مصر موتورز مجتمع السيارات - احذروا التامين عند كوتكت كار

مصر موتورز مجتمع السيارات (https://www.masrmotors.com/vb/index.php)

- عالم تأمين السيارات (https://www.masrmotors.com/vb/forumdisplay.php?f=61)

- - احذروا التامين عند كوتكت كار (https://www.masrmotors.com/vb/showthread.php?t=88843)

رد: احذروا التامين عند كوتكت كار

اقتباس:

المشاركة الأصلية كتبت بواسطة overclockman (المشاركة 688201)

بسم الله الرحمن الرحيم

السلام عليكم ورحمة الله وبركاته

ياجماعة انى واقع فى مشكلة مع شركة كونتكت للتامين وبالنسبة لى المشكلة مش مشكلة فلوس

نزلت يوم الصبح لاقيت الزجاج الامامى (البربريز )مضروب مفك والزجاج مكسور

المهم كلمت كونتكت قولتلهم على اللى حصل

ردو عليا قالولى ابعته المكان اللى هو التوكيل واحنا حنبعت نعاين طبعا قعدت فى التوكيل من 9 صباحا الى 1 ظهرا فى انتظار المهندس اللى بيعاين وفى الاخر مشيت

وجاه بعد مامشيت المهم عاين وقال الزجاج حتيغير بس السنسور اللى فى الزجاج مش حينفع نغيره قولتله ليه طيب قالى علشان الخبطة بعيدة عنه

المهم كلمت هندس التوكيل قالى السنسور لازم يتغير لانه لما بيتنقل من زجاج الى زجاج ياما بيقطع او مبيشتغلش وهو سنسور للمطر تمام لحد كده

الغريب فى الامر ان كل السيارات من نوع سيارتى اللى بتدخل فى التوكيل تبع كونتكت بيتغيرلها

الاتنين من كلام مهندس البافارية وتبع التامين

المهم رحت للفرع الموجود فى سموحة بكلم المسئول هناك قالى لا كلم الادارة المهم بعد شد وجذب كلم نائب المدير وهى ست للعلم

المهم بعد الكلام معها قالتلى كلم مهندس التوكيل يكتبلك الاتنين بند واحد واحنا ندفع مفيش مشكلة
طبعا قولت الكلام ده للمهندس قالى ده تزوير واحنا شركة محترمة ومالناش فى الكلام ده
لان كل قطعة بتتغير لها سيريل نمبر خاص بها

المهم كلمتها تانى قالتلى
لا مفيش مشكلة خالص والاتنين حتغيروا واحنا اسفين

فوجئت بهم بيكلمونى بيقولى الزجاج بس هو اللى حيتغير والسنسور لا

فطبعا اتنرفزت بعد ماقالوه حيتغير رجعو فى كلامهم بعد مذنبونى اسبوع

وللعلم انا بدفع 8000جنيه تامين واضطريت انى اغير السنسور على حسابى
والزجاج على حسابهم والسنة الاولى دافع 10000 جنيه ولم استفد بهم لانى مكنش فى مشاكل فى السيارة

الخلاصة من الموضوع

ان عروض البطاقة البرتقالى والزرقاء مجرد ضحك على الناس
ولا فى شى اسمه سيارة بديلة ولا قطر ولا اى حاجة من العرض اللى هما كتبنه بجانب معاملة فى منتهى قلة الذوق فى التليفون بعد ميكلمك ساعة يقولك كلم الادارة

يجانب ان فى التوكيل لما بيعرفوا انك تبع كونتكت مش عارف بحس معاملتهم بتتغير على عكس لما بروح اعمل صيانة بمفردى

انا عامل الموضوع ده لوجه الله لانى قيمة التامين لدى كبيرة جدا وبيتهربوا من الاصلاح فما بالكم اذا كانت قيمة التامين اقل من ذلك

واسف على الاطالة

استاذي العزيز مع كل احترامي ليك احب اوضح حاجه صغيره قوي ان كونتكت دي شركه تقسيط مش شركه تامين و هي متعاقده مع احدي شركات التامين و حاطه بعض المزايا عليها و تامين كنتك حلو قوي اول سنه لكن من السنه الثانيه بتبداء الامتيازات تقل كتير جدا و كثير من العملاء اشتكت من التامين طرف شركه كونتكت
و عرفت ان من طريقه كلامك و توكيل البافاريه فسياره سعاتك بي ام دبليو و انصح حضرتك عند تجديد التامين الخاص بك لاتخرج من احدي الشركتين و هما تشارتس و هي شركه امريكيه او اليانز و هي شركه المانيه
عموما انا من الاسكندريه و فيخدمه سعاتك في اي استفسار تحتاجه في اي وقت

رد: احذروا التامين عند كوتكت كار

اقتباس:

المشاركة الأصلية كتبت بواسطة ابو هيما (المشاركة 688644)

يا باشا جزاك الله خيراً على الموضوع والأفادة وربنا يجعله يارب فى ميزان حسناتك , وعلى فكرة انا عن نفسى من أشد الكارهين والمعارضين لموضوع التامين على السيارة وذلك بعد تجربة مريرة استمرت لمدة عامين مع الجمعية المصرية للتامين التعاونى . وأقسم بالله أن العربية اللى جبتها بعد كده ولأ كنت مأمن عليها ولأ حاجة وكنت بسافر بيها كل يوم تقريباً مسافات لا تقل عن 140 كيلووبسرعات 150 و160 كيلو فى الساعة ده بقى غير الأنتقالأت الكتير بالسيارة بين المحافظات وكان ربنا ولله الحمد مباركللى فيها أوى أكتر من اللى كان متأمن عليها . والله العظيم الناس دي بتضحك علينا , ساعة ما تروح توقع عقد معاهم تلأقى الوشوش كلها بتضحك ومبتسمة ولو انت فين يجولك جرى , أما بقى لما تيجى يا حلو تقع فمش هتلأقى حد يسمى عليك , وكمان هتلأقى المعاملة اتغيرت والوشوش اللى كانت بتضحك لك هى نفسها اللى بقت تهرب منك وتفضل عمال تجرى من ده لده . طب يبقى أيه لزمته بقى , طالما جرى بجرى .
يبقى لو لأقدر الله العربية عاملت حادثة أو حصلها حاجة اروح أعملها بنفسى وفى ملأيين الورش وباسعار مختلفة , ولو لأقدر الله لأسوء الظروف العربية أتكهنت ومعادتش تنفع فبردوا هتلأقى ألوف متخصصة وبأسعار مختلفة فى شراء سيارات الحوادث . عشان كده انا بقول القرش اللى بتصرفه ومبتسافدش بيه أنت وبيتك أولى بيه . ده بقى غير ما قيل من قبل المتخصصين فى الدين بحرمانية التأمين أصلأً لأن لأينفع أنك تأمن نفسك من قدر الله .
ربنا يصلح لك الحال ويصلح حالنا جميعاً , وسامحنى على الأطالة .
أرجو ان تتقبل تحياتى وأدعو الله لك بالتوفيق أن شاء الله فى الأمور كلها

استاذ ابو هيما
موضوع شركه الجمعية المصرية للتامين التعاونى مشمعاك انت لوحدك دي كانت مع الكثيرو الكثيرمن العملاء و نحن كوكلاء لشركات التامين كنا بنعاني كثييييييييير جدا بسبب قله سعر التامين و قله الاقساط و قصاد ذلك قله و ضعف التعويضات و تكاد تكون منعدمه بشئ يقرف جدا و مش معني كده ان جميع شركات التامين تسلك نفس النهج بتاع شركه الجمعية المصرية للتامين التعاونى - يوجد العديد من الشركات المحترمه جدا في السوق المصر مثل مصر للتامين و قناه السويس و تشارتس و اميج
و مع كل احترامي لسعاتك معني ان حضرتك قمت بتامين سيارتك في هذه الشركه يبقي مالهاش حل غير اتنين
اولا لو كانت سياره حضرتك كاش فابلتالي قمت باختيار هذه الشركه لقله القسط التامين لانها كانت اقل شركه موجوده في مصر و مع احترامي الشديد اليك - لاتلوم غير نفسك
وثانيا لو كانت سيارتك تقسيط فابلتالي معرض السيارات هو الذي قام باصدار وثيقه التامين لسعاتك بدون اعطائك اي اختيارات لشركات اخري و السبب في ذلك العموله الكبيره التي كانت تعطيها هذه الشركه في ذلك الوقت و لا تهمها مصلحه العميل و الاهميه القصوي هيكيف تكسب من العميل اكبر قدر ممكن .
اتمني من حضرتك التاني و توخي الحذر عند احتياجك للتامين مره اخري .
و حاول الابتعاد عن هذه الشركات وثاق و اسكان و المصريه للتامين التكافلي
و نحن هنا في المنتدي كفريق عمل خاص بالتامين تحت امر حضرتك في اي استفسار او سؤال عن اي شركه تريد التعرف عنها و عن امتيازاتها و عن ظروف التعويض بها

رد: احذروا التامين عند كوتكت كار

اقتباس:

المشاركة الأصلية كتبت بواسطة mishoalex (المشاركة 688998)

أشكر حضرتك على تعليقك ولكن أحب أن أوضح حاجة أن التامين ماكنش بأختيارى لأنى كنت شارى قسط وأه من القسط ووجع دماغ القسط فعلأً أرهاب للنفس بعد أمنها كما قال رسول الله صلى الله عليه وسلم .
طب أنا هاقول لحضرتك على حاجة , انا بالصدفة كنت قاعد مع واحد صحبى وقعد يكلمنى عن التامين على الحياة ومزاياه وحاجات كتير أوى , المهم أعطانى رقم المندوب اللى وقع معاه واللى بالتالى أنا كلمته وجانى لحد عندى فى البيت وخد بالك أول شىء سألته عليه (هل من الممكن أنى أسترد قيمة الأقساط اللى دفعتها لو حصل أى ظروف فى أى وقت ولأ لأزم مضيى مدة معينة وبعدبن أستردها؟!! ), قالى لأ أنت ممكن فى أى وقت تأخد فلوسك ولكن فى الثلأث سنوات الأولى لو أسترديت الأقساط فهنخصم منك 6 % .
وحدث ماكنت أخشى , فبعد حادث تعرضت له , أتصلت به عشان أسترد أقساطى اللى دفعتها قعد يقول لى لأ ويتهرب منى ويقفل التليفون فى وشى , ومعرفتش أخد حقى غير بعد مارحت عاملت لهم فضيحة ولدرجة كان عاوزين يتصلوا لى بالجيش , بصراحة أنا قلت يا قاتل يامقتول وربنا كرم وخدت فلوسى بعد ما تأكدوا أن مندوبهم هو اللى وعد بكده , بس هما تعبونى كتير ..............!!!!!!
وعلى فكرة الشركة اللى أنا بتكلم عنها التانية دى ليها بردوا وزنها فى عالم التامين وهى شــــــركة دلـتــــــــــــا.
والله ومعلش مع أحترامى لكل السادة مناديب شركات التأمين وللجميع , والله والله ما بقيت أصدق حد خالص وكرهت كل شركات التأمين وحلفت أنى عمرى ما أأمن على أى حاجة أبداااااااااااااااااااااا ااااااااااااااااااااااااا اااااااااااااً
أرجو أن ماحدش يزعل منى وكل واحد له وجهة نظره .

رد: احذروا التامين عند كوتكت كار

وكيل التامين يجب ان يكون صادق مع العميل من اول يوم في موضوع الاقساط و التعويضات و خدمات الشركه و في موضوع تامين الحياه يجب علي وكيل التامين ان يخبرك متي تستطيع استرداد المبلغ بتاعك يعني علي ثبيل المثال لو حبيت انك ماتكملش فيدفع الاقساط بعد السنه الاولي او التانيه مش حاتسترد اي شئ دفعته لكن من السنه الثالثه او الرابعه تستطيع استرداد جميع الاقساط الخاصه بك لان في هذا الوقت حايكون الاقساط التي تم دفعها = حجم الاستثمار الخاصه بالمده المنقضيه
لكن قبل هذه المده حايكون المدفوع اقل من الاستثمار وهذا سبب انك لا تستطيع استرداد اي مبلغ قمت بدفعه
و بعدهذه المده حايكون الاستثمار اكثر من المدفوع و في هذه الحاله تسطيع استرداد المبلغ الذي قمت بدفعه ومعاه جزء من الاستثمار عن الفتره المنقضيه

رد: احذروا التامين عند كوتكت كار

اقتباس:

المشاركة الأصلية كتبت بواسطة overclockman (المشاركة 688201)

جزاك الله خير على النصيحة. فعلا كذا حد يقولي ان كلامهم كلام على ورق. ربنا يعوض عليك.