رد: اوبل كورسا 99 في منها اتوماتيك ولا ارجو الرد للأهميه وشكرا
 

طب ممكن حضرتك تقول لي ايه السعر المناسب بالنسبه لانها اتوماتيك واول يد

رد: اوبل كورسا 99 في منها اتوماتيك ولا ارجو الرد للأهميه وشكرا
 

انا عندى واحد صاحبى معاه كورسا موديل ٢٠٠٠ ومسقطلها ماكنة ١٦٠٠ سى سى اتوماتيك.والعربيه نضيفة جدا جدا وهو كان هايبيع من فتره على ٣٥ الف بس رجع فى كلامة وعلى فكره العربيه فيها فتحة سقف وتكييف وجنوط اسبور يعنى مش عايزه اى مصاريف خالص

رد: اوبل كورسا 99 في منها اتوماتيك ولا ارجو الرد للأهميه وشكرا
 

العربية دي نزل منها اتوماتيك 4 سرعات بس , 37 مش كتير لو العربية نظيفة ومش متهانة لاني معايا العربية دي مو97 وجابتلي الرقم دة بس انا مش عاوز افرط فيها لانها الحمد لله عجباني اهم حاجة تكون العربية نظيفة مش رشة دواخل وحالة الموتور والجيربوكس والعفشة والكاوتش و البطارية والباقي بقى انت فهمو
بس نصيحة اتوماتيك على 1200cc هتبقى خنيئة وغلسة والغلاسة الأكتر لو فيها تكييف

رد: اوبل كورسا 99 في منها اتوماتيك ولا ارجو الرد للأهميه وشكرا
 

شكرا علي الرد والنصيحه .... هي اه فيها تكييف بس انا مش فاهمه حضرتك هتبقي غلسه ازاي مش بتسحب كويس يعني ؟؟

رد: اوبل كورسا 99 في منها اتوماتيك ولا ارجو الرد للأهميه وشكرا
 

دي تعتمد على سواقة حضرتك و تحميل العربية بالأوزان ومشغل التكييف في النقطة دي الموضوع مختلف
بس لو انت متأكد من حالة العربية اتكل على الله بس الأول تكشف عليها عند ميكانيكي موثوق فيه للكشف على حالة الموتور والجير وياخد العربية وترفعوها في محطة بنزين علشان يكشف عليها من تحت للكشف على العفشة او اي تسريب لاقدر الله واي مشكلة انا تحت امرك ....العربية معايا من 4 سنوات تقريبا غيرت فيها كل حاجة تتغير فلو محتاج اي نصيحة انا تحت امرك