رد: اكسنت و لا سيينا
 

نصيحة من اخ الاكسنت ليه؟؟
قطع غيار رخيصة جدا جدا جدا ارخص حتى من اللانوس والفيرنا
اقتصادية فى البنزين جدا جدا اوفر من لانوس وفيرنا
صيانتها سهلة جدا يعنى لدرجة لو قابلتك مشكلة صعبة سنة فى الماكينة مثلا ممكن تغيرها بثمن عمرة موتور لانوس او فيرنا
السيينا صيانتها صعبة فعلا زى ما انت تكرمت وقولت

رد: اكسنت و لا سيينا
 

هات لانوس وان من 99 الى 2000
عربيه جديده وتقبل الترويش من جنوط وكل حاجه
لكن السينا عجوزه جدااا وشكلها من ورا مش عاطفى
والاكسنت حلوه برضه لكن اللانوس تكسب :286:

رد: اكسنت و لا سيينا
 

رد: اكسنت و لا سيينا
 

اللانوس افضل من الاتنين لكن لو لازم واحدة منهم يبقى الاكسنت بالتاكيد و انا معايا اكسنت 99 هى موفرة فعلا فى البنزين و منتشرة جدا و قطع غيارها متوفرة جدا و رخيصة و تلاقى منها الاصل و الصينى و الكورى التقليد و حاجات كتير و صيانتها سهلة و كل الميكانيكيا حافظينها و اعادة بيعها سهلة اما عيبها فى رايى انها واطية و ثباتها فوق ال 140 مش حلو

السيينا انتشارها ضعيف اوى و صيانتها رخمة و اسمع انها بتسخن و قطع غيارها مش منتشرة بالمقارنة بالاكسنت و كمان اعادة بيعها ضعيفة

انا مثلا هابيع عربيتى فى خلال اليومين القادمين ان شاء الله مع عدم رغبتى فى البيع لانها فعلا عربية اعتمادية جدا لكن المدام مش عارفة تسوق المانويل فهاتكمل على تمنها و نجيب حاجة اتوماتيك
حاول تجيب اللانوس هى افضل من الاتنين

رد: اكسنت و لا سيينا
 

نصيحة بالمبلغ ده هات لانوس افضل