|
رد: تغير زيت الماتور
يا باش مهندس سمير هو الزيت مفروض مش ينقص خالص ولا يتزود ولا بيتزود أحيانا؟
هو القياس للزيت بعد ما الماتور يسخن شوية أم قبل التدوير؟ هل الزيت من الأفضل يوصل لحد F أنا عندى بتاع نص لتر فاضل وأعتقد مش هستخدمة فى حاجة فأحسن مثلا أرفع المنسوب لحد F. انا لسة مش شفت الراجل وصل المنسوب لحد فين. أمته اقول أن الزيت فيسكو دة بخرة عالى. يعنى لما ينقص قد أيه فى زمن قد ايه أقدر أقول ان الزيت دة وحش وبخرة كثير؟ |
رد: تغير زيت الماتور
اقتباس:
المفروض ميقلش نهائيا بين الغيار والغيار اقتباس:
تسخن وتبطل وتنتظر حوالى 10 دقايق ...ثم تأخد المقاس لكن الصراحه أنا مبعملش كده بأخلى قياسى للزيت قبل الدواره بشرط أكون على الF بقدر الإمكان اقتباس:
فمثلا لو حبيت تطلع مشوار طويل وتحرق شويه على المكنه طبعا هتقيس قبل ماتسافر وفى نهاية المشوار لو لقيت المقاس قل بعد برودة المكنه والجراج قبل مشوار العوده تعرف على طول أن بخر الزيت ده معدله يقلق وتغير النوع ده على طول ----------------- أنا حصل معايا القصه دى مع فيسكو 2000 كنت مسافر ومظبط المقاس عادى على الF وبعد 200 كم كنت وصلت نهاية مشوار الذهاب جرشت ونمت وقمت تانى يوم بأقيس الزيت لقيته ناوى على هجرة منطقة الF فى طريقه لمنطقة الحد الأدنى للقياس بصيت على كل الأماكن بالمكنه لقيت كله تمام روحت راجع على سرعه بطيئه بدون التحميل على المكنه وجرشت ...وتانى يوم بقيس لقيته زى ماهو على وضع القياس قبل العوده ------------------------ عرفت على طول إن الزيت ده معدل بخره كبير وخصوصا مع التحميل على المكنه وبالتالى عزفت عن كل زيوت فيسكو وتحولت للتعاون SL حاجه محترمه ومهما تحرق على المكنه ولا يقل مللى واحد على المقاس |
رد: تغير زيت الماتور
مين اللى قالك بس تحط فيسكو ده
مش انت موتورك بنزين انا مش عاوز أقول كلمة ، بس اللى قاللك تحط زيت فيسكو فى عربيتك ده الله يسامحه ويديله على اد نيته:thnkr: |
رد: تغير زيت الماتور
اقتباس:
زيوت مخصصه لمحركات البنزين زى فيسكو 2000 & 3000 & 5000 وزيوت مخصصه للمحركات التى تعمل بالغاز الطبيعى NGV |
رد: تغير زيت الماتور
الحقيقة أنا عندى أعتقاد أن الزيوت شكل بعض ولكن الفرق فى التصنيع والنوع. الفيسكو لقيت سعرة حلو وفى ناس شكرت فيه قلت أجربة وخاصة أنى من النوع اللى بمشى على الهادى جدا ( سرعة لا تتجاوز 50 فى اشد الأحوال) وبخرج بالعربية كل كام يوم مرة علشان اسخن الماتور والبطارية مش تنا، وبنقل الغيار على معدل أقل من 3500 لفة. ومعظم الوقت القيادة بتكون على الغيار الثانى. والثالث بيكون نادرا وعمرى ما جربت الرابع أو الخامس. الشوارع عندنا مطبات وقصيرة وزحمة يعنى مفيش جرى خالص.
على العموم هجرب الزيت وأقول لكم عامل ايه |
| الساعة الآن 02:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017