|
رد: مشكله في اسكترا عربيه دبابه 2006 لسه مشتريها والميكانيكيه حيروني
اشكرك لتقديرك ليا
بص يا اخى 600.0000 كتير شوية لكن كدة فعلا العربية محتاجة تتغير فيها حاجات كتير شوية بس كتقلقش لما هتغيرها هترجع كويسة متقلقش من المسافة المقطوعة اوى بس انا عايز اعرف قوة الماتور او بمعنى كبس الماتور اد اية وتعملها فى اى بنزينة محترمة ثانيا مفيش حاجة اسمها حشو الاسكترا لكن فية حشو لعلبة الدريكسيون ولعلمك الحشو مش مفيدة فى الحالة دى هترجع تانى فى وقت قصير ويجب تغير العلبة لو محتاجة لا للحشو صدقنى او لو عايز تمشى الحال احشيها وبعدين غيرها مش هتاثر فى اى حاجة لكن بس هتبوظ تانى بعد فترة قصيرة واى استفسار قولة هنا واحنا كلنا اخوات واكيد هنرد عليك بالاصلح |
رد: مشكله في اسكترا عربيه دبابه 2006 لسه مشتريها والميكانيكيه حيروني
(بسم الله)
السلام عليكم ورحمة الله وبركاته استاذي الكريم mr_astra واخي العزيز memodina1 :fun_36_3_11[1]: تشريفك لي بالرد يا مستر mr_astra علي استفساري شرف كبير ليا انا قريت معظم مواضيعك وردودك واستفدت منها كتير بارك الله في مجهودك القيم المبذول مع الاعضاء واخي العزيزmemodina1 اثرتني بكرم اخلاقك ومتابعتك معايا اولا :-- mr_astra اانا اسف ان كنت معرفتش اسئل واستفسر بالطريق الصحيحه معلش جديد في السواقه وفي كتابة المشاركات والاستفسارات في المنتدي كمان يعني العمليه اخر لخبطهnonononoبس شويه شويه هتظبط وابقي ذي الفل ان شاء الله :Bravo: علي فكرة انا فهمت من كلام الميكانيكي ان العربيه ممكن تكون عامله عمرة موتور او نص عمرة من فترة قريبه لان حاله الموتور كويسه جدا وصوته واطي وناعم بصورة معقوله واكتر من واحد ساقها شهد بان حاله الموتور تقريبا 70 او 80% واكتر من ميكانيكي شافها قال نفس الكلام وكمان حاله الفتيس كويسه لانه محكم جدا وكانها مغيره فتيس وياكد ده كلام حضرتك و حاله الموتور والفتيس كويسه بطريقه مش متناسبه مع المسافه اللي العربيه مشيتها كمان العربيه مش راشه دواخل ولا خوارج ببويه المصنع ما عدا شويه تجريح وخبطات عاديه في الرفرفين طبيعة شوارعنا المصريه المعروفه والراجل ردها علي البارد ومرشش خارجي عشان يأكد حاله العربيه وميخوفش حد منها والشاسيه بالكشف المتأني عليه حالته سليمه مفيش استعدالات فيه او لحام انا مستغرب جدا من العربيه دي ومحتار فيها و يعتبر عيبها الحالي بس مشاكل العفشه الي ظهرت فيها وربنا يستر وميظهرش فيها اي مشاكل تانيه قريب بصراحة انا لسة منقلتش ملكيه والراجل بيخلص في الورق وبيصلح غلطه في رقم واحد في الرخصه ( عرضت الاستفسار عنه في قسم المرور والشهر العقاري ) انا هتجنن كلامك يا mr_astra كلام منطقي مش عارف اتصرف اعمل ايه ارجعها بس الشرط الجزائي 5000 جنيه ولا اكمل واستعوض ربنا واظبط الاسكترا والبيضات اللي اتكلمت عنهم في مشاركتي فوق واخي memodina1 كلامك طمني وشكرا علي التوضيح المفيد بس علي اساس قالي الميكانيكي هنعمل حشو اعتقد ان علية الدركسيون او الاسكترا مسمس واحد لنفس الشيئ او اني معرفتش اوصل المعلومه وان شاء اله هاعمل اختبار كبس الموتور ده وارد عليك لكن الحاله بالكشف والمعاينه البلدي ذي ما ذكرت 70%او 80% بس ده كلام ميكانيكيه مش جهاز واعتبر الجهاز هيكون ادق هاعمله وابلغك يمكن اقدر احدد موقفي واخد قرار لان بصراحه انا محتار ارجوك الرد والمساعده في اتخاذ القرا ر عي ضوء المعطيات المذكورة بعاليه لحين عمل اختبار الكبس لعلي استطيع ان اتخذ قرار |
رد: مشكله في اسكترا عربيه دبابه 2006 لسه مشتريها والميكانيكيه حيروني
بص يا باشا اعمل الكبس وهات ورقة وقلم وشوف القطع كلها اللى محتاجة تتغير بكام والنظيفة كمان والمصنعية كام احسب الحسبة دى تقديريا وعلى اساسها هقولك لو مكانك هعمل اية بس لازم تحسب الحسبة دى الاول
|
رد: مشكله في اسكترا عربيه دبابه 2006 لسه مشتريها والميكانيكيه حيروني
اقتباس:
انا مش مصدق نفسي من سرعة الرد ربنا يكرمك بكرة بأذن الله هاشوف بنزينه عندهها الجاهز ده وهرد عليك واحسب الحسبة كمان شاكرين ردك يا باشا تسلملي :fun_36_3_11[1]::fun_36_3_11[1]::fun_36_3_11[1]: انا لاقيت صورة شبه الي عندي في العربيه بالظبط توضح االعيب الموجود عندي في وصلة الدركسيون اهتقرب الفكرة ليك خالص) http://i43.tinypic.com/nyfn2b.jpg الوصله الاولي هي اللي ملويه اللي نازله من الدكسيون علي طول |
رد: مشكله في اسكترا عربيه دبابه 2006 لسه مشتريها والميكانيكيه حيروني
السلام عليكم ورحمة الله وبركاته
اخي الكريمmemodina1 انا فضلت ادور طول النهار :fun_36_1_47[1]: علي بنزينه محترمة اعمل فيها قياس الكبس بتاع الموتور لكن للاسف ملقتش :k_crying77[1]: النوعيات ده من البنزينات مش موجود عندنا انا نسيت اقلك انا من الصعيد وكويس انا موجود عندنا كهرباء اصلا ودخول النت ده في حد ذاته معجزة بنسجد لله شكرا عليها كان نفسي اعمل اختبار العزم ده بس انا متاكد انك هتعلاف تفيدني باي حال من الاحوال بالنسبة للاسعار لقطع الغيار المطلوبه - الاسكترا بايظة ولازم تتغير تكلف 1200 جنيه وفي ميكانيكي قلي تمنها 950 وتقريبا الاولاني يقصد السعر شامل المصنعيه واالله اعلم - البضات لازم تتغير اربع بيضات تمنهم اصلي 750 جنيه وتايلنيدي 550 - وصله الدركسيون جديده تمنها 250 ولك مني جزيل لاالشكر والتقدير مقدما |
| الساعة الآن 01:00 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017