مصر موتورز مجتمع السيارات - استفسار فى عمل التوكيل (التجديد والترخيص )

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - استفسار فى عمل التوكيل (التجديد والترخيص ) (https://www.masrmotors.com/vb/showthread.php?t=83833)

رد: استفسار فى عمل التوكيل (التجديد والترخيص )

اقتباس:

المشاركة الأصلية كتبت بواسطة DrClick (المشاركة 648764)

الف شكر ياباشا على توضيحك وياريت لو توضح بس حته التعامل مع المرور دى ..جزاك الله كل خير

طب ما تسالنى تحديدا وانا اجاوبك لو اعرف انما كدة انا بامانة مش فاهم اية المطلوب

رد: استفسار فى عمل التوكيل (التجديد والترخيص )

انا قصدى جمله التعامل مع المرور دى ...يعنى البيع لنفسه والغير دى مفهومه ..لكن جزئيه التعامل مع المرور ...هل ده معناه انه يتعامل فى التجديد والترخيص برده والا دى بتتيح ليه مجرد استراداد رخصه مسحوبه من المرور او دفع المخالفات يعنى الحاجات البسيطه دى ..اتمنى يكون السؤال واضح دلوقتى
والف شكر ليك :fun_36_3_11[1]:

رد: استفسار فى عمل التوكيل (التجديد والترخيص )

اقتباس:

اكبر استفادة للمشترى هو الترخيص باسم زميلك يعنى بعد الرخصة ما تنتهى هايروح المرور وبموجب التوكيل اللى معاة من زميلك وتحديدا فقرة " التجديد والترخيص " هايجدد العربية سنة او اتنين او تلاتة باسم زميلك يعنى الرخصة هاتطلع فى التجديد القادم باسم زميلك وهاتفضل باسمة فى المرور ودى ليها مشكلتين
الاولى ان لو زميلك جاب عربية تانى وحب ينقلها باسمة او عربية زيرو بيرخصها هايدفع حاجة اسمها ضريبة ميزة
تانى حاجة لو العربية صدر عليها احكام قضائية ( مش مخالفات مرورية ) زى مثلا لو العربية خبط بيها واحد او استعملت فى سرقة ما ساعتها زميلك هايكون طرف فى القضية لانها لسة باسمة وهو المالك لها فى المرور

الرد فى الاقتباس

رد: استفسار فى عمل التوكيل (التجديد والترخيص )

mr_astra انا بشكرك جدا على ردك وسعه صدرك وواضح انى مقدرتش اوصل سؤالى بوضوح ...انا فهمت من حضرتك تماما الجمله الخاصه بالتجديد والترخيص .
يعنى على سبيل المثال .. انا لو كتبت فى التوكيل ...(البيع لنفسه والغير والتعامل مع المرور) ..ووقفت على كده بدون ماكتب تجديد وترخيص خالص ...هنا بقي سؤالى ..جمله (والتعامل مع المرور ) دى بتتيح ايه لحامل التوكيل وايه اهميتها ؟؟ واشكرك تانى مره لسعه صدرك .

رد: استفسار فى عمل التوكيل (التجديد والترخيص )

الجملة دى بيطلع شهادة مخالفات للعربية او شهادة بيانات او اى اجراء اخر فى المرور ولا يحق لة تجديد العربية باسم المالك القديم