|
رد: سؤال للساده الأعضاء
اقتباس:
التاكيهات بتظبط وقت الحاجه فقط دون التقيد بوقت معين طالما المحرك يعمل بشكل طبيعى ---------------------------- لكن بعد العمره أو عمل شغل فى وش السلندر لابد طبعا من ضبط خلوص التاكيهات وحسب توصيات كتالوج صانع محرك السياره --------------------------- الكتالوج إداك خلوصات للضبط على البارد فقط يبقى يتعمل ضبط على البارد فقط -------------------------------------- الكتالوج إداك خلوصات للضبط على البارد والساخن يبقى يتعمل الضبط فى الحالتين |
رد: سؤال للساده الأعضاء
شكرا لحضرتك يا أ/ سمير بس أنا معنديش الكتالوج نوع السيارة فيات ريجاتا 1985 - 1600 سى. سى بتظبط سخن ولا بارد ولا الأثنين وشكرا لرد حضرتك عليا وكل الأعضاء المحترمين مشكورين جدا لذوق حضراتكم وسرعه الرد. أخوكم محمد |
رد: سؤال للساده الأعضاء
هى دى المشكله إللى بتقابلنا مع الأخوه الأعضاء
وهى فقدان المعلومه العلميه بسبب عدم تواجد كتالوج فنى للسياره وهنا مبيبقاش فيه وسيله للتغلب على هذه المشكله إلا بسؤال توكيل مثلا أو الذهاب لميكانيكى يشتغل بأه بطريقه إرتجالى ( أى إحتمال الصواب والخطأ ) ------------------------- وطبعا هتجرب الضبط على البارد فى البدايه وتقريبا بيكونوا عندهم بعض الخبرات المتداوله للضبط بشكل تقريبى |
رد: سؤال للساده الأعضاء
شكرا لأهتمام حضرتك بالموضوع هل ادور فى المكتبات عن الكتالوج ولا أروح التوكيل بتاع فيات واسال عليه ولا اسال عليه عند تجار قطع غيار السيارات الفيات ولا اية وشكرا لسعه صدرك يا أ/سمير. أخوك محمد |
رد: سؤال للساده الأعضاء
مفيش شك
سؤال التوكيل فى الأحوال دى أفضل شىء على الأقل بتتوافر عنده المعلومه ولو مش موجوده هيجيبهالك من صانع المحرك عبر الأنترنت |
| الساعة الآن 07:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017