رد: صيانة ال 5000 للشيفروليه لانوس
 

الف شكر ليك انا لسا فعلا مكلم منصور دلوقت وحجزولي في ابو رواش للأسف يعني بيقولو بيكون زحمه جدا بس ربنا يسهل وبالنسبه للكتالوج فعلا قالولي صورة البطاقه والرخصه وهو هايديني الحاجات دي في الفرع اللي في سور نادي الزمالك من 9 الي 4:30

رد: صيانة ال 5000 للشيفروليه لانوس
 

كلمتهم علي اني اغير زيت بره قالولي مفيش مشكله بس ماتغيرش فلتر!!!!! لان العربيه كلها هاتخرج بره الضمان ولو حطيت حاجه غير موبيل زي شيل مثلا برضه تخرج بره الضمان ... وكنت عايز اسأل هل الزيت بتاع اول مره بيكون 10000 لانها قالتلي اني معديش بالزيت ال 7000 كيلو

رد: صيانة ال 5000 للشيفروليه لانوس
 

هو موصى بزيت موبيل ولذلك لن يقبل تغييره بنوع آخر.
الفلتر قطعة غيار وهو مش هيعتمد أى قطعة مش من عنده.
الزيت المستخدم 5000 كم ولكن 7000 دى أعتقد انه يقصد بيها ان ده الحد الأقصى اللى ممكن يقبل بيه السيارة أنا مثلا غيرت عند 5750 ولم يعلق حتى .
بالتوفيق

رد: صيانة ال 5000 للشيفروليه لانوس
 

طالما الموضوع عمل الصيانة فقط
لو فى امكانك تروح فرع التجمع الخامس فى شارع ال90 داخل محطة شل اما مستشفى القوات الجوية يبقى تمام
وكتيب الضمان زى مقال او سلمى روح على اى فرع لمنصور وهما هيدوك كتيب الضمان ولو انت من القاهرة يبقى قدامك فرع المهندسين فى شارع جامعة الدول العربية سور نادى الزمالك
او فرع الطيران فى مدينة نصر
ولو هاتروح فرع التجمع وعايز تحط زيت موبيل ابقى اشتريه من بره لان الفرع ده بيغير شل بس عشان هو جوا محطة شل
واى استفسارات اخرى انا تحت امرك
ومبروك عليك العربية وصيانه ال 5000 مقدما

رد: صيانة ال 5000 للشيفروليه لانوس
 

المعلومة دى فكس منهم اذا كان فرعهم اللى فى التجمع الخامس بيحط شل لو انت مش مشترى الزيت من بره قبل ما تروحلهم