مصر موتورز مجتمع السيارات - 3 سيارات جديدة من اسبرانزا في السوق المصري

مصر موتورز مجتمع السيارات (https://www.masrmotors.com/vb/index.php)

- شيرى إسبيرانزا CHERY SPERANZA (https://www.masrmotors.com/vb/forumdisplay.php?f=43)

- - 3 سيارات جديدة من اسبرانزا في السوق المصري (https://www.masrmotors.com/vb/showthread.php?t=8518)

رد: 3 سيارات جديدة من اسبرانزا في السوق المصري

شوفنا العربيات دي في معرض اتوماك السنه اللي فاتت
و السيدان اللي بيقولوا عليها كان تقفيلها حلو الصراحه و خامتها نضيفه
ابو الفتوح مش سهل يا جماعه
بيعمل من الفسيخ شربات زي ما بيقولوا

رد: 3 سيارات جديدة من اسبرانزا في السوق المصري

اقتباس:

المشاركة الأصلية كتبت بواسطة hazem_khidr (المشاركة 45670)

ياه يعني الموديلات دي بقالها سنة!!!

طب من خلال تقييمك يا حازم حتبقى أعلى من ال 516 ولا أقل؟

على فكرة أبوالفتوح توكيل يستحق الاحترام وكل اللي بيتعاملوا معاه بيشكروا فيه
وكمان الناس اللي جابت ال 516 كلهم بيشكروا في العربية......ويكفي سعرها...مقارنة طبعا بامكاناتها
يمكن يكون هو لقى الناس مش عاجبها الشكل فقرر يغير شوية
وكمان ال تيجو 1600 حتقلب الموازين لأنها أول عربية من فئتها تنزل السوق بالسعر ده

عموما كله هيبان الفترة الجاية

رد: 3 سيارات جديدة من اسبرانزا في السوق المصري

يا جماعة خلو بالكو أنا ركبت لانوس 1 سنة 1998 ثم نوبيرا 2002 ومازالت معي ثم لانوس 2007 و بعتها من كام شهر و على مدار السنين دي كلها كنت كل ما جيب عربيةأحاول أعمل الصيانة بتاعتها للحفاظ عليها وقوم رايح التوكيل بتاع دايو في أبو رواش (التوكيل الرئيسي) و و أعد مستني في التوكيل على الأقل 6 ساعات و أنا شايف العربية وقفة أمامي متحركتش و في آخر ربع ساعة أو نصف ساعة تختفي و لقيهم بينادو علية عشان أدفع تمن الصيانة و قطع الغيار و أخد العربية و أول ماأمشي بيها ألاقي أن مافيش حاجة حصلت فيها و أن كل المشاكل ذي ماهية و بالمختصر عشان مطولش عليكوا دة أسوء توكيل في الدنيا و منصحش حد بي أبداً و يغور هو و كل العربيات بتاعتو و بعد ما يأست تماماً من التوكيل دة الناس دلوني على توكيا أبو غالي في جسر السويس و بقيت أروحو و هو أرحم منهم شوية.

رد: 3 سيارات جديدة من اسبرانزا في السوق المصري

التحفه والاسطوره الجديده من شيرى اسبيرانزا M11
قدمها أبو الفتوح فى معرض أوتوماك الأخير ، والسياره فى الحقيقه نالت استحسان جميع رواد المعرض والكثبر من الزوار تساءلوا عن موعد طرحها
فى السوق المصريه ، وأفادت الشركة انه سيتم طرحها فى النصف الثانى من عام 2009 .
السياره من تصميم المصمم الايطالى الشهير بنين فارينا مصمم سيارات
فيرارى وألفاروميو والبيجو 306 و 207 والماتركس ، وهو بالطبع مصمم
مشهور لدى أصحاب الماتريكس لأن توقيعه يزين السياره الماتريكس من
الجانب أعلى الرفرف الخلقى .
بهذه السياره تكون شيرى فد دخلت فعلا حلبة المنافسه مع كبار مصنعبى السيارات فى العالم كما يقول الخبراء .
تخترق شركة شيرى السوق الأميريكيه لأول مره سنة 2009 بهذه السياره حيث اجتازت كل اختبارات الهيئات الاميريكيه بتفوق .
أنا اتفرجت على السياره فى المعرض وهى فى الحقيقه تحفه وذات جوده عاليه تنافس بها الماركات العريقه .
وأنا فى الحقيقه واحد من الناس اللى مستنى نزولها للسوق المصريه بفارغ الصبر حتى أكون أول الحاجزين .
أسيبكو مع الصور اتفرجوا عليها وقلولى رأيكم ايه !!

http://www.fetees.com/vb/attachment....1&d=1233329099
http://www.fetees.com/vb/attachment....1&d=1233329099
http://www.fetees.com/vb/attachment....1&d=1233329099
http://www.fetees.com/vb/attachment....1&d=1233329099
http://www.fetees.com/vb/attachment....1&d=1233329099
http://www.fetees.com/vb/attachment....1&d=1233329152
http://www.fetees.com/vb/attachment....1&d=1233329152

من موقع فتيس

رد: 3 سيارات جديدة من اسبرانزا في السوق المصري

اقتباس:

المشاركة الأصلية كتبت بواسطة dr.darsh (المشاركة 45715)

انا ركبت السيدان اللي اولد مان مشكورا حاططها في مشاركته
لفتت نظري جدا لنضافتها و تقفيلها الجيد
و كانوا بيقولوا انها موديلات 2010 بس .
انا بصراحه من انصار ابو الفتوح لانه راجل عقليته فذه فعلا و بيفكر كويس
كفايه النجاح اللي حققه لشركه زي دايو في مصر
و عرربيه بدون تعديلات من 10 سنين لسه بتتباع لحد انهارده

اقتباس:

المشاركة الأصلية كتبت بواسطة محمد ذكري (المشاركة 45720)

طب يا استاذ محمد بتقول انك جبت لانوس موديل 98 و نوبيرا 2002 و لانوس تاني 2007
يعني تلات عربيات من ابو الفتوح لو مش راضي عن العربيه ليه و انت بتغيرها
ماركبتش ماركه تانيه؟؟؟