المشاركة الأصلية كتبت بواسطة as_dmx2000 (المشاركة 660814)

والله ياجماعة انا رحت لواحد معرفة وبصراحة كشف كويس على الزيت اللى بيترشح وكمان بص على البوجيهات اللى جايبة زيت
وقاللى فعلا ان جوان الكارتيرة عاوز يتغير وعلى فكرة انا قرطت قبل كدا على الكارتيرة ولكن مش نافعة اما بالنسبة للاويل سيل فهو اكدلى كمان ان الاويل سيل عاوز يتغير الخلفى وكمان الامامى

اما بالنسبة للتعريق اللى على البوجيه فهو قاللى انى مقدرش احكم على العربية دلوقتى لان التعريق خفيف على بوجيهين فقط وقاللى انت روح الاول اظبط التاكيهات لان ممكن تكون التاكيهات محملة وبالتالى ممكن تكون هى اللى عاملة المشكلة دى وبعد كدا نشوف

ايه رأيكم فى الكلام دا ؟؟؟؟؟؟

المشاركة الأصلية كتبت بواسطة Hisham.Elgazzar (المشاركة 662216)

هو لو العربية كانت مركونة فترة كده كده بيبقى كاوتش الصباب بالسلامة وهو سبب تعريق الزيت بس مش مشكلة
انت هتتابع إستهلاك الزيت للعربية وانت اللى تحكم انك تفكها ولا لأ وعلى حسب ظروفك
إنما الحل اللى ممكن يبقى مسكن للموضوع ده انك تجيب زيت شنبر مع غيار الزيت الجديد
والبوجيهات اللى بتعرق دى تغيرها ببوجيهات سن قصير ومش هتلاحظ أى فرق فى الأداء وده عن تجربة وإن شاء الله هتدعيلى
انا كان بيحصل معايا نفس اللى بيحصل عندك
وفعلا جوان كرتيرة الزيت لازم هيعرق تانى
انا ركبت جوان فلين أصلى بإيدى و انا اللى ربطته ومحكوم الحمدلله زى الفل
بس مع الأسف هما سفريتين و رجع تانى مرشح شوية
هيا مواتير الفيات كده
بس بينى وبينك الحمدلله على كل حال وخصوصا لما تسمع الجماعة إخواننا بتوع العربيات الكورى واليابانى لما بيشتكوا من عربياتهم ، اللى يشوف بلاوى الناس يقول الحمدلله

المشاركة الأصلية كتبت بواسطة as_dmx2000 (المشاركة 662277)

والله يافندم الف شكر على ردك فى الموضوع بس انا مكنش عندى ترشيح خالص لحد ما مرة سرحت وطلعت على الرصيف وبالتالى الكارتيرة بقت بترشح من ساعتها
اما بالنسبة للبوجيهات فكل اىللى يشوفها يقوللى طقم شنبر ومحدش يقوللى كاوتش صباب خالص مش عارف ليه
ثانيا بالنسبة لتغيير البوجيه بسن قصير هو عموما مش بيقطع معايا اصلا السن الطويل لكن كل الحكاية انى مش عاوز العربية فيها عيب فانا كنت عاوز اصلح العيب دا ومش عارف ايه هو العيب