|
رد: معايا 50 الف.. أجيب ايه؟
او تقدر تقرص علي نفسك و تجيب بونتو كلاسيك زيرو 2008 ب 65 الف يبقي هترتاح مش اقل من 8 سنين من متاعب العربيات عربية ممتازة و فيها اوبشنز مش بطاله
لو عايز حاجة جبارة.....28 الف تجيب ابيزا 94 ضايعة موتور و عفشه او جولف 2 و تطلع علي الحرفيين ترزع مكنة abf دي 2000 سي سي 150 حصان 16 صباب عزم 180 نيوتن بعفشة كاملة ادام و ورا بالمساتر بالطنابير بالكاليبرات بالليلة كلها بحوالي 8500 جنيه او ليا واحد صاحبي عمل الاتي ابيزا 94 رفع الاساسيات كلها و سقط vr6 و ده 2800 سي سي 180 حصان 235 نيوتن بفتيس اوتو بتاع ال vr6 بالقنطرة بتاعت vr6 و تانك و طرمبه و عدادات Vr6 و قطمة دركسيون و كنترولات و ضفاير و و عفشة كاملة ادام و ورا بالفرامل بكله بالتسقيط بالمصنعية عملها ب 10 الاف و معاه عربية جبارة تخيط اجدع عربية 2008 و اوتوماتيك و التكلفة حوالي 38 الف العربية+الموتور الجديد بملحقاته كلها... لو عايز حاجة مستعملة ستوك لو انت مش غاوي لعب و تسقيط ....شوف ابيزا 2001 و دي ميزتها توفير البنزين الرهيب لانها 1000 سي سي انجكشن و دي استهلاكها 380 كيلو في الصفيحة(20 لتر بنزين) اما ال 1400 250 كيلو في الصفيحة(20 لتر) او تشوف بونتو قديم او لانوس 2000 او اكسنت 1300 موديل 2001 |
رد: معايا 50 الف.. أجيب ايه؟
السلام عليكم
ايه ياستاذ محمد الجمال ده هو ساكن فى الحرفيين هههههههه |
رد: معايا 50 الف.. أجيب ايه؟
شكرا أوى يا جماعة.. أنا ظبطت الموضوع وحاجيب بونتو زيرو ان شاء الله :)
اقتباس:
شكرا لكل اللى ردوا.. وخصوصا أستاذنا محمد ابيزا.. :) |
رد: معايا 50 الف.. أجيب ايه؟
اختيار موفق ان شاء الله
برضو الزيرو له طعم تاني ... او ريحه الفابريكه زي ما بيقولو .. والبونتو كلاسيك بسعرها الحالي بمواصفاتها تعتبر انسب عربيه في فئتها ... مبروك مقدما ... |
رد: معايا 50 الف.. أجيب ايه؟
مساء الخير عليكم انا كمان معايا 50000 جنية ومش عارف اجيب اية مش از اركب كورى انا عاوز يابانى او اوربى وتكون ثابتة على الطريق انصحونى علشان ما جيبش حاجاة غلط
|
| الساعة الآن 03:51 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017