مصر موتورز مجتمع السيارات - عربيتي اتسرقت !! أرجو المساعدة

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

- - عربيتي اتسرقت !! أرجو المساعدة (https://www.masrmotors.com/vb/showthread.php?t=792)

رد: عربيتي اتسرقت !! أرجو المساعدة

لا حول ولا قوة الا بالله

ربنا يعوض عليك

ان شاء الله لو لمحتها فى اى مكان هكلمك على طول

رد: عربيتي اتسرقت !! أرجو المساعدة

الله يبارك فيك أخي sokasoon
وربنا يجعله في ميزان حسناتكم جميعًا

رد: عربيتي اتسرقت !! أرجو المساعدة

لا حول ولا قوة إلا بالله

ربنا يعوض عليك بأحسن منها إن شاء الله .... وعشان يكون عندك امل هاقولك إن كان في واحد من زملائنا في المنتدى القديم أسمه محمد الحسيني عربيته برضه أتسرقت واعلن عنها في المنتدى وبعد أيام أو أسابيع قليله ربنا وفقه ولقاها في شارع مصر والسودان وكانت ناقصة الكاسيت والنِمَر

إن شاء الله تعالى ربنا مش هايخذلك ابدا وهاتلاقيها بإذن الله

------------------------------------------------------

وبالمناسبة دي يا جماعه أحب أقول حاجه مهمه جدا جدا عشان نتلاشى على قد ما نقدر سرقة سيارتنا

أولا أياك واعطاء مفاتيح سيارتك لاي شخص كان حتى ولو كان بواب العمارة
ثانيا أياك أن تترك مفاتيح سيارتك في ورشة من الورش التي تتعامل معها
ثالثا أياك أن تهمل في أصلاح اي باب فور أن يعطل المسوجر
رابعا تركيب جهاز انذار شيء مهم جدا احرص عليه
خامسا قم بعمل مفتاح فصل لدى اي مركز خدمة او كهربائي سيارات عادي

أعتقد أن هذه الخطوات تقلل جدا من سهولة سرقة سيارتنا
وربنا يعوض على زميلنا "أبو عبدالرحمن"

رد: عربيتي اتسرقت !! أرجو المساعدة

الله يبارك فيك ويطمنك أخي بايو
ربنا يرجعهالي بالسلامة

وشكرًا على النصائح الغالية والمهمة دي
بس يعني إيه: قم بعمل مفتاح فصل لدى اي مركز خدمة او كهربائي سيارات عادي

رد: عربيتي اتسرقت !! أرجو المساعدة

شوف يا "أبو عبدالرحمن"
المقصود بمفتاح الفصل هو مفتاح يتم عمله لفصل وتوصيل دائرة التشغيل ويتم اخفاء ذلك المفتاح في أي مكان في السيارة (في درج التابلوه مثلا - تحت كرسي السائق - تحت الدريكسيون ......) ولا ستطيع أحد ان يقوم بتشغيل السيارة إلا بعد تشغيل ذلك المفتاح أولا

زي بالظبط مفتاح اللمبة الكهربائية إللي في أي بيت مانقدرش ننور إلا لما نشغل المفتاح