|
رد: الزتونة (1) معركة مجلس الشورى
اقتباس:
الله ينور عليك يا تونسى باشاً ده الجزء التانى من المشكلة اختصاصات مجلس الشورى حددت اختصاصات مجلس الشورى فى المادتين 195،194 من الدستور اللى هو لسه هيتعمل !! يعنى الناس هتيجى بس الاول وبعدين نشوفلهم شغلانة بناء على الدستور الجديد :018A1D~146: خاصة ان شغلانتهم فى الدستور القديم كانت حاجة خزعبلية تماماً إذ تنص المادة 194 على أن يختص مجلس الشورى بدراسة واقتراح ما يراه كفيلاً بـالحفاظ على مبادئ ثورتى 23 يوليو سنة 1952 و15 مايو سنة 1971، ودعـم الوحدة الوطنية، !! دعمها ازاى ؟؟ والسلام الاجتماعى، !! كمان وحماية تحالف قوى الشعب العاملة !! فين مين ؟ والمكاسب الاشتراكية ، !! الله يرحمها والمقومات الأساسية للمجتمع !! وقيمه العليا !! والحقوق والحريات العامة !! والواجبات!! ، دباجة دباجة وكلام مكرر بتقوم بيه كل اجهزة الدولة المفروض مش فاهم ايه الجديد غير وتعميق النظام الاشتراكى الديمقراطى وتوسيع مجالاته وحماية ثورات 52 و 71 !!! يعنى قمة التهريج كلام اشتراكى موووووووت فى دولة ماشية بنظام راسمالى وش :pty: مع شوية تحابيش من ديموقراطية السادات !! وديباجة لزوم الحشو ... يعنى اى كلام هل احنا فعلاً محتاجين قرابة 300 عضو كمان علشان حماية ثورات 52 و 71 !!! هل عندنا رفاهيه تضييع وقت تانى فى انتخابات الشورى ؟ وهل عندك استعداد اقتصادى لمصاريف اكتر ؟ وهل ضامن متحصلش مشاكل فى الانتخابات ترجعنا خطوات تانى لورا؟ |
رد: الزتونة (1) معركة مجلس الشورى
حمد الله على السلامه ياأستاذ وائل ونورت المنتدى وليك وحشه والله .
بالنسبه لمجلس الشورى كل الناس رافضه هذا المجلس وحاسين إنه مالوش لازمه وكفايه مجلس الشعب .....أنا عن نفسى مش فاهم وظيفته إيه غير مجلس الشعب دا غير المصاريف ....لكن لما بنسأل القانونيين فى الموضوع بيقولوا مينفعش ولازم ننتخبه لانه موجود فى الاعلان الدستورى .. |
رد: الزتونة (1) معركة مجلس الشورى
الله يسلمك يا دكتور انتو والله وحشتونى اكتر الفترة اللى فاتت
|
رد: الزتونة (1) معركة مجلس الشورى
خلاص يتغير الدستور فى الوقت الحالى ويتلغى مجلس الشورى منه
|
رد: الزتونة (1) معركة مجلس الشورى
اقتباس:
يا دكتور ما ده نفس الاسلوب القديم ما تنحى مبارك كان غير صريح نصوص القانون وهيسبب فراغ دستورى لكن اللى حصل ان المخلوع ( تخلى) مش (تنحى) و(كلف) مجلس عسكرى (غير منتخب وغير دستورى) هل المحاكمات ( العسكرية ) ( للمدنين ) دستورية ؟؟ هل الغاء قانون الطوارى (المشروط) بقرار من المشير دستورى ؟ هل تمرير قانون الازهر بعيداً عن مجلس الشعب دستورى ؟ حجة واهيه طبعاً فى رائينا والمفروض تفهمو منها مدى اصرار وتمسك المجلس (فى الواجهه) وبقايا النظام (فى الخلفية) فى اكبر قدر ممكن من السلطات انت عارف ان الدستور بروحة ونصوصة تمنع من ممارسة السياسة للعسكريين اصلاً والمنطق والتجربة تؤكد ده ازاى عايزنا نقبل باستمرار نفوذ النظام القديم (على الاقل) ده غير ان النفوذ ده ليه اثار تراكمية على باقى عملية الانتقال وازاى نقبل فى دولة بنأسسها صح يبقى فيها مجلس تشريعى لا معروف ايه لازمتة ولا متفق على قوامة (ده بافتراض حسن النية) فى مرحلة حساسة زى اللى احنا فيها ؟؟ |
| الساعة الآن 01:09 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017