المشاركة الأصلية كتبت بواسطة AMMI (المشاركة 669573)

المفروض العربيه موديل تسعينات على ما اعتقد وبالتالى سهل ان يجى فيها بارومه.
بس المفروض السمكرى ميفورش الاربع رفارف ويشتغل وهما راكبين وبعد كده يدهن بيتومين لو السمكرى عمل كده مش هياخد وقت ولا شغل كتير ومش هتضطر تروح للبوهيجى
انما لو هيفك اربع رفارف ويلحم صاج جديد فوق الاماكن اللى فيها بارومه وبعدين يركب الرفارف تانى او الله اعلم هيحتاج رفارف تانى يبقى ساعتها هتروح للبوهيجى
بس انا مع الخيار الاول خليه يلم الموضوع وهوه ده اللى المفروض يتعمل
لو مش كده شوف سمكرى تانى
ولا تقلق معظم السيارات بها بارومه والشغل اللى هيتعمل ده مش هيخلى العربيه رشه جوه ان شاء الله
وممكن برضه صاحب العربيه علشان منظلموش ميكونش عارف ان فيها بارومه وهوه يقصد انها سليمه من حيث القوايم وانها مش رشه دواخل
وبالتوفيق اخى الكريم

المشاركة الأصلية كتبت بواسطة Vanditta (المشاركة 669813)

ياباشا ربنا يباركلك على الاهتمام والرد اولا
ثانيا انافعلا غيرت السمكرى وروحت لواحد معرفة وطمنى الحمد لله ان الموضوع بسيط ولسة فى اولة الحمد لله وهو مش هيفور الاربع رفارف هيفور رفرفين بس وبالمرة هيسمكرهم لان فيهم شغل بسيط
وقالى الحتة اللى فيها بارومة هاتتقطع ونلحم مكانها ونديها بيتومين وهيجيب معجون وتمن كيلو بوية نفس اللون ويمعجن مكان ما اشتغل ويرش ويركب الكارترتين على نضيف (اصلة سمكرى واخوة بتاع دوكو فاتح جنبة )
والقصة دى هاتتكلف 400 جنية
عندى استفسارين بعد اذن حضرتك
1- التكلفة كدة كويسة (متضمنة البيتومين والمعجون والبوية ومصنعيتة بفك الفرش وتركيبة )
2-اخلية يمعجن ويرش مكان الشغل ولا بالطريقة دى هايبقى اسمها راشة جوة والافضل اسيب مكان الشغل كدة باين انة كان بارومة مش حادثة

المشاركة الأصلية كتبت بواسطة mazen mazen (المشاركة 669578)

يا جماعه لو فى جزء بارومه فوق الرفرف واتلحم صاج مكانه ولم يرش من جوه ولا حتى معجون (لبيان حجم الشغل امام المشترى فى المستقبل وحتى لا ترش جوه)
هل فى خطر ان البارومه ترجع تانى

المشاركة الأصلية كتبت بواسطة Vanditta (المشاركة 670803)

+11111
هل فعلا الافضل اسيب مكان الشغل بدون معجون ولا بوية لبيان امام الشارى مستقبليا ان الشغل كان لزوم برومة فقط مش حادث ولا خبطة
ولا ممكن بالشكل دة تييجى برومة تانى والافضل انى امعجن وارش بعد البيتومين