مصر موتورز مجتمع السيارات - خايف من العيوب الللى بسمعها عن الصنى

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - خايف من العيوب الللى بسمعها عن الصنى (https://www.masrmotors.com/vb/showthread.php?t=80362)

رد: خايف من العيوب الللى بسمعها عن الصنى

اجمالا الصنى عربيه محترمة وقيمتها فيها ومفيش عيوب تقفيل مزمنه او كارثيه فيها كان فيه شويه مشاكل فى اول دفعات بعد كده اتحلت ومحدش بيشتكى من التقفيل المصرى

رد: خايف من العيوب الللى بسمعها عن الصنى

اقتباس:

المشاركة الأصلية كتبت بواسطة walid mohamed mansour (المشاركة 620786)

ممكن استأذنك بحكم انك معاك الصنى ... أنا بردوا ناوى اشترى السوبر صالون ان شاء الله .. اخبار قطع الغيار وثمنها ايه؟ وكمان هاتعبك عايز اعرف قبل 5000 كم كان معدل استهلاكها لل 20 لتر بنزين كام؟ وبعد ال5000 بقى كام ؟؟؟؟ وشكرا لأهتمامك

بص حضرتك هي قطع الغيار اسعارها زي اي عربيه ياباني وبتمتاز انها معمره جدا ومنتشره بره التوكيل لان الصني بتعتبر من اشهر السيارات لنيسان في مصر واكثرها انتشارا في مصر الا انها اعلي من اسعار الكوري وده طبيعي لان قطع غيار الياباني اعلي من كوري عامه ولكنها معمره اكثر من الكوري اما بخصوص البنزين
انت فعلا هتلاقي عالي في الفتره الاولي لشراء العربيه وخصوصا الالف كيلو الاولي وبعد كده هتحس بتحسن مع كل كيلوات هتستهلكها حتي الوصول ل5000 كيلو هيبقي الاستهلاك للبنزين في حدود المتوسط بس معدل الاستهلاك بالظبط انا مقدرش افيدك لانه كان بيتغير وده لينك لقطع غيار واسعارها
http://masrmotors.com/vb/showthread.php?t=15066

وده لينك لاستهلاك البنزين ذكره بعض الاعضاء
http://masrmotors.com/vb/showthread.php?t=59975

واخر حاجه احب اقله الك ان مراكز خدمه صيانه نيسان من افضل مراكز الصيانه في مصر وده اللي بيميز نيسان عن باقي التوكيلات واتمني ان يوفق الله الي الخير ان شاء الله واي استفسار انا تحت امرك

رد: خايف من العيوب الللى بسمعها عن الصنى

اقتباس:

المشاركة الأصلية كتبت بواسطة almostakble (المشاركة 621022)

شكرا لاهتمامك بس ممكن تقولى حضرتك سيارتك كم معدل استهلاكها والعفشة معاك مريحة ولا لا وشكرا ليك جدا

ده شكر علي واجب انا كنت زيك كده اقبل مقوم بعمليه شراء العربيه وحضرتك لو تابعت مواضيعي هتلاقيني كنت بسال الاعضاء المحترمين عن عيوب ومميزات الصني وفي منهم كان بيقولي كويسه ومنهم كان بيقولي ابعد عنها وبلاش هما كلهم جزاهم الله خير طبعا بس انا كنت بهتم بكلام الاعضاء اللي بيملكوا العربيه وهتستغرب ان انا كنت خلاص نازل اشتري اللوجان بس وانا في المعرض اقبلت واحد بيستلم الصني وروحت شوفتها معاه وهوه بيستلمها وشكرلي فيها جدا واقلي ان عائلته كلها تملك العربيه ديه وفعلا اقتنعت بيها جدا وحجزتها والحمد لله ربنا وفقني في اختيارها معلش انا طولت علي حضرتك بس انا حبيت احكيلك عشان تعرف ان انا كنت متحير زيك والحمد لله ربنا وفقني في العربيه اما بخصوص اسئله حضرتك فده لينك لاستهلاك البنزين لاحد الاعضاء عشان انا الاستهلاك كان بيتغير من فتره لفتره وانا مقدرتش احسبه كويس
http://masrmotors.com/vb/showthread.php?t=59975
بخصوص العفشه هي هتبقي نشفه شويه اول متستلم العربيه لان ضغط الهواء في الفردتين الاماميتين بيكون 36 والخلفيتين بيكون 33 فحتحس بكل طوبه في الارض بس لما تستلم ظبط الضغط علي 32 امامي و30 خلفي ع فكره ده كلام مركز خدمه السبع اللي في المنصوره هوه اللي اقلي اظبط كده والحمد لله العفشه ريحت كتير ونعمت عن الاول والله يا افندم العربيه كمضمون زي الفل من حيث الاستحمال والموتور والعفشه والصاج غير العربيات الحديثه اللي صاجها ورق وعلي فكره انا ليا موضوع علي صاج العربيه عايزك تشوفه
http://masrmotors.com/vb/showthread.php?t=78199

انا طبعا مش هقول ان العربيه افضل مثلا من تويوتا كرولا بس هي افضل اختيار لعربيه في حدود الفئه السعريه ديه من 93:103 والدليل علي ذلك ثقه الناس فيها والاقبال علي شرائها وربنا يوفقك للخير ان شاء الله

رد: خايف من العيوب الللى بسمعها عن الصنى

اقتباس:

المشاركة الأصلية كتبت بواسطة jojojojojo (المشاركة 621128)

اقتباس:

المشاركة الأصلية كتبت بواسطة jojojojojo (المشاركة 621118)

الكلام ده جميل جدا ورائع فعلا وكل حاجه فيه صح بس حكاية الاستهلاك ناس كتير بتختلف فيه مع بعض

رد: خايف من العيوب الللى بسمعها عن الصنى

اقتباس:

المشاركة الأصلية كتبت بواسطة amdd (المشاركة 621467)

الكلام ده جميل جدا ورائع فعلا وكل حاجه فيه صح بس حكاية الاستهلاك ناس كتير بتختلف فيه مع بعض

شكرا جدا وانا بنقل تجربتي للعربيه بكل امانه عشان اللي هيقبل علي الشراء ان شاء الله يكون كلامي فاده ويكون اقتنع بالعربيه وربنا يوفق الجميع للخير