رد: انا محتار مش عارف اعمل اية..
 

رد: انا محتار مش عارف اعمل اية..
 

انا عارفها ال131 اللى مع المدرس هنا جارنا
عربية مشنشة وهتتعبك وهتصرف عليها اد تمنها
ومش هتعرف تبيعها بالسعر اللى انت عاوزة


انا عمرى ما سمعت عن مازدا 323 كسبت رالى ولا حتى شمت ريحته


مرة واحد شفته مسافر بال 323 ورجع من غيرها

مرة واحد ركب 323 روح بـ 212

تانى مرة ركب الـ 212 رجع ب 101


عفشتها اللى ورا حدث ولا حرج

مساعدين باب ، على سوستة قلم جاف
وعاملين عصايتين إستيك ماسكين بيهم العجل اللى ورا

ولما سألت الجهبز بتاع العفشة ينفع نعدل عفشة الـ 323 عشان تبقى عفشة عربية مش سرير مستشفى
قاللى ركبلها عفشة سرير مستشفى هتبقى أقوى ، بلا نيلة
علبة الدركسيون عاملة زى الأخطبوط وبتفسخ كاوتش البانو بدرى بدرى
وعلبة الـ 128 أحسن منها مع الأسف

انسى انك تلاقى مسمار فيها يابانى جديد
كله صينى أو تايوانى مضروب

راحت أيامها

لما سألت عن موتور قوى ليها ، اصلى كنت فاكر انى فى يوم من الأيام هقدر أسقطلها نص أكسيل موتور بالعفشة والتكييف والتبلوه إتضح انى موهوم وهم كبير
ومع الأسف اتدبست وإشتريتها لواحد صاحبى ، وطلعت م***** نا والواد دلوقتى بيدعى عليا طبعا ، وحسبى الله ونعم الوكيل ، انا ماكنتش أقصد إلا الخير بس العربية خنقت أهله وياعالم هيبيعها ولا هيعمل اه

الـ131 بقى حدث ولا حرج ، بكرة بإذن الله هحكيلكوا معاناتى معاها ، منظررررررر
بس ماتتقارنش مع المازدا بأى حال من الأحوال بأى حال من الأحوال بأى حال من الأحوال بأى حال من الأحوال بأى حال من الأحوال بأى حال من الأحوال بأى حال من الأحوال

أشوفكم بكرة بإذن الله لأنى Failure Error 404

رد: انا محتار مش عارف اعمل اية..
 

شكرا لكل الى ادى اهتمام للموضوع ورد عليا ..

بس الى انا استنتجتة من الردود ان ال 131 احسن من المازدا فى حجات والمازدا احسن فى حاجات تانية..

بس الاستاذ Hisham.Elgazzar
شكلة خبير فى ال131 وبيشكر فيها جدا

بس هوا 20 الف على ال131 كتير ولا هوا دة عادى بالنسبالها..
انا ممكن اجيبلك صور ليها ..

رد: انا محتار مش عارف اعمل اية..
 

ايا كان السيارة اللى هتختارها لابد من الرفع والفحص الشامل حتى لو هى قدامك مفيهاش غلطة حتى لو سيارة اخوك واحد صحبى لسه جايبها وب17 الف من معرفة جدا وخدها على شكلها ومفحصش
صارف لحد الوقتى 9تلاف عليها طبعا فير اللى دفعه
وربنا يوفقك انشالله

رد: انا محتار مش عارف اعمل اية..
 

لا شكر على واجب

عشان خاطر سيدنا النبى محمد عليه الصلاة والسلام ، بلاش تقارن المازدا مع الـ131
ربنا يخليك شكرا على ثقتك الغالية ، والله كلنا بنتعلم

انا منتظر الصور
لكن 20 ألف فى 131 ممكن يكون كتير لو هيا عاوزة عفشة وموتور وصاجها فيه شغل
الموتور ب 3 ألاف جنيه
العفشة ماتشغلش بالك ممن تتلم بألف جنيه ورا وقدام
المشكلة فى الصاج والقوايم لو العربية ماتت يبقى خلاص ماينفعلهاش أى شغل
بس بأمانه تصور العربية تصوير دقيق
هات القوايم من عند باب السواق من تحت
تحت البرابريز الامامى والخلفى
صور عشوائية من تحت العربية تكون واضحة
حوض الموتور والشنطة صورهم
أنا متفائل من ناحية العربية دى لكن المدرسين مش بيهتموا خااااااالص بعربياتهم