مصر موتورز مجتمع السيارات - أفيدونى أفادكم الله

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - أفيدونى أفادكم الله (https://www.masrmotors.com/vb/showthread.php?t=84013)

رد: أفيدونى أفادكم الله

اقتباس:

المشاركة الأصلية كتبت بواسطة samirayad (المشاركة 650037)

هو الفتيس عند سعادتك نوعه إيه ...........؟

الفتيس المدفع .........بدون كبل كيك داون

ولا الفتيس العادى ....أبو كبل كيك داون

-------------------

وبالنسبه لموضوع الصدأ بالميه

لاتوجد مشكله فنيه تدعو للقلق

هتغير الخرطوم التالف ده

وتغسل دورة التبريد كويس لدى متخصص ردياتيرات

ويقفلك الدوره صح

وكده خلصت مشاكل الميه وصداها

وطبعا الصدأ ده بيكون طبيعى مع السيارات الغير حديثه نوعا ما

مع أستعمال الماء العادى لدورة التبريد

الفتيس فيه كيك داون
ومتشكر جدا على موضوع الميه ده وربنا يجازيك خير هو بس اللى قلقنى فيه انى قريت هنا موضوع بيقول ان ممكن لون الميه يتغير وبيدل على وصول زيت من الفتيس ليها فحبيت اطمن

رد: أفيدونى أفادكم الله

اقتباس:

المشاركة الأصلية كتبت بواسطة melkhayat83 (المشاركة 650038)

بص ياباشا هو انت اخر مرة غيرت زيت الفتيس امتي وهل بتابعه ولا لا
وبص اعطال الفتيس بتاعك كلأتي
1 - مش بتنقل من 3 الي 4 او من 2 الي 3 دي بتكون من tourq converter و بيتغير ب 300 جنية
2- ضياع كل النقلات دي من علبة البلوف ب 150 جنية
3- الRPM بيزيد و عدم زيادة السرعة بيكون سببها الكلتشات وساعتها تجيب فتيس استيراد احسن

وبره علشان مافتيش في واحد ميكانيكي بتاع دايوا بس اسمه محمد هاشم في بين السريات انا بثق فيه روحله وهو هايوجهك بالظبط ويقولك تعمل ايه
لو انت من القاهرة وعاوز تروحله قولي وانا اوصفلك العنوان بالظبط

أنا اخر مره غيرت فيها زيت الفتيس لما غيرت الفتيس كله من سنه تقريبا وبالنسبه لاعطال الفتيس هى بتهنج من التالت للرابع بس لكن بتروح لما افصل البطاريه وادور تانى وامشى بلاقيها طبيعية وبتاخد كل الغيارات
ومش كل النقلات ضايعه زى ما حضرتك بتقول
والاربى ام بتزيد والسرعه بتزيد معاها بس مبتديش الغيار الرابع بس
على العموم متشكر لرد حضرتك وياريت لو تدينى العنوان برضه

رد: أفيدونى أفادكم الله

انا هنا بقول لحضرتك كل الأعطال الي ممكن تقابلك في الفتيس مش قصدي ان ده الي عندك بحيث لو قابلتك حاجة بعد كده تبقي فاهم بالظبط مفروض تعمل ايه

هو في بين السرايات في شارع المرور بتاع بين السرايات
افضل مكان تروح منه تيجي من شارع الدقي وتدخل كأنك رايح الجامعه تخلي كليه فنون تطبيقيه علي يمينك وتفضل مكمل لحد ماتلاقي مؤمن برده علي يمينك هو اول شارع بعد مؤمن هتلاقي علي اوله يافته في اتجاهات واوله برده ناس بتاع كاوتش
هاتدخل الشارع هتلاقي علي شمالك محل قطع غيار دايو اسمه تقريبا ابو الحسن هو بيبقي قدامه علاطول اسأل عليه هناك وانشاء الله خير ونا معاك برده لو احتجت حاجة[/QUOTE]

رد: أفيدونى أفادكم الله

اقتباس:

المشاركة الأصلية كتبت بواسطة melkhayat83 (المشاركة 650120)

[/QUOTE]
متشكر جدا ياباشا على زوقك بس معلش هتعب حضرتك معايا متعرفش هو شغال فى العربيات الاستيراد وعنده الاسكانر بتاعها ولا لا ؟

رد: أفيدونى أفادكم الله

اقتباس:

لما بيحصل وان النقله الرابعه مبتجيش بتزيد الار بى ام الى 5 أو 6 وطبعا بحاول اسايس العربيه ومقرصش عليها لكن فى كل الاحوال مبيجيش والموضوع مبيتحلش غير لما اركن وافصل البطاريه واسيبها شويه واشغل تانى

اقتباس:

وبالنسبه لاعطال الفتيس هى بتهنج من التالت للرابع بس لكن بتروح لما افصل البطاريه وادور تانى وامشى بلاقيها طبيعية وبتاخد كل الغيارات
ومش كل النقلات ضايعه زى ما حضرتك بتقول

عيب فى وحدة تحكم الفتيس للأسف

ولازم تجرب واحده تانيه