مصر موتورز مجتمع السيارات - سؤال لذوي الخبر: ما موصفات أقل سيارة يمكن أن تتحمل السفر؟

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: سؤال لذوي الخبر: ما موصفات أقل سيارة يمكن أن تتحمل السفر؟

أى عربية حالة موتورها 60% أو أكثر :286:
كل ما المسافة تزيد لازم إحتياطاتك تزيد
عدة وبنزين وزيت وميه جراكن إحتياطى
طرنبة ميا وبنزين وسير دينامو وسير كاتينة يكون متغير من قريب
إسبراتير نمرة واحد ويفضل يكون معاك واحد إحتياطى
فردتين إستبن بدل واحدة
كوريك تمساح وكوريك باكم ينفع زرجينة
مثلث وكشاف طوارىء إحتياطى
انا مش بحب السفر الصبح فى الحر عشان الأسفلت مع السرعة بياكل فى الكاوتش
و إعرف ان قبل الطلعات البعيدة دى لازم يكون حالة الكاوتش بتاعك ميه ميه لأن محدش هيرحمك لو فردة باظت منك وربنا يسترها مع الجميع
أخر كلام متقفش لحد على الطريق غير للجيش أو الشرطة غير كده متقفش
وخلى بالك العرباوية بتوع سينا بيطلعوا من أجناب الطريق وخصوصا طريق شرم
أوعى اوعى تعمل جدع وترخم على حد منهم لأنهم معندهمش تفاهم
و دائما أبدا ما تزودش السرعة عن 100
ومتخليش فلوس كتير فى المحفظة لأن فى ناضورجية بيقفوا فى الرست يشوفوا الناس معاها اه
وربنا يوفقك إن شاء الله

رد: سؤال لذوي الخبر: ما موصفات أقل سيارة يمكن أن تتحمل السفر؟

بسم الله الرحمن الرحيم

1/موتور كويس (زيت -ماء - حراره)
2/كوتش كويس
3/اهم حاجه فرامل كويسه(العمر مش بعذقه)
4/بطاريه كويسه
5/جمع الانور تعمل بكفاءة
6/جميع العدادت تعمل
7/توفر العده الاساسيه(استبن-كوريك-مفتاح عجل)
8/بنزين في التنك
:CHUBBY~36:سوقسوق

رد: سؤال لذوي الخبر: ما موصفات أقل سيارة يمكن أن تتحمل السفر؟

سوزوكي ماروتي ارخص عربيه واقتصاديه جدااا 800 سي سي 3 سلندر بس عربيه محترمه والله طول منت مبتجيش عليها ولا بتهينها وماشي في المتوسط وتسافر السعوديه لو عايز :D

رد: سؤال لذوي الخبر: ما موصفات أقل سيارة يمكن أن تتحمل السفر؟

اقتباس:

المشاركة الأصلية كتبت بواسطة AboNoRa (المشاركة 636555)

خطاء شائع ان ناس كتير فاكرة ان فيه مواصفات معينة للعربية لقطع مسافات طويلة

وعلى العكس السفر الطوالى لو كان بقيادة متزنة اريح للعربيه من المشى فى المدن

وبالتالى اى عربيه طالماً حالتها كويسه تقدر تسافر مسافات طويلة

المهم التأكد من حالة العربيه بالعموم قبل السفر وبالاخص العفشه والكاوتش وزيت الموتور والسوائل

غير كده لو ماروتى تقدر تسافر بيها اسوان وانت مطمن

كلام مظبوط
وانا كان عندى عربيه 1300 فيات
وكنت ظابط موتورها
على الشعره
كنت بسافر بيها
ومش هاقولك ولا مشكله
بس ابعد عن اى عربيه موتورها فى الخلف
وبعد كده اى عربيه موتورها تمام
تروح بيها الهند
والسفر بعد ان يكون الموتور تمام
بيبقى ليه قواعد
يعنى كل حوالى 200 كيلو
تقف استراحه ليك انت مش للعربيه
وعشان تبص على مياه التبريد لو ناقصه تزودها
وتعوض لو المياه تبخرت
فى خلال المسافه المقطوعه

رد: سؤال لذوي الخبر: ما موصفات أقل سيارة يمكن أن تتحمل السفر؟

اقتباس:

المشاركة الأصلية كتبت بواسطة shedo6 (المشاركة 636511)

بيجو 504 بس تكون حالتها نظيفه

هتلف بيها مصر بأقل التكاليف وهتريحك في سواقتها MADDRIVE

بصراحه رغم انه مش موضوعنا بس مستغرب جداااااااا ان ال 504 بتسافر باقل التكاليف دا كفايه بوابات البنزين اللي فيها من اسمها بس تعرفك انها عاوزه بنزينه ورا العربيه الا بقي لو هتقلبها غاز زي العربيات ال 7 راكب