مصر موتورز مجتمع السيارات - معايا بريليانس جالينا 2008 عايز اتأكد ان العربيه جايبه جوان وش سلندر

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: افيدوني ارجوكو؟؟؟؟

طيب انت بتشوف الميه نقصت ازاى ؟
لازم تشوف الميه والعربيه بارده يعنى الصبح قبل ما تدورها شوف الميه وبعديها بيوم قيس الميه الصبح برده قبل ما تدور العربية
لان قياس الميه والعربية بارده ممكن يختلف لوقيستها وهى سخنه

رد: افيدوني ارجوكو؟؟؟؟

اقتباس:

المشاركة الأصلية كتبت بواسطة samirayad (المشاركة 623704)

لا كده الوضع يجب الوقوف عنده

وهنا أرى أن تكشف على حالة حريق البوجيهات

فلو لقيتها مصديه

يبقى الجوان تالف

اخى الكريم البوجيهات فى كل الاحوال استحالة تصدى حتى لو ان سطح البستون غرقان مية فمع اول دوارة للعربية المياة بتخرج برة والنتيجة الحريق لا يمكن تخلى مياة على البوجيهات
الاخ صاحب المشكلة
فى عربيات بيكون صعب تحكم مستوى المياة من غير تزويد وانا اقصد مثلا الـ 128
مش لازم انك تلاقى نقط مياة او تسريب ملحوظ بالعين وانما ممكن يكون تبخير من خرم صغير جدا
من وجهه نظرى ممكن تعمل حاجة حلوة اوى
حط فى القربة او الردياتير 100ملم ميكرو كروم
وفايدة حتين اول حاجة باحتواءة على مادة السلفا بيسد اخرام متناهية الصغير فى الردياتير او الدورة عموما
تانى فايدة ان لو فى تسريب ناتج من اثر بخر لمياة الردياتير هتلاقى وتلاحظ بالعين مكان التسريب لان المكان بيكون متغطى باللون الاحمر
تقبل مرورى

رد: افيدوني ارجوكو؟؟؟؟

اقتباس:

المشاركة الأصلية كتبت بواسطة mr_astra (المشاركة 623992)

فعلا لو دخلت المياه غرف الحريق البوجيهات لا تعمل وتلاحظ إهتزازات قوية فى المحرك نتيجة عطل البوجيه اللى أتى عليه مياة وغالبا بيكون السبب ضعف جوان وش السلندر أو عيب فى الوش وكمان لو حصل كده لاقدر الله بتلاقى كل مياه الردياتير طلعت من الشكمان :F_14WA~16[1]:
ولكن فيه مادة بتتباع عند بتاع الكماليات من شركة ABROعاملة زى الفلفل الأسود بتلحم الأخرام فى الردياتير جربها وجرب أى وسيله اخرى قبل فك وش السلندر أولا لأن العربية جديدة وثانيا الوش غالى جدا وهيعدى ثمنه الـ3000 جنيه
والميكركروكروم فعلا بيساعد على إكتشاف مكان التسريب بسرعة ومش بيأثر على دورة المياه

رد: افيدوني ارجوكو؟؟؟؟

يا جماعه انا عايز اعرف الخطوات اللي بيتعرف فيها ان العربيه جايبه جواااااااااان واسف علي ازعاجكم

رد: افيدوني ارجوكو؟؟؟؟

اقتباس:

اخى الكريم البوجيهات فى كل الاحوال استحالة تصدى حتى لو ان سطح البستون غرقان مية فمع اول دوارة للعربية المياة بتخرج برة والنتيجة الحريق لا يمكن تخلى مياة على البوجيهات

على فكره

أنت مش واخد بالك مما أعنيه

فالميه فى صورة رزاز وأختلاطها بخليط البنزين والهواء

غير لما تكون فى صوره سائله

فهناك فرق بين البخار والسائل