رد: عاوز اجنط العربيه من غير مشاكل (نصايحكم بقي)
 

استاذ هشام
معلش سؤال تاني
هو اي جنط سبور هركبو لازم يعني رينجات مفيش اي جنط سبور يركب من غير رينجات وهل بيأثرو علي التكييف وشكرا

رد: عاوز اجنط العربيه من غير مشاكل (نصايحكم بقي)
 

وهل بيأثرو علي الترصيص وليس التكييف (شوفت بقي التكييف واكل دماغي ازاي) :shyy:

رد: عاوز اجنط العربيه من غير مشاكل (نصايحكم بقي)
 

جنوط الفيات الأصلية بتركب على السرر من غير تعديل
وهقولك كمان على سر بس ماتقولش لحد
انا كان عندى أربعه جنوط فاككهم من عربية أخويا البولو إدتهم هديه لواحد صاحبى معاه 125 زى عربياتنا فى أبعاد السرر
ظبطناهم يباشا وراكبين عنده من غير أى مشاكل الحمد لله
يبقى يا جنوط الفيات الأصلى يا جنوط الجولف الأصلى
شوفت بقى الفيات وجماله :fun_Whispering:
اه فعلا التكييف فى العربية ماشاء الله دنيا تانية
ربنا يوعدنا يارب
أى جنط فى الدنيا لازم ترصيص ودى حاجة انا متأكد منها :fun_Whispering:

رد: عاوز اجنط العربيه من غير مشاكل (نصايحكم بقي)
 

الرينجات الفيبر اللى بتركب مع الجنوط بتبقى محسوبة ولازم تتأكد ان حالتها كويسة
عشان متحملش على المسامير والجوايط
إنما مش بتأثر على الترصيص

رد: عاوز اجنط العربيه من غير مشاكل (نصايحكم بقي)
 

استاذ هشام انا عارف ان اي جنط مهما كان محتاج ترصيص بس انا اقصد هل الرينجات بتأثر في الجري بتخلي العربيه مبرجله يعني
كمان في واحد قالي انزل الوكاله اجيب جنوط فيات مقاس 14 لموديلات حديثه هيركبو علطول من غير تعديل ورينجات وبتكون اشكالهم حلوه برده
يعني رأي حضرتك اجيب جنوط فيات استيراد لموديلات حديثه او جنوط جولف 14 صح
هو حضرتك مش مركب تكييف