألوني أنا لأن البيجو كانت قارفاني في موضوع الكنبة ده
على فكرة أنا دورت العربية علشان اسمع صوت الموتور، لأن كله كان بيقول إن صوته عالي، بس أنا محستش بكده خالص لأن فعلا برضو البيجو أول ما جبتها كنت بغلط وادورها مرتين من نعومة صوت الموتور
إن شاء الله المفروض الأسبوع الجاي استلمها، بس كانت عاوز نصايحكم أعمل إيه أول ما استلمها، وإيه اللي أخد بالي منه وانا بستلم
وهاخد مع السيارة
ملحوظة أخيرة، العربية جاي معاها مفتاحين واحد بريموت والتاني من غير ريموت، إنما بصراحة شكلهم مش عاطفي، ده حتى مش مكتوب عليهم رينو ولا عليهم الشعار بتاع الشركة، البيجو كان المفتاح ريموت وكان عليه حتة أسد أسد أصلي يعني، ب برضو مش مهم أنا عندي الكتر بلوتر في المكتب وهعمل شعار رينو على قد المفتاح وهصوره وارفعلكم الصورة يمكن حد يحب يعملها
ادعولي ربنا يوفقني

مبارك ان شاء الله ياباشا وهي سيارات جميله وبتاعت الشغل الشاق والتوكيل بتاعها جيد ان شاء الله
انت هاتستلم وهاتلاقي فيها الكوريك ورا ومفتاح العجل والاستبن وبغطيان العجل (الطاسات) وبس كده
واول ما طروح صيانة ال5000 ان شاء الله في التوكيل قولهم ان فيه حرارة بتجيلك من الدواسه هايركبولك حته عازل تحت جمب دواسة البنزين... هايشيل حرارة مواسير السخن اللي بتسخن الرجل ... وليك في صيانة الخمسة الاف طقم دواسات اصلي تحفه عليه اسم العربية... وربنا يبارك ان شاء الله
ملحوظه: صيانة الخمسة الاف مجانيه وهي مجرد فحص عام والدواسات مجانيه ... والعازل للحرارة مجانا برضه... وكده تبقى فل... تحياتي