رد: عربية رينو كليو موديل 93..ايه رأيكم ؟؟ أدوس ؟؟
 

شكرا يا بوب علي ردك

هي طبعا محتاجة شدة جامدة علشان الركنة الكتير دي بوظت فيها حاجات

بالنسبة للموتور هو كان شاريها عاملة 40 الف كيلو و هو عمل ال 50 الباقيين دول في مشاوير شغله..كان بينزل اسكندرية 3 مرات في الاسبوع..يعني كان طاحنها شغل..و بيقول استهلاك البنزين كويس جدا
بس لما جاب الصني ركن دي علي جنب..

تستاهل اجيب ميكانيكي و ادوس في تفاصيل ؟؟ هو كان جايبها ب 29 الف و مع كلمتين مني قال 22 الف..مش عارف هينزل عنهم ولا لأ
طبعا مش هتكلم معاه في الفلوس الا بعد ما اكشف بمكيانيكي و عفشجي..بس الفكرة هل تستاهل ولا لأ ؟؟

صحيح..هو قال ان في كوبلن بايظ و عاوز يتغير..مش عارف دا بكام..

رد: عربية رينو كليو موديل 93..ايه رأيكم ؟؟ أدوس ؟؟
 

بص حضرتك انا لقيت واحد سايق واحدة موديل 1996 فى الشارع ووقفته و سألته على سعرها قاللى فى اواخر التلاتينات و الله على ما اقول شهيد

رد: عربية رينو كليو موديل 93..ايه رأيكم ؟؟ أدوس ؟؟
 

أنا بصراحة كنت متوقع أنها مش هتقل عن 28 ألف أو 30 ألف لأن الرينو السوبر 5 بتتباع فى أوائل ال 20 ألف.

عموماً أنت محتاج ميكانيكى كويس بيفهم فى رينو يبص عليها عشان تطمن......أنا شايف السعر كده ( 22 ) ممتاز.

ربنا يوفقك.

رد: عربية رينو كليو موديل 93..ايه رأيكم ؟؟ أدوس ؟؟
 

شكرا يا شباب..بس انا خلاص صرفت نظر عنها علشان مش هقدر علي مصاريفها علشان ترجع تتساق

اديني ماشي في مشوار ال 128 و ربنا يسهل

رد: عربية رينو كليو موديل 93..ايه رأيكم ؟؟ أدوس ؟؟
 

طيب اقدر اطلب من حضرتك رقم صاحبها لانى عايز اتفرج عليها طلاما حضرتك مفيش نصيب فيهاptmnlo123per1127